Qeysər Xəlilov

Qeysər Xəlilov
Xəlilov Qeysər Veysəl oğlu
Fayl:Qeysər Xəlilov.JPG
Qeysər Xəlilov
Azərbaycan Respublikası Nazirlər Kabineti yanında Tarix və Mədəniyyət Abidələrinin Mühafizəsi və Bərpası Komitəsinin sədri 1992 — 21 iyul 1992-ci il
Azərbaycan Respublikası Dövlət Teleradio Verilişləri Şirkətinin sədri 12 mart 1991 — 12 sentyabr 1991
Sələfi	vəzifə təsis olunub
Azərbaycan Respublikası Dövlət Televiziya və Radio Verilişləri Komitəsinin sədri 1990 — 12 mart 1991
Xələfi	komitə ləğv edilib
Şəxsi məlumatlar
Doğum tarixi	9 oktyabr 1929(1929-10-09)
Doğum yeri	Nuxa, Nuxa rayonu, Azərbaycan SSR, ZSFSR, SSRİ
Vəfat tarixi	7 aprel 2000(2000-04-07) (71 yaşında)
Vəfat yeri	Bakı, Azərbaycan
Vətəndaşlığı	SSRİ→ Azərbaycan
Təhsili	S.M.Kirov adına Azərbaycan Dövlət Universiteti (1946 – 1951)
Elmi dərəcəsi	fəlsəfə elmləri doktoru
Elmi adı	professor
Təltifləri

Qeysər Xəlilov (Xəlilov Qeysər Veysəl oğlu) – fəlsəfə elmləri doktoru (1982), professor (1989), Azərbaycan SSR əməkdar elm xadimi (1990); 1963 – 1990-ci illərdə Azərbaycan SSR “Bilik” cəmiyyəti İdarə Heyəti sədrinin birinci müavini olmuş, 1990 – 1992 ci illərdə Azərbaycan Respublikası Dövlət Televiziya və Radio Verilişləri Komitəsinin sədri, Azərbaycan Respublikası Dövlət Teleradio Verilişləri Şirkətinin sədri, Azərbaycan Respublikası Prezident Administrasiyasında müşavir, Azərbaycan Respublikası Nazirlər Kabineti yanında Tarix və Mədəniyyət Abidələrinin Mühafizəsi və Bərpası Komitəsinin sədri vəzifələrində işləmişdir.

Haqqında məlumatlar

1929-cu ildə Nuxada anadan olub.

Təhsili

1936 – 1946-cı illərdə M.Qorki adına 10 №-li Nuxa şəhər məktəbində,

1946 – 1951-ci illərdə S.M.Kirov adına Azərbaycan Dövlət Universitetində təhsil alıb.

İş yerləri

1954 – 1963-cü illərdə Azərbaycan radiosunda jurnalist, uşaq və gənclər şöbəsinin müdiri, Azərbaycan SSR Radio və Televiziya Komitəsi partiya komitəsinin katibi,

1963 – 1990-cı illərdə “Bilik” cəmiyyətinin İdarə Heyəti sədrinin birinci müavini,

1990 – 1991-ci illərdə Azərbaycan Respublikası Dövlət Televiziya və Radio Verilişləri Komitəsinin sədri (12 mart 1991-ci il tarixədək), Azərbaycan Respublikası Dövlət Teleradio Verilişləri Şirkətinin sədri (12 mart 1991-ci il tarixdən sonra),

1991 – 1992-ci illərdə Azərbaycan Respublikası Prezident Administrasiyasında müşavir,

1992-ci ildə Azərbaycan Respublikası Nazirlər Kabineti yanında Tarix və Mədəniyyət Abidələrinin Mühafizəsi və Bərpası Komitəsinin sədri olub.

1993-cü ildə təqaüdə çıxıb.

Elmi fəaliyyəti

1961-ci ildə namizədlik, 1982-ci ildə doktorluq dissertasiyası müdafiə edib.

1989-cu ildə professor elmi adını alıb.

Mükafatları

• Azərbaycan SSR Əməkdar Elm xadimi (1990).

Vəfatı

2000-ci ildə Bakıda vəfat edib.

Ədəbiyyat

Məmmədov Ə., Xalıqov F. Xəlilov Qeysər // Şəki: Alim və ziyalılar. — Bakı. — 2 cilddə. — Səh.: 258 – 259. Şablon:Yaxşı məqalə