Töhrab Hüseynov
| Töhrab Hüseynov | |
|---|---|
| Hüseynov Töhrab Fərrux oğlu | |
| Töhrab Hüseynov | |
| Töhrab Hüseynov, 1990-cı il | |
| Şəxsi məlumatlar | |
| Doğum tarixi | 10 aprel 1954 |
| Doğum yeri |
Nuxa, Nuxa rayonu, .svg){kind=small} Azərbaycan SSR,  SSRİ |
| Vətəndaşlığı |
SSRİ→ Azərbaycan |
| Təhsili |
Şəki Musiqi Texnikumu (1969 – 1973) Üzeyir Hacıbəyov adına Azərbaycan Dövlət Konservatoriyası (1974 – 1979) |
Töhrab Hüseynov (Hüseynov Töhrab Fərrux oğlu; d. 10 aprel 1954-cü ildə, Nuxa, Nuxa rayonu, Azərbaycan SSR, SSRİ) – musiqiçi-pedaqoq; 1989 – 2010-cu illərdə Şəki Musiqi Texnikumunun direktoru olub.
Haqqında məlumatlar
1954-cü ildə Nuxada anadan olub.
Təhsili
1961 – 1971-ci ildə 10 №-li Nuxa/Şəki şəhər orta məktəbində oxuyub.
1963 – 1968-ci illərdə Nuxa şəhər yeddiillik musiqi məktəbinin tar sinfində,
1969 – 1973-cü illərdə Şəki Musiqi Texnikumunda,
1974 – 1979-cu illərdə Üzeyir Hacıbəyov adına Azərbaycan Dövlət Konservatoriyasında tar ixtisası üzrə təhsil alıb.
İş yerləri
1969-cu ildən uşaq bağçalarında, sonralar yeddiillik uşaq musiqi məktəblərində (Şəkidə və Bakıda) müəllim işləyib.
1979 – 1987-ci illərdə Şəki Musiqi Texnikumunda şöbə müdiri,
1987 – 1989-cu illərdə Fuad Əbdürəhmanov adına Şəki Şəhər Uşaq İncəsənət Məktəbinin direktoru olub.
1989 – 2010-cu illərdə əvvəlcə qısa müddət (1989-cu ilin 5 iyul – 1 avqust tarixləri arası) Şəki Musiqi Texnikumunda tədris işləri üzrə direktor müavini, sonra isə (1 avqust 1989-cu il – 7 iyun 2010-cu il tarixləri arası) direktor vəzifəsində çalışıb.
İctimai aktivliyi
1990-cu ildə Şəki şəhər Xalq Deputatları Sovetinə deputat seçilib.
1993-cü ildən Yeni Azərbaycan Partiyasının üzvüdür.
Yeni Azərbaycan Partiyasının I – III və Azərbaycan müəllimlərinin XI – XIII qurultaylarının nümayəndəsi olub.
Şəki Musiqi Texnikumunun direktoru olduğu illərdə (1989 – 2010) Şimal – Qərb regionunda keçirilən mədəni-kütləvi tədbirlərdə yaxıbdan iştirak edib.
Şəki Musiqi Texnikumunun xor, orkestr və rəqs qrupu Şəki Olimpiya İdman Kompleksinin açılışında, 2003-cü il.
Şəki Musiqi Texnikumunun folklor qrupu, 2001-ci il.
Mükafatları
- Azərbaycan SSR Xalq Təhsili Nazirliyinin və Mədəniyyət Nazirliyinin fəxri fərmanları.
Ədəbiyyat
- Məmmədov Ə., Xalıqov F. Hüseynov Töhrab // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 172 – 173. — 600 nüsx. — ISBN 5-8066-1708-4.