Töhrab Hüseynov

Töhrab Hüseynov
	Hüseynov Töhrab Fərrux oğlu
	Töhrab Hüseynov, 2002-ci il.
Şəxsi məlumatlar
Doğum tarixi	10 aprel 1954 (70 yaş)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ→ Azərbaycan
Təhsili	• Şəki Musiqi Texnikumu (1969–1973) • Üzeyir Hacıbəyov adına Azərbaycan Dövlət Konservatoriyası (1974–1979)
facebook səhifəsi

Töhrab Hüseynov — musiqiçi-pedaqoq, Şəki Musiqi Texnikumunun sabiq direktoru.

Haqqında məlumatlar[redaktə | HTML redaktə]

10 aprel 1954-cü il tarixdə Nuxada (indiki Şəki) anadan olub.

Təhsili[redaktə | HTML redaktə]

1961 – 1971-ci ildə 10 №-li Nuxa/Şəki şəhər orta məktəbində,

1963 – 1968-ci illərdə Nuxa şəhər yeddiillik musiqi məktəbinin tar sinfində,

1969 – 1973-cü illərdə Şəki Musiqi Texnikumunda,

1974 – 1979-cu illərdə Üzeyir Hacıbəyov adına Azərbaycan Dövlət Konservatoriyasında (tar ixtisası üzrə) təhsil alıb.

Əmək fəaliyyəti[redaktə | HTML redaktə]

1969-cu ildən uşaq bağçalarında, sonralar yeddiillik uşaq musiqi məktəblərində (Şəkidə və Bakıda) müəllim,

1979 – 1987-ci illərdə Şəki Musiqi Texnikumunda şöbə müdiri,

1987 – 1989-cu illərdə Fuad Əbdürəhmanov adına Şəki Şəhər Uşaq İncəsənət Məktəbinin direktoru,

1989 – 2010-cu illərdə əvvəlcə qısa müddət (1989-cu ilin 5 iyul – 1 avqust tarixləri arası) Şəki Musiqi Texnikumunda tədris işləri üzrə direktor müavini, sonra isə (1 avqust 1989-cu il – 7 iyun 2010-cu il tarixləri arası) direktor vəzifəsində çalışıb.

İctimai-siyasi aktivliyi[redaktə | HTML redaktə]

1990-cu ildə Şəki Şəhər Sovetinin deputatı seçilib.

1993-cü ildən Yeni Azərbaycan Partiyasının üzvüdür.

Yeni Azərbaycan Partiyasının I – III və Azərbaycan müəllimlərinin XI – XIII qurultaylarının nümayəndəsi olub.

Şəki Musiqi Texnikumunun direktoru olduğu illərdə (1989 – 2010) Şimal – Qərb regionunda keçirilən mədəni-kütləvi tədbirlərdə yaxından iştirak edib.

Mükafatları[redaktə | HTML redaktə]

Azərbaycan SSR Xalq Təhsili Nazirliyinin, Mədəniyyət Nazirliyinin, Şəki şəhər İH başçısının, Şəki şəhər Xalq Marifi Şöbəsinin fəxri fərmanları.

Ədəbiyyat[redaktə | HTML redaktə]

Məmmədov Ə., Xalıqov F. Hüseynov Töhrab // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 172-173. — 600 nüsx. — ISBN 5-8066-1708-4.