Əhməd Nəbiyev
| Əhməd Nəbiyev | |
|---|---|
| Nəbiyev Əhməd Əbdürrəhim oğlu | |
 | |
| Əhməd Nəbiyev. | |
| Doğum tarixi | 1 iyul 1885 |
| Doğum yeri |
Nuxa (indiki Şəki), Nuxa qəzası, Yelizavetpol quberniyası,  Rusiya İmperiyası |
| Vəfat tarixi | +1970 |
| Vəfat yeri |
 SSRİ |
| Vətəndaşlıq |
SSRİ |
| Təhsili | Qori seminariyası, müəllimlik ixtisası (–1911) |
| Həyat yoldaşı | Maral Əfəndiyeva-Nəbiyeva |
| Evladları | Rüxsarə və İzzət |
| Mükafatları |
 |
Əhməd Nəbiyev (1885–+1970) — tanınmış maarifçi, maarif tədqiqatçısı, pedaqoq və etnoqraf.
Haqqında məlumatlar[redaktə | HTML redaktə]
1 iyul 1885-ci il tarixdə Nuxada (indiki Şəki) anadan olub.
Təhsili[redaktə | HTML redaktə]
1893 – 1899-cu illərdə Nuxada altıillik üsuli-cədid məktəbində təhsil alıb.
1899 – 1901-ci illərdə rus dili üzrə fərdi hazırlaşıb.
1901 – 1908-ci illərdə Bakıda Mixailovski məktəbində təhsil alıb.
1911-ci ildə Qori seminariyasını bitirib.
Əmək fəaliyyəti[redaktə | HTML redaktə]
1911 – 1913-cü illərdə həyat yoldaşı Maral Əfəndiyeva-Nəbiyeva ilə birlikdə Karyagin qəzasının Qarğabazar kənd məktəbində,
1913 – 1919-cü illərdə Nuxa məktəblərində,
1920 – 1925-ci illərdə Nuxa qız seminariyasında,
1946 – 1957-ci illərdə Bakı şəhər 44 №-li orta məktəbində müəllim işləyib[qeyd 1].
1957-ci ildə – 72 yaşında, təqaüdə çıxıb.
Elmi fəaliyyəti[redaktə | HTML redaktə]
Şəkidə təhsilin tarixi mövzusunda bir neçə məqaləsi çap olunmuşdur. Lakin Şəki haqqında bir neçə yüz dəftər səhifəsi həcmində qələmə aldığı tarixi-etnoqrafik yazıları isə heç vaxt çap olunmayıb.
Təltif və mükafatları[redaktə | HTML redaktə]
- Lenin ordeni (1949).
Vəfatı[redaktə | HTML redaktə]
1970-ci ildə həyatda idi. Vəfat etdiyi il məlum deyil.
Ailəsi[redaktə | HTML redaktə]
Atası Əbdürrəhim Mahmud oğlu (1843–1927) zərgər idi. Anası isə savadsız bir qadın olub.
Rəşid bəy Əfəndiyevin qızı Maral Əfəndiyeva-Nəbiyeva (1889-1967) ilə evlənmişdir. O da tanınmış pedaqoq idi. Qızları Rüxsarə 1942-ci ildə S.M.Kirov adına Azərbaycan Dövlət Universitetini bitirdikdən sonra təyinatla V.İ.Lenin adına Nuxa İpək Kombinatına iqtisadçı işləməyə göndərilmişdir. Oğulları İzzət Nəbiyev texnika elmləri doktoru, professor, Azərbaycan SSR əməkdar elm və texnika xadimi, SSRİ Dövlət mükafatı laureatı olub.
Ailə fotoşəkilləri[qeyd 2][redaktə | HTML redaktə]
Əhməd Nəbiyev, Nuxa, 1907-ci il.
Əhməd Nəbiyev, Sankt-Peterburq, 1907-ci il.
Əhməd Nəbiyev, Sankt-Peterburq, 1908-ci il.
Əhməd Nəbiyev və Maral Əfəndiyeva, Car kəndi, 1913-cü il.
Əhməd Nəbiyev, qızı Rüxsarə, anası Məsumə, həyat yoldaşı Maral Əfəndiyeva.
Əhməd Nəbiyev, Qarğabazar, 1913-cü il.
Nəbiyevlər ailəsi, Bakı, 1924-cü il.
Rəşid bəy Əfəndiyevin ailə üzvləri; soldan: 1) Mahtaban, 2) Cəmilə, 3) Məmməd Əfəndiyev, 4) Naimə, 5) Maral Əfəndiyeva-Nəbiyeva. Arxada: İzzət Nəbiyev.
Qeydlər[redaktə | HTML redaktə]
- ↑ Əhməd Nəbiyev 7 aprel 1964-cü il tarixdə öz əli ilə qələmə aldığı tərcümeyi-halında 1925 – 1946-cı illərdə harada və hansı vəzifədə işləməsi barədə məlumat vermir. Yalnız qeyd edir ki, 1925-ci ildə Bakıya köçmüş, 1943 – 1946-cü illərdə əvvəl iki il Qutqaşendə (indiki Qəbələ), sonra isə Nuxada yaşamış, 1946-cı ilin yanvar ayında yenidən Bakıya qayıtmış və Bakı şəhər 44 №-li orta məktəbində müəllim təyin olunmuşdur.
- ↑ Fotoşəkillər professor Ədalət Tahirzadə tərəfindən Şəki Ensiklopediyasına təqdim edilib.
Ədəbiyyat[redaktə | HTML redaktə]
- Əhməd Nəbiyevin qələmə aldığı Şəki haqqında tarixi-etnoqrafik materiallar (əlyazma). — Müraciət tarixi: 11.11.2023.
 | © 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
 |
- Ə
- Şəxslər (familiya sırası ilə)
- Şəkidən çıxmış alimlər
- Şəkidən çıxmış şair və yazıçılar
- Şəkidən çıxmış pedaqoqlar
- 1885-ci ildə doğulanlar
- 1 iyulda doğulanlar
- İyulda doğulanlar
- Lenin ordeninin kavalerləri
- Alimlər
- Şəxslər (ad sırası ilə)
- Şəki Ensiklopediyası:Yoxlanılmış məqalələr əlifba sırası ilə
- Şəki Ensiklopediyası:Çapa hazır məqalələr