Mübariz Əliheydərov

Mübariz Əliheydərov
Əliheydərov Mübariz Nurəhməd oğlu
Mübariz Əliheydərov.
Şəxsi məlumatlar
Doğum tarixi	28 may 1955 (1955-05-28)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ→ Azərbaycan
Musiqi aləti	tar
Təhsili	Şəki Orta İxtisas Musiqi Məktəbi (1971–1975)
facebook səhifəsi

Mübariz Əliheydərov — tanınmış tarzən-pedaqoq. Vaxtilə Şəkidə fəaliyyət göstərmiş “Səbuhi” xalq çalğı alətləri ansamblına rəhbərlik etmişdir.

Haqqında məlumatlar

28 may 1955-ci il tarixdə Nuxada (indiki Şəki) anadan olub.

Təhsili

1962 – 1970-ci illərdə Nuxa/Şəki 6 №-li səkkizillik məktəbində,

1966 – 1970-ci illərdə Şəki şəhər 1 №-li musiqi məktəbində,

1971 – 1975-ci illərdə Şəki Orta İxtisas Musiqi Məktəbində təhsil alıb.

Hərbi xidmətdə

1975 – 1977-ci illərdə həqiqi hərbi xidmətdə olub.

Əmək fəaliyyəti

1975 və 1977 – 1979-cu illərdə Balakən uşaq musiqi məktəbində tar müəllimi,

1979 – 1992-ci illərdə Şəki şəhər mədəniyyət evində bədii rəhbər, eyni zamanda “Səbuhi” xalq çalğı alətləri ansamblının rəhbəri,

2006 – 2021-ci illərdə Bakı şəhərinin Binəqədi rayonunda müvəqqəti yerləşmiş Füzuli rayon Şəkərcik kənd Uşaq Musiqi Məktəbində tar müəllimi vəzifəsində çalışıb.

2021-ci ildən əmək təqaüdündədir.

Fotolar

• 

  Mübariz Əliheydərov “Səbuhi” ansamblında tar çalarkən, 1980-cı illər.

• 

  Mübariz Əliheydərov “Səbuhi” ansamblında tar çalarkən, 1984-cü il.

• 

  Mübariz Əliheydərov Ağdərədə əsgərlər arasında tar çalarkən, 1992-ci il.