Qafqaz Ağabalayev

Qafqaz Ağabalayev
Ağabalayev Qafqaz Məhəmmədhəsən oğlu
Qafqaz Ağabalayev.
Doğum tarixi	10 yanvar 1983 (1983-01-10)
Doğum yeri	Kiş, Nuxa rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	Azərbaycan Dövlət Pedaqoji Universitetinin Şəki filialı və AMEA Şəki Regional Elmi Mərkəzi
Elmi dərəcəsi	coğrafiya üzrə fəlsəfə doktoru
Elmi adı	aparıcı elmi işçi
Təhsili	• Gəncə Dövlət Universiteti, riyaziyyat-informatika fakültəsi, bakalavriat, coğrafiya ixtisası (2000–2004)  • Gəncə Dövlət Universiteti, magistratura, qiyabi (2004–2007)
facebook səhifəsi

Qafqaz Ağabalayev — coğrafiya üzrə fəlsəfə doktoru, Azərbaycan Dövlət Pedaqoji Universitetinin Şəki filialının müəllimi və AMEA Şəki Regional Elmi Mərkəzinin ekoloji coğrafiya şöbəsinin rəhbəri.

Haqqında məlumatlar

10 yanvar 1983-cü il tarixdə Şəki rayonunun Kiş kəndində anadan olub.

Təhsili

1989 – 2000-ci illərdə Şəki rayonu Kiş kənd 1 saylı tam orta məktəbində,

2000 – 2004-cü illərdə Gəncə Dövlət Universitetinin riyaziyyat-informatika fakültəsində,

2004 – 2007-ci illərdə Gəncə Dövlət Universitetinin magistraturasında təhsil alıb.

Hərbi xidmət

2007 – 2008-ci illərdə həqiqi hərbi xidmətdə olub.

Əmək fəaliyyəti

2014-cü ildən AMEA-nın Şəki Regional Elmi Mərkəzinin ekoloji coğrafiya şöbəsində elmi işçi vəzifəsində çalışıb.

2023-cü ilin yanvar ayının sonundan AMEA Şəki Regional Elmi Mərkəzinin Ekoloji coğrafiya şöbəsinin rəhbəridir.

Pedaqoji fəaliyyəti

2004-cü ildə Kiş kənd 1 saylı orta məktəbində və Kiş kənd Aydın Məmmədov adına 2 saylı orta məktəbində,

2005 və 2008-ci illərdə Kiş kənd Heydər Əliyev adına 1 saylı tam orta məktəbində coğrafiya müəllimi,

2012 – 2015-ci illərdə AMİ-nin Şəki filialında geodeziya, topoqrafiyanın əsasları, kartoqrafiya, hidrologiya və s. fənlər üzrə müəllim vəzifəsində çalışıb.

2015-ci ildən ADPU-nun Şəki filialında geodeziya, topoqrafiyanın əsasları, kartoqrafiya, hidrologiya və s. fənləri üzrə müəllimdir.

Elmi fəaliyyəti

2013-cü ildən AMEA-nın akademik Həsən Əliyev adına Coğrafiya İnstitutunun dissertantı olub,

2021-ci ilin oktyabr ayında dissertasiyasını müdafiə edərək coğrafiya üzrə fəlsəfə doktoru elmi dərəcəsi alıb.

2014 – 2023-cü illərdə bir sıra respublika və beynəlxalq səviyyəli elmi konfransların iştirakçısı olub. 22 elmi, 2 elmi-populyar məqalənin müəllifi, “Azərbaycanın Şəki-Zaqatala bölgəsinin təbii resurslarının landşaft-diaqnostik və iqtisadi xüsusiyyətləri” adlı elmi kitabın həmmüəllifidir.

2018-ci ildə AMEA-nın Şəki Regional Elmi Mərkəzində aparılan tədqiqatlar zamanı Şəki rayonundakı Kiş çayı və çayın qolları üzərində yerləşən Xudgər şəlaləsini aşkar edib.

Ədəbiyyat

1. Ağabalayev Qafqaz Məmmədhəsən oğlu : [arx. 29 Jun 2017 - 21 Feb 2023] // AMEA Şəki Regional Elmi Mərkəzi. — Müraciət tarixi: 06.06.2023.