Zərinə Cavadova

Zərinə Cavadova
Cavadova Zərinə Ələkbər qızı
Zərinə Cavadova (2019).
Doğum tarixi	15 sentyabr 1960(1960-09-15)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	9 may 2024 (63 yaşında)
Vəfat yeri	Şəki
Vətəndaşlıq	SSRİ→ Azərbaycan
İş yeri	Şəki Şəhər icra hakimiyyəti (icra hakimiyyəti başçısının müavini və icra hakimiyyəti başçısı aparatının ictimai-siyasi və humanitar məsələlər şöbəsinin müdiri)
Elmi dərəcəsi	tarix elmləri namizədi
Təhsili	• S.M.Kirov adına Azərbaycan Dövlət Universiteti, tarix fakültəsi (1981–1986)  • M.Ə.Rəsulzadə adına Bakı Dövlət Universiteti, aspirantura (1995–)
Elmi rəhbəri	Yaqub Mahmudov
facebook səhifəsi

Zərinə Cavadova (1960–2024) — tanınmış pedaqoq, tarix elmləri namizədi, Şəki Şəhər icra hakimiyyəti başçısının müavini və icra hakimiyyəti başçısı aparatının ictimai-siyasi və humanitar məsələlər şöbəsinin müdiri.

Haqqında məlumatlar

15 sentyabr 1960-cı il tarixdə Nuxada (indiki Şəki) anadan olub.

Təhsili

1977-ci ildə Şəki şəhər 7 №-li orta məktəbini bitirib.

1981 – 1986-cı illərdə S.M.Kirov adına Azərbaycan Dövlət Universitetinin tarix fakültəsində təhsil alıb.

1995-ci ildə M.Ə.Rəsulzadə adına Bakı Dövlət Universitetinin aspiranturasına daxil olub.

Əmək fəaliyyəti

1977 – 1981-ci illərdə V.İ.Lenin adına Şəki İpək İstehsalat Birliyində işləyib.

1986-cı ildən Kiş kənd 6 saylı orta məktəbində müəllim,

1993-cü ildən Bakı Dövlət Universitetinin Şəki filialında müəllim,

2000-ci ildən Bakı Dövlət Universitetinin Şəki filialının bazasında yaradılmış Azərbaycan Müəllimlər İnstitutunun Şəki filialında əvvəl müəllim, sonra baş müəllim və təlim-tərbiyə işləri üzrə direktor müavini,

2006-cı ildən Şəki Şəhər icra hakimiyyəti başçısının müavini və icra hakimiyyəti başçısı aparatının ictimai-siyasi və humanitar məsələlər şöbəsinin müdiri vəzifəsində çalışıb.

Elmi fəaliyyəti

2002-ci ildə “Şimal-Qərbi Azərbaycan: tarixi demoqrafik tədqiqat (XIX əsrin əvvəlləri-70-ci illəri)” mövzusunda namizədlik dissertasiyasını müdafiə edib.

Vəfatı

9 may 2024-cü il tarixdə – 63 yaşında, uzun sürən xəstəlikdən sonra Şəkidə vəfat edib.

Ədəbiyyat

1. Məmmədov Ə., Xalıqov F. Cavadova Zərinə // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 64-65. — 600 nüsx. — ISBN 5-8066-1708-4.