Rəna Əsədova

Rəna Əsədova
Əsədova Rəna Şərif qızı
Rəna Əsədova.
Doğum tarixi	25 yanvar 1962 (1962-01-25)
Doğum yeri	Baş Göynük, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
İş yeri	AMEA İdarəetmə Sistemləri İnstitutu, 6 saylı Elmi-texniki informasiya və patent tədqiqatları şöbəsi (şöbə rəhbəri)
Elmi dərəcəsi	Texnika elmləri namizədi
Elmi adı	dosent
Təhsili	M.Əzizbəyov adına Azərbaycan Neft və Kimya institutu, mühəndis-elektrik ixtisası (1979–1984)

Rəna Əsədova — texnika elmləri namizədi, dosent, AMEA İdarəetmə Sistemləri İnstitutunun 6 saylı elmi-texniki informasiya və patent tədqiqatları şöbəsinin rəhbəri.

Haqqında məlumatlar

25 yanvar 1962-ci il tarixdə Nuxa (indiki Şəki) rayonunun Baş Göynük kəndində, ziyalı ailəsində anadan olub.

Təhsili

1969 – 1979-cu illərdə orta məktəbdə,

1979 – 1984-cü illərdə M.Əzizbəyov adına Azərbaycan Neft və Kimya institutunda (mühəndis-elektrik ixtisası üzrə) təhsil alıb.

Əmək fəaliyyəti

1980 – 2003-cü illərdə Azərbaycan Sənaye institutunda (Sumqayıt) əvvəl laborant, sonra baş laborant, daha sonra assistent, baş müəllim vəzifəsində çalışıb.

2003-cü ilin yanvar ayından AMEA Kibernetika/İdarəetmə Sistemləri institutunda işləyir; o cümlədən, əvvəl elmi işçi, 2004-cü ilin sentyabr ayından isə elmi-texniki informasiya, patent tədqiqatları və menecment şöbəsinin rəhbəri olub.

İkinci iş yerləri

Azərbaycan Texniki Universitetində pedaqoji fəaliyyət göstərib.

Azərbaycan Memarlıq və İnşaat Mühəndisliyi Universitetinin informasiya texnologiyaları və sistemləri kafedrasında və Bakı Dövlət Universitetinin tətbiqi riyaziyyat fakültəsinin informatika kafedrasında dosent vəzifələrində (hər birində 0,5 ştat) çalışır.

Elmi fəaliyyəti

2001-ci ildə namizədlik dissertasiyasını müdafiə edib.

Çapdan çıxmış elmi əsərlərinin ümumi sayı 34, beynəlxalq bazalarda referatlaşdırılan və indeksləşdirilən jurnallarda çap olunan məqalələrin sayı 5, müəlliflik şəhadətnamələrinin və patentlərin sayı isə 2-dir.

İctimai aktivliyi

AMEA İdarəetmə Sistemləri İnstitutunun Qadınlar Şurasının sədridir.

Təltif və mükafatları

• Avropa Nəşr Evinin təsis etdiyi “Ən yaxşı vətənpərvər tədqiqatçı alim Qızıl medalı” (12 iyul 2016);
• İLİN ALİMİ Ali Media mükafatı – Azərbaycan Kütləvi İnformasiya Vasitələri İşçiləri Həmkarlar İttifaqı tərəfindən keçirilmiş rəy sorğusuna görə (2017).

Ədəbiyyat

1. Məmmədov Ə., Xalıqov F. Əsədova Rəna // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 124-125. — 600 nüsx. — ISBN 5-8066-1708-4.
2. İdarəetmə Sistemləri İnstitutu fəlsəfə doktorları/Əsədova Rəna Şərif qızı (azərb.). http://www.science.gov.az/. Azərbaycan Milli Elmlər Akademiyası. Arxivləşdirilib (26 Feb 2018 - 16 Dec 2019).