Diqqət! 4 aprel 2024-cü il tarixdən saytın yeni versiyası sheki.org domenində fəaliyyət göstərir. Bu köhnə versiyadır və yenilənməsi məhdudlaşdırılıb...
Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur!

Ülvi Həsənli

Şəki Ensiklopediyası səhifəsi
Jump to navigation Jump to search
Ülvi Həsənli
Həsənli Ülvi Namiq oğlu
Ülvi Həsənli
Ülvi Həsənli.
Şəxsi məlumatlar
Doğum tarixi 10 aprel 1990 (1990-04-10) (34 yaş)
Doğum yeri Şəki, Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ

Musiqi alətləri skripka, alt (viola) ifaçısı
Təhsili

 • Bakı Musiqi Akademiyası, ifaçılıq fakültəsi, bakalavriat (2007–2011)

 • Bergen Universiteti (Norveç), ifaçılıq fakültəsi, magistratura (2012–2014)

 • Stavanger Universiteti (Norveç), ifaçılıq fakültəsi, aspirantura (2014–2015)

 • Stavanger Universiteti (Norveç), alt (viola) ixtisası, magistratura (2017–2020)

 • Stavanger Universiteti (Norveç), alt (viola) ixtisası, aspirantura (2020– 2021)
facebook səhifəsi

Ülvi Həsənli — tanınmış azərbaycanlı musiqiçi və musiqiçi-pedaqoq, skripka və alt (viola) ifaçısı. Almaniya, İtaliya, İspaniya, Danimarka, Finlandiya, İsveç, Latviya, Estoniya və s. Avropa ölkələrində bir sıra masterklass və orkestr proyektlərində iştirak edib. 2014-cü ildən Norveçin Stavanger şəhərində yaşayır.

Haqqında məlumatlar

10 aprel 1990-cı il tarixdə Şəkidə anadan olub.

Təhsili

1997 – 2005 və 2006 – 2007-ci illərdə Şəki şəhər Rəşid bəy Əfəndiyev adına 10 nömrəli orta məktəbində,

2005 – 2006 illərdə isə “Wagner High School”da (San Antonio şəhəri, Texas ştatı, ABŞ) orta təhsili alıb.

Musiqi təhsili

Skripka ixtisası üzrə

2000 – 2005-ci illərdə Şəki Şəhər Uşaq İncəsənət Məktəbinində ilkin,

2007 – 2011-ci illərdə Bakı Musiqi Akademiyasının ifaçılıq fakültəsində bakalavr,

2012 – 2014-cü illərdə Bergen Universitetinin (Norveç) ifaçılıq fakültəsində magistr,

2014 – 2015-ci illərdə Stavanger Universitetində (Norveç) aspirantura təhsili alıb.

2015 – 2021-ci illərdə Stavanger Universitetində təhsilini davam etdirib; o cümlədən,

2015 – 2016-cı illərdə praktika və pedaqoji musiqi nəzəriyyəsi üzrə,

2016 – 2017-ci illərdə kamera musiqisi və alternativ ixtisas alt (viola) aləti üzrə ixtisasartırma kursu keçib,

2017 – 2020-ci illərdə alt (viola) ixtisası üzrə magistr,

2020 – 2021-ci illərdə isə aspirantura təhsili alıb.

Əmək fəaliyyəti

2007 – 2009 illərdə Azərbaycan Dövlət Akademik Musiqi Teatrında orkestr artisti,

2009 – 2012 illərdə Üzeyir Hacıbəyli adına Azərbaycan Dövlət Simfonik Orkestrində orkestr ifaçısı olaraq çalışıb.

2014-cü ildən Norveçin Stavanger şəhərində musiqiçi və müəllim olaraq əmək fəaliyyəti ilə məşğuldur.

Təltif və mükafatları

  • 2005 – 2006 illərdə orta təhsilini ABŞ-da davam etdirdiyi müddət ərzində Texas Gənc Musiqi İfaçıları müsabiqəsində San Antonio şəhəri üzrə birinci, Texas ştatı üzrə isə ikinci yeri tutub.
  • 2007-ci ildə Bakıda keçirilən skripkaçılar arasında müsabiqənin laureatı olub.