İbrahim Mustafayev (ipəkçilik və toxuculuq sənayesi üzrə mütəxəssis)

İbrahim Mustafayev
Mustafayev İbrahim Nurməmməd oğlu
Fayl:İbrahim Mustafayev.JPG
İbrahim Mustafayev, 1980-cı il
“Xalq Üçün Mallar” Dövlət Konsernin İdarə Heyətinin sədrinin müavini 1991 — 1994
Azərbaycan SSR Yerli Sənaye nazirinin müavini 1977 — 1984
Şəxsi məlumatlar
Doğum tarixi	10 may 1938 (1938-05-10)
Doğum yeri	Nuxa, Nuxa rayonu, Azərbaycan SSR, SSRİ
Təhsili	Nuxa Toxuculuq Texnikumu (1957 – 1959) Daşkənd Toxuculuq İnstitutu (1960 – 1965)
Təltifləri

İbrahim Mustafayev (Mustafayev İbrahim Nurməmməd oğlu; d. 10 may 1938, Nuxa, Nuxa rayonu, Azərbaycan SSR, SSRİ) – ipək və toxuculuq sənayesi üzrə mütəxəssis; Azərbaycan SSR Yerli Sənaye nazirinin müavini (1977 – 1984), V.İ.Lenin adına Şəki İstehsal İpək Birliyinin baş direktoru (1984 – 1989), “Xalq Üçün Mallar” Dövlət Konsernin İdarə Heyəti sədrinin müavini (1984 – 1989) və s. vəzifələrdə işləyib.

Haqqında məlumatlar

1938-ci ildə Nuxada anadan olub.

Təhsili

1945 – 1957-ci illərdə əvvəl Nuxa şəhər M.Qorki adına 10 №-li orta məktəbində, sonra isə Nuxa şəhər 11 №-li orta məktəbində orta təhsil,

1957 – 1959-cu illərdə Nuxa Toxuculuq Texnikumunda texnik-texnoloq ixtisası üzrə, orta-ixtisas təhsili,

1960 – 1965-ci illərdə isə Daşkənd Toxuculuq İnstitutunda toxuculuq üzrə mühəndis-texnoloq ixtisası üzrə ali təhsil alıb.

İş yerləri

1959 – 1960-cı illərdə V.İ.Lenin adına Nuxa İpək kombinatında toxucu, baramaaçan, usta köməkçisi,

1965 – 1967-ci illərdə texnoloji istehsal sahəsində usta, baş mühəndisin müavini,

1967 – 1977-ci illərdə baş mühəndis,

1977 – 1984-cü illərdə Azərbaycan SSR Yerli Sənaye Nazirliyində nazir müavini,

1984 – 1989-cu illərdə V.İ.Lenin adına Şəki İstehsal İpək Birliyinin baş direktoru,

1989 – 1994-cü illərdə Azərbaycan SSR Yüngül Sənaye Nazirliyində şöbə müdiri, “Xalq Üçün Mallar” Dövlət Konserninin İdarə Heyəti sədrinin müavini vəzifəsində işləyib.

Mükafatları

• “Şərəf nişanı” ordeni.

Ədəbiyyat

• Məmmədov Ə., Xalıqov F. Mustafayev İbrahim // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 296 – 297. — 600 nüsx. — ISBN 5-8066-1708-4.