Əhmədbəy Tahirov

Əhmədbəy Tahirov (1866–1958) — tanımış tarzən-pedaqoq, Azərbaycan SSR əməkdar müəllimi, hazırkı Şəki Şəhər Uşaq İncəsənət Məktəbinin yaradıcılarından biri və ilk direktoru.

Əhmədbəy Tahirov
Tahirov Əhmədbəy Mahmud oğlu
Əhmədbəy Tahirov.
Şəxsi məlumatlar
Doğum tarixi	1887(1887-00-00)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	may may 1958(1958-05-00) (70 yaşında)
Vəfat yeri	Nuxa (indiki Şəki), Azərbaycan SSR, SSRİ
Dəfn yeri	Məhəmməd əfəndi qəbiristanlığı, Şəki, Azərbaycan
Həyat yoldaşı	Şövkət Tahirova (Nəbibəyova)
Uşaqları	Çingiz Tahirov, Baxşı Abbasova (Tahirova) və digər 3 qız
Mükafatları

Haqqında məlumatlar

1887-ci ildə Nuxada (indiki Şəki) anadan olub. Bəy nəslindən olmamışdır. Atası Mahmud dərzi idi.

Əmək və musiqiçi fəaliyyəti

Kiçik yaşlarından Nuxadakı ipək fabrikində fəhlə işləyib.

Uşaqlıqdan tar çalmağa böyük həvəs göstərib.

Gənclik illərindən el şənliklərində məşhur xanəndə Ələsgər Abdullayevi (Şəkili Ələsgər) və bir çox digər tanınmış xanəndələri müşayiət edib.

1917-ci ildə Nuxada ilk dəfə tar dərnəyi yaradıb.

1934 – 1940-cı illərdə Sabir adına Nuxa Dövlət Dram Teatrının xalq çalğı alətləri orkestrinin tərkibində ifaçılıq edib. Eyni zamanda o, Nuxa Pedaqoji Texnikumunda uzun illər musiqi müəllimi işləyib.

1938-ci ilin sentyabr ayından Nuxa musiqi məktəbinin (indiki Şəki Şəhər Uşaq İncəsənət Məktəbi) direktoru olub.

Təltif və mükafatları

“Azərbaycan SSR əməkdar müəllimi” fəxri adı (1943).

Vəfatı

1958-ci ilin may ayının əvvəllərində – 70 yaşında, Nuxada vəfat edib. Məhəmməd əfəndi qəbiristanlığında dəfn olunub.

Ailəsi

5 qızı və 1 oğlu olub.

Həyat yoldaşı Şövkət bəy nəslindən idi, Tiflis şəhərində qızlar gimnaziyasını bitirmişdi və rus dilini təmiz bilirdi. O, Əhmədbəyin vəfatından 2 il əvvəl – 1955-ci ildə, vəfat etmişdir.

Ədəbiyyat

1. Abbasov İ. Tarzən Əhmədbəy // Ədalət : qəzet. — Bakı, 2011. — В. 19 mart. — Səh. 17. Arxivləşdirilib; arxivləşdirmə tarixi: 15 Jun 2020 - 15 Jul 2020.
2. Təhmirazqızı S. Əhmədbəy Tahirov // Şəkidə ifaçılıq sənəti. — Bakı: Nərgiz, 2016. — Səhifələrin sayı:  224. — Səh.: 81. — 300 nüsx.