Əkrəm Şəkinski

Əkrəm Şəkinski
Əkrəm Şəkinski
Azərbaycan Respublikası Geologiya və Mineral Ehtiyatlar Komitəsinin Sədri 8 noyabr 1991 — 25 iyun 1998
Sələfi	vəzifə təsis edilib
Azərbaycan SSR Nazirlər Soveti Geologiya Baş İdarəsinin Rəisi 19 aprel 1974 — 8 noyabr 1991
Xələfi	vəzifə ləğv edilib
Azərbaycan SSR Ali Sovetinin IX çağırış deputatı 1980 — 1984
Azərbaycan SSR Ali Sovetinin X çağırış deputatı 1985 — 1990
Şəxsi məlumatlar
Doğum tarixi	16 noyabr 1929(1929-11-16)
Doğum yeri	Bakı, Azərbaycan SSR, SSRİ
Vəfat tarixi	25 iyul 1998(1998-07-25)
Atası	Məmmədəmin Şəkinski
Həyat yoldaşı	Fərəh Şəkinskaya
Təltifləri

Əkrəm Məmmədəmin oğlu Şəkinski — Azərbaycan dövlət və siyasi xadimi, tanınmış mühəndis.

Haqqında məlumatlar

16 noyabr 1929-cu il tarixdə Bakıda anadan olub.

Təhsili

1954-cü ildə Azərbaycan Sənaye İnstitutunun (indiki ADNA) geoloji-kəşfiyyat fakültəsini bitirib.

Əmək fəaliyyəti

Yeniyetmə yaşlarında Xəzər Donanmasının İstehsalat kombinatının çörəkxanasında usta köməkçisi, sonralar SSRİ “Baştunelmetrotikinti” İdarəsinin Bakıdakı Baş Markşeyder İdarəsində böyük fəhlə, kiçik texnik-geodeziyaçı, daha sonralar isə əvəvl “Azneft” birliyinin Dənizdə Geofiziki Kəşfiyyat İdarəsində seysmik kəşfiyyat partiyasının böyük radiotexniki, sonra idarənin baş mühəndisi vəzifəsində işləyib.

1966-1968-ci illərdə “Texnoeksport” Ümumittifaq Birliyi ilə İran neft kompaniyası arasında bağlanmış müqavilənin məsləhətçi-rəhbəri kimi İrana xidməti ezamiyyətdə olub. Orada onun rəhbərliyi ilə Cənubi Xəzərin İran sektorunda aparılan seysmik kəşfiyyat sayəsində 30-dan artıq perspektivli neft-qaz strukturları aşkarlanaraq dərin qazma işləri üçün hazırlanıb.

1969-cu ildə SSRİ Neft Sənayesi Nazirliyinin “Azneftgeofizkəşfiyyat” Trestinin müdiri vəzifəsinə təyin olunub.

1974-cü ilin aprelində Azərbaycan SSR Nazirlər Soveti Geologiya İdarəsinin rəisi vəzifəsinə təyin edilib və ömrünün sonunadək bu vəzifədə çalışıb.

Digər

Xarici ölkələrlə iqtisadi əməkdaşlığa dair danışıqlar aparmaq məqsədilə Ə.Şəkinski hökumət komissiyalarının heyətində - 1969-cu ildə İranda, 1973-cü ildə Nigeriyada olmuşdur.

Ə.Şəkinski bir sıra dövlət və hökumət komissiyalarının üzvü idi. Sovet İttifaqı nümayəndə heyətinin tərkibində 1989-cu ildə ABŞ-ın Vaşinqton şəhərində keçirilmiş XXVIII Ümumdünya Geoloji Konqresin işində fəal iştirak etmişdi.

X və XI çağırış Azərbaycan SSR Ali Sovetinin deputatı olmuşdur. "Qırmızı Əmək Bayrağı" və "Şərəf nişanı" ordenləri, medallarla, respublika Ali Sovetinin Fəxri fərmanı ilə təltif edilmiş, "Azərbaycan SSR əməkdar geoloqu" və "SSRİ Yer təkinin fəxri kəşfiyyatçısı" fəxri adlarını almışdı.

Vəfatı

25 iyun 1998-ci il tarixdə − İstanbul şəhərində xidməti ezamiyyətdə olarkən vəfat edib. Bakıda, Fəxri xiyabanda dəfn olunub.

Ədəbiyyat

• Məmmədov Ə., Xalıqov F. Şəkinski Əkrəm // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 523. — 1.000 nüsx.
• Yusifzadə Y., Əlizadə Y., Quliyev A. (2009.- 15 noyabr). "Əsl vətəndaşlıq nümunəsi". http://anl.az/ (azərb.). “Azərbaycan” qəzeti. 16 Nov 2020 tarixində arxivləşdirilib.