Məmmədəmin Şəkinski

Məmmədəmin Şəkinski
Şəkinski Məmmədəmin Əhməd oğlu
Məmmədəmin Şəkinski
Doğum tarixi	15 mart 1900(1900-03-15)
Doğum yeri	Aşqabad, Zakaspiysk vilayəti, Rusiya İmperiyası
Vəfat tarixi	28 sentyabr 1979 (79 yaşında)
Vəfat yeri	Bakı, Azərbaycan SSR, SSRİ
Uşağı	Əkrəm Şəkinski
Mükafatları

Məmmədəmin Şəkinski – Azərbaycan sovet dövlət xadimi; bir sıra məsul vəzifələrdə çalışmış, lakin 1937-ci ildə siyasi repressiyaya məruz qalaraq həbs olunmuşdur. 1955-ci ildə bəraət almışdır. Azərbaycan sovet milisinin yaradıcılarından biri hesab olunur.

Haqqında məlumatlar

15 mart 1900-ci ildə Aşqabad şəhərində anadan olub.

1909-cu ildə ailəsi ilə Nuxa şəhərinə köçüb.

1917-ci ildən Tiflisdə bolşevik hərakatına qoşulmuş, Qars vilayətində, Nuxa və Ağdam qəzalarında bolşevik təbliğatı aparmışdır.

1918-ci ildə Hümmət partiyasının Aşqabad komitəsinin məsul katibi olub, Aşqabad Fəhlə və Əsgər Deputatları Sovetinə üzv seçilib.

1918 – 1919-cu illərdə Azərbaycan ordusunda xidmət edib.

1920 – 1923-cü illərdə qızıl ordunun 5-ci polkunun hərbi komisarı, Zaqatala qəza hərbi komisarı, Azərbaycan atıcı briqada və dviziyası siyasi şöbəsinin rəisi vəzifələrində işləyib.

1923 – 1937-ci illərdə Bakı milis rəisi, Bakı Baş Milis İdarəsi rəisinin müavini, Yevlax Rayon İcraiyyə Komitəsinin sədri, Azərbaycan SSR Xalq Kommunal Təsərrüfatı komissarının müavini, Kirovabad Şəhər İcraiyyə Komitəsinin sədri, həmçinin, Azərbaycan SSR və Zaqafqaziya SFSR Mərkəzi İcraiyyə Komutələrinin üzvü olub.

1937 – 1955-ci illərdə siyasi repressiyaya səbəbindən həbsdə yatıb; 1955-ci ildə bəraət alıb.

1955-ci ildən İttifaq əhəmiyyətli təqaüd alırdı.

1957-ci ildən Azərbaycan SSR Daxili İşlər Nazirliyi Arxiv idarəsinin rəisi vəzifəsində işləyib.

Lenin ordeni və medallarla təltif edilmişdir.

1979-cu ildə Bakıda vəfat edib.

Ədəbiyyat

• Справочник Бакинской ярмарки 1924 года и путеводитель по Баку с планом ярмарки и г. Баку/Под ред. В.Серова, с. 69.
• Şəkinski Məmmədəmin Əhməd oğlu // Azərbaycan Sovet Ensiklopediyası  : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1987. — X  cild. — Səhifələrin sayı:  610. — Səh.: 504. — 80.000 nüsx.
• Məmmədov Ə., Xalıqov F. Şəkinski Məmmədəmin // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 522 – 523. — 1.000 nüsx.
• "Шекинский Мамед Эмин Ахмед оглы (1900)". https://ru.openlist.wiki/ (русский). Открытый список. 16 Nov 2020 tarixində arxivləşdirilib.
• "Шекинский Мамед Эмин Ахмед оглы". https://www.baku.ru/ (русский). Baku Pages. 16 Nov 2020 tarixində arxivləşdirilib.