Niyazi Səmədov

Niyazi Səmədov (1916–1989) — biologiya elmləri doktoru, professor, Azərbaycan SSR EA-nın müxbir üzvü. Azərbaycanda entomologiya, torpaq zoologiyası, bio­senolo­gi­ya və bitki mühafizəsinə dair aparılan elmi tədqiqat işlərinin təşkili və inkişafı sahəsində, həmçinin elmi kadrların hazırlanmasında böyük xidmətləri olmuş­dur.

Niyazi Səmədov
Səmədov Niyazi Həmid oğlu
Niyazi Səmədov.

Haqqında məlumatlar

31 dekabr 1916-cı il tarixdə Nuxada (indiki Şəki) anadan olub.

Təhsili

1932-ci ildə Nuxa Kənd Təsərrüfatı Texnikumu­nun ipəkçilik bölməsini,

1941-ci ildə Daşkənd Kənd Təsərrüfatı İnstitutunun ipək­çilik fa­kültəsini bitirib.

Hərbi xidmətdə

Böyük Vətən müharibəsi iştirakçısıdır.

1941 – 1946-cı illərdə sovet ordusu sıralarında xidmət etmiş, 1946-cı ildə zabit rütbəsində tərxis olunmuşdur.

Əmək fəaliyyəti

1947-ci ildən Azərbaycan SSR EA Zoologiya İnstitutunda kiçik elmi işçi,

1954-cü ildən baş elmi işçi,

1955 – 1961-ci illərdə elmi işlər üzrə direktor müavini,

1961 – 1989-cu illərdə isə entomolo­giya laborato­ri­yasının müdiri vəzifəsində çalışıb.

Elmi fəaliyyəti

1951-ci ildə namizədlik,

1964-cü ildə doktorluq dissertasiyasını müdafiə edib.

1971-ci ildə professor elmi adını alıb.

1980-cı ildə Azərbaycan SSR EA-nın müxbir üzvü seçilib.

200-dən çox elmi məqalənin, 5 monoqrafiyanın, 6 elmi-kütləvi kitabçanın və 3 ixtiranın müəllifidir. 8 əsəri başqa ölkədə (Avstriya, İngil­tərə, Almaniya, Fransa və Çexoslovakiya) çap olunmuşdur.

7 elmlər doktorunun və 40 elmlər namizədinin elmi rəhbəri olub.

Elmi-ictimai aktivliyi

• Hindistan Beynəlxalq Zoologiya Akademiyasının həqiqi üzvü (1972);
• SSRİ EA Ümumittifaq Entomologiya Cəmiyyətinin fəxri üzvü (1979).

Təltif və mükafatları

• “Azərbaycan SSR əməkdar elm xadimi” fəxri adı;
• II dərəcəli “Vətən Müharibəsi” ordeni;
• 8 medal.

Vəfatı

23 may 1989-cu il tarixdə – 72 yaşında, Bakıda vəfat edib.

Ədəbiyyat

1. Məmmədov Ə., Xalıqov F. // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 501-502. — 1.000 nüsx.