Rövzət Dəmirçizadə

Rövzət Dəmirçizadə
Dəmirçizadə Rövzət Əzəl oğlu
Rövzət Dəmirçizadə
Rövzət Dəmirçizadə.
Doğum tarixi	3 yanvar 1939(1939-01-03)
Doğum yeri	Nuxa, , Nuxa rayonu, Azərbaycan SSR, SSRİ
Vəfatı	15 aprel 2010 (71 yaşında)
Vəfat yeri	Bakı, Azərbaycan
Atası	Əbdüləzəl Dəmirçizadə
Vətəndaşlığı	SSRİ→ Azərbaycan
Təhsili	V.İ.Lenin adına Azərbaycan Dövlət Pedaqoji İnstitutu, dil-ədəbiyyat fakültəsi
Fəaliyyəti	şair

Rövzət Dəmirçizadə (d. 3 yanvar 1939-cu ildə; Nuxa, Nuxa rayonu, Azərbaycan SSR, SSRİ – ö. 15 aprel 2010-ci ildə; Bakı, Azərbaycan Respublikası) – şair, 1980-ci ildən Azərbaycan Yazıçılar Birliyinin üzvü, 8 şeir kitabının müəllifi. Məşhur dilçi alim, akademik Əbdüləzəl Dəmirçizadənin qardaşı oğlu olub, amma Əbdüləzəl Dəmirçizadə onu rəsmən oğulluğa götürmüşdü. 20 yaşında olarkən isə bədbəxt hadisə nəticəsində ömürlük şikəst olmuş və bundan sonra ancaq əlil arabası ilə hərəkət etmişdir.

Haqqında məlumatlar

3 yanvar 1939-cu il tarixdə Nuxada anadan olub.

Təhsili

Nuxa şəhər 2 №-li orta məktəbini bitirib.

1956-cı ildə S.M.Kirov adına Azərbaycan Dövlət Universitetinin fizika fakültəsinə daxil olub, lakin 2 il sonra səhhəti ilə bağlı olaraq təhsilini yarımçıq buraxıb.

Sonralar V.İ.Lenin adına Azərbaycan Pedaqoji İnstitutunun dil-ədəbiyyat fakültəsində təhsil alıb.

Yaradıcılığı

İlk şeirlər kitabı 1968-ci ildə, səkkizinci və sonuncu kitabı isə 2008-ci ildə nəşr olunub.

Şəkidə nəşr olunan “Şəki fəhləsi”, “İpəkçi” və “Şəkinin səsi” qəzetlərində müxtəlif vaxtlarda onlarla şeiri dərc edilib.

Kitabları

1. Qatarda (1968);
2. Tut ağacım (1971);
3. Səhər duyğuları (1974);
4. Səslər (1978);
5. Çörək ətri (1981);
6. Ürəyimdə yaşayanlar (1986);
7. Arzu gülü (1990);
8. Dünyaya və özümə bir baxış (2008).

Vəfatı

15 aprel 2010-cu il tarixdə – 71 yaşında, Bakıda vəfat edib.

Ədəbiyyat

• Orsər R. Rövzət // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 414 – 417. — 500 nüsx. — ISBN 978-9952-8176-5-2.
• Şair Rövzət vəfat etdi // İpəkçi : qəzet. — 2010. — В. 28 aprel. — № 5 (2269). Arxivləşdirilib; arxivləşdirmə tarixi: 2 yanvar 2021.