Töhrab Hüseynov

Töhrab Hüseynov (Hüseynov Töhrab Fərrux oğlu; d. 10 aprel 1954-cü ildə, Nuxa, Nuxa rayonu, Azərbaycan SSR, SSRİ) – musiqiçi-pedaqoq; 1989 – 2010-cu illərdə Şəki Musiqi Texnikumunun direktoru olub.

Töhrab Hüseynov
Hüseynov Töhrab Fərrux oğlu
Töhrab Hüseynov
Töhrab Hüseynov, 1990-cı il
Şəxsi məlumatlar
Doğum tarixi	10 aprel 1954 (1954-04-10)
Doğum yeri	Nuxa, Nuxa rayonu, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Şəki Musiqi Texnikumu (1969 – 1973) Üzeyir Hacıbəyov adına Azərbaycan Dövlət Konservatoriyası (1974 – 1979)

Haqqında məlumatlar

1954-cü ildə Nuxada anadan olub.

Təhsili

1961 – 1971-ci ildə 10 №-li Nuxa/Şəki şəhər orta məktəbində oxuyub.

1963 – 1968-ci illərdə Nuxa şəhər yeddiillik musiqi məktəbinin tar sinfində,

1969 – 1973-cü illərdə Şəki Musiqi Texnikumunda,

1974 – 1979-cu illərdə Üzeyir Hacıbəyov adına Azərbaycan Dövlət Konservatoriyasında tar ixtisası üzrə təhsil alıb.

İş yerləri

1969-cu ildən uşaq bağçalarında, sonralar yeddiillik uşaq musiqi məktəblərində (Şəkidə və Bakıda) müəllim işləyib.

1979 – 1987-ci illərdə Şəki Musiqi Texnikumunda şöbə müdiri,

1987 – 1989-cu illərdə Fuad Əbdürəhmanov adına Şəki Şəhər Uşaq İncəsənət Məktəbinin direktoru,

1989-cu ilin 5 iyulundan Şəki Musiqi Texnikumunda tədris işləri üzrə direktor müavini,

1989-cu ilin 1 avqustundan 2010-cu ilin 7 iyununa qədər Şəki Musiqi Texnikumununun direktoru olub.

İctimai aktivliyi

1990-cu ildə Şəki şəhər Xalq Deputatları Sovetinə deputat seçilib.

1993-cü ildən Yeni Azərbaycan Partiyasının üzvüdür.

Yeni Azərbaycan Partiyasının I – III və Azərbaycan müəllimlərinin XI – XIII qurultaylarının nümayəndəsi olub.

Mükafatları

• Azərbaycan SSR Xalq Təhsili Nazirliyinin və Mədəniyyət Nazirliyinin fəxri fərmanları.

Ədəbiyyat

• Məmmədov Ə., Xalıqov F. Hüseynov Töhrab // Şəki: Alim və ziyalılar. — Bakı: “Elm”, 2007. — 2 cilddə. — II  cild. — Səhifələrin sayı:  428. — Səh.: 172 – 173. — 600 nüsx. — ISBN 5-8066-1708-4.