Vüqar Kərimov

Vüqar Kərimov
Kərimov Vüqar Nəzir oğlu
Vüqar Kərimov.

Vüqar Kərimov — biologiya elmləri namizədi, dosent, Azərbaycan Respublikasının ekologiya və təbii sərvətlər nazirinin müavini.

Haqqında məlumatlar

2 aprel 1973-cü il tarixdə Şəki rayonunun Kiş kəndində anadan olub.

Təhsili

1995-ci ildə Gəncə Dövlət Universitetini (biologiya və kimya ixtisası üzrə),

2014-cü ildə Azərbaycan Respublikasının Prezidenti yanında Dövlət İdarəçilik Akademiyasını (dövlət və bələdiyyə idarəetməsi ixtisası üzrə) bitirib.

1995 – 1998-ci illərdə AMEA Botanika İnstitutunun aspiranturasında təhsil alıb.

Əmək fəaliyyəti

1998 – 2018-ci illərdə AMEA Botanika İnstitutunda əvvəl elmi işçi, sonra aparıcı elmi işçi, daha sonra böyük elmi işçi, laboratoriya və şöbə müdiri vəzifəsində çalışıb.

2008 – 2012-ci ilərdə SOCAR-ın Ekologiya İdarəsində işləyib; o cümlədən,

2008 – 2010-cu illərdə Yaşıllaşdırma Departamentinin əvvəl rəis müavini, sonra isə rəisi,

2010 – 2012-ci illərdə isə idarə rəisinin müavini olub.

2012 – 2018-ci illərdə SOCAR-ın “Azərikimya” İstehsalat Birliyinin icraçı direktorunun müavini vəzifəsində çalışıb.

2018-ci ildən Azərbaycan Respublikası Ekologiya və Təbii Sərvətlər Nazirliyində işləyir; o cümlədən,

2018 – 2020-ci illərdə aparat rəhbəri olub,

14 aprel 2020-ci il tarixindən isə nazir müavinidir.

Elmi fəaliyyəti

2000-ci ildə namizədlik dissertasiyasını müdafiə edib.

2001-ci ildə biologiya elmləri namizədi elmi dərəcəsi,

2017-ci ildə botanika ixtisası üzrə dosent elmi adını alıb.

65 elmi əsərin, o cümlədən, 3 kitabın müəllifi, Azərbaycan Respublikasının Qırmızı Kitabının II nəşrinin həmmüəllifidir.

Siyasi aktivliyi

Yeni Azərbaycan Partiyasının üzvüdür.

Təltif və mükafatları

• “Tərəqqi” medalı (2016).

Ailəsi

Ailəlidir, 2 övladı var.