Əbdüləli Hacıyev

Əbdüləli Hacıyev
	Hacıyev Əbdüləli Məmməd oğlu
	Əbdüləli Hacıyev.
Doğum tarixi	29 sentyabr 1920
Doğum yeri	Nuxa (indiki Şəki), Nuxa qəzası, Azərbaycan İŞC
Vəfat tarixi	26 fevral 1998 (77 yaşında)
Vəfat yeri	Bakı, Azərbaycan
Dəfn yeri	Məhəmməd əfəndi qəbiristanlığı, Şəki
Uşaqları	Afil və Gülşah
Atası	Məhəmməd Hacı Əbdüləlim oğlu
Anası	Gülşah Lətif qızı Bağbanlı
Həyat yoldaşı	Solmaz
Təhsili	Azərbaycan Sənaye İnstitutu (1938–1941; 1946–1948)
Hərbi fəaliyyəti
Rütbə	mühəndis-polkovnik
Təltifləri

Əbdüləli Hacıyev (1920–1998) — əməkdar rabitəçi, mühəndis-polkovnik. Uzun müddət Azərbaycan SSR DTK-nın hökumət rabitəsi şöbəsinə rəhbərlik etmişdir.

Haqqında məlumatlar

29 sentyabr 1920-ci il tarixdə Nuxada (indiki Şəki) sənətkar ailəsində anadan olub.

Təhsili

M.Qorki adına Nuxa şəhər 10 №-li orta məktəbini bitirib.

1938 – 1941 və 1946 – 1948-ci illərdə Azərbaycan Sənaye İnstitutunda təhsil alıb.

Hərbçi və əmək fəaliyyəti

1941-ci ilin avqust ayında Bakı şəhər Dzerjinski Rayon Hərbi Komissarlığından hərbi xidmətə qəbul edilib. Böyük Vətən müharibəsində iştirak edib və yaralanıb.

2 iyul 1946-cı il tarixdə ordudan tərxis edilib.

1948 – 1952-ci illərdə “Azenerji”də baş mühəndis vəzifəsində çalışıb.

1952-ci ildə SSRİ Dövlət Təhlükəsizliyi Komitəsinə xidmətə götürülüb.

1959 – 1987-ci illərdə Azərbaycan SSR DTK-nın hökumət rabitəsi şöbəsinə rəhbərlik edib.

Təltif və mükafatları

Orden, medal, diplom və fəxri fərmanlarla təltif olunub.

“Azərbaycan SSR Əməkdar rabitəçisi” fəxri adı (1977).

Vəfatı

26 fevral 1998-ci il tarixdə – 77 yaşında, Bakıda vəfat edib. Şəkidə Məhəmməd əfəndi qəbiristanlığında dəfn olunub.

Ədəbiyyat

Гаджиев Абдулали Мамед-оглы : [arx. 16.11.2023] : [rus.] // Память народа. — Müraciət tarixi: 16.11.2023.
Məmmədov Ə., Xalıqov F. Hacıyev Əbdüləli // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 158. — 600 nüsx. — ISBN 5-8066-1708-4.