Allahverdi Həsənov

Allahverdi Həsənov
	Həsənov Allahverdi Biyakir oğlu
	Allahverdi Həsənov.
Doğum tarixi	16 fevral 1957
Doğum yeri	Kiş, (indiki Şəki) rayonu, Azərbaycan SSR, SSRİ
Vəfat tarixi	29 avqust 2024 (67 yaşında)
Vətəndaşlıq	SSRİ→ Azərbaycan
İş yeri	Azərbaycan Respublikası Elm və Təhsil Nazirliyi İdarəetmə Sistemləri İnstitutunun Dinamik sistemlərin kompüter modelləşdirilməsi laboratoriyası (müdir)
Elmi dərəcəsi	texnika elmləri doktoru
Elmi adı	professor
Təhsili	• S.M.Kirov adına Azərbaycan Dövlət Universiteti, mexanika-riyaziyyat fakültəsi (1973–1978) • Azərbaycan SSR EA Mexanika Riyaziyyat İnstitutu, aspirantura (1980–)

Allahverdi Həsənov (1957–2024) — texnika elmləri doktoru, professor, Azərbaycan Respublikası Elm və Təhsil Nazirliyi İdarəetmə Sistemləri İnstitutunun Dinamik sistemlərin kompüter modelləşdirilməsi laboratoriyasının müdiri.

Haqqında məlumatlar

16 fevral 1957-ci il tarixdə (indiki Şəki) rayonunun Kiş kəndində anadan olub.

Təhsili

1973-cü ildə Kiş kənd 1 №-li orta məktəbini bitirib.

1973 – 1978-ci illərdə S.M.Kirov adına Azərbaycan Dövlət Universitetinin mexanika-riyaziyyat fakültəsində təhsil alıb.

1980-cı ildə Azərbaycan SSR EA Mexanika Riyaziyyat İnstitutunun aspiranturasına daxil olub.

Əmək fəaliyyəti

1978-ci ildə təyinat üzrə Azərbaycan SSR EA Mexanika Riyaziyyat İnstitutunun riyazi modelləşdirmə üzrə xüsusi konstruktor bürosunda işə başlayıb.

1992-ci ildən AMEA İdarəetmə Sistemləri İnstitutunda sektor və laboratoriya rəhbəri vəzifəsində çalışıb; o cümlədən, əvvəl 3 saylı İdarəetmə üsulları və modelləşdirmə şöbəsinin, sonra isə Dinamik sistemlərin kompüter modelləşdirilməsi laboratoriyasının müdiri olub.

İkinci iş yerləri

Azərbaycan Memarlıq və İnşaat Universitetində professor (0,5 ştat) vəzifəsində çalışıb.

Elmi fəaliyyəti

1984-cü ildə deformasiya edən bərk cisimlərin mexanikası ixtisası üzrə “Özlü elastik mühitlərdə qərarlaşmamış istilik mexaniki dalğaların yayılmasının bəzi məsələləri” mövzusunda namizədlik dissertasiyasını,

2005-ci ildə “Mexaniki sistemlərin xarici qeyri-stasionar təsirlərə reaksiyasının riyazi modelləşdirilməsi” mövzusunda doktorluq dissertasiyasını müdafiə edib.

Çapdan çıxmış 200 elmi əsərin (28-si xarici ölkədə çap olunmaqla) müəllifidir. 4 fəlsəfə doktorunun elmi rəhbəri olub.

Vəfatı

29 avqust 2024-cü il tarixdə – 67 yaşında vəfat edib.

Ədəbiyyat

Məmmədov Ə., Xalıqov F. Həsənov Allahverdi // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 236-237. — 1.000 nüsx.
Həsənov Allahverdi Biyakir oğlu : [arx. 3 Feb 2018 - 20 Feb 2024] // İdarəetmə Sistemləri İnstitutu. — Müraciət tarixi: 05.09.2024.
Azərbaycan elmi ictimaiyyətinə ağır itki üz verib : [arx. 05.09.2024] // İdarəetmə Sistemləri İnstitutu. — 2024. — 29 avqust. — Müraciət tarixi: 05.09.2024.