Elxan İmamov

Elxan İmamov
İmamov Elxan Məmmədsadıq oğlu
Elxan İmamov.

Elxan İmamov (1949–1987) — fizika-riyaziyyat elmləri namizədi, S.M.Kirov adına Azərbaycan Dövlət Universitetinin (indiki Bakı Dövlət Universiteti) atom və molekulların kvant mexanikası kafedrasının baş müəllimi.

Haqqında məlumatlar

20 yanvar 1949-cu il tarixində Nuxada (indiki Şəki) anadan olub.

Təhsili

1965-ci ildə Nuxa şəhər 11 №-li orta məktəbini bitirib.

1965 – 1971-ci illərdə S.M.Kirov adına Azərbaycan Dövlət Universitetinin fizika fakültəsində təhsil alıb.

Hərbi xidmət

1971 – 1973-cü illərdə zabit kimi həqiqi hərbi xidmətdə olub.

Əmək fəaliyyəti

1973-cü ildə S.M.Kirov adına Azərbaycan Dövlət Universitetinin fizika fakültəsində işləyib; o cümlədən,

1973-cü ildən atom və molekulların kvant mexanikası kafedrasında laborant,

1982-ci ildən isə baş müəllim vəzifəsini tutub.

Elmi fəaliyyəti

1980-ci ildə “Molekulların nəzəriyyəsində nüvə kvadrupol və spin-spin qarşılıqlı təsirlərin enerjisinin hesablanmasına dair” mövzuda dissertasiya müdafiə edib və riyazi fizika üzrə fizika-riyaziyyat elmləri namizədi alimlik dərəcəsi alıb.

Elmi jurnallarda çap 30-dan artıq məqaləsi çap olunub.

Vəfatı

28 sentyabr 1987-ci il tarixdə – 38 yaşında, uzun sürən ağır xəstəlikdən sonra Bakıda vəfat edib.

Ədəbiyyat

1. Məmmədov Ə., Xalıqov F. İmanov Elxan // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 278-279. — 1.000 nüsx.