Bu məqalə Şəki Ensiklopediyasının çapa hazır məqaləsidir.
Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasına məxsusdur.

Mirzə Fətəli Axundovun ev muzeyi

Şəki Ensiklopediyası səhifəsi
Jump to navigation Jump to search
Muzey
Mirzə Fətəli Axundovun ev muzeyi
Ümumi görünüş.
Ümumi görünüş.
Ölkə Azərbaycan
Şəhər Şəki
Tikinti tarixi ≈1800
Xronologiya:
1940 — Evdə Mirzə Fətəli Axundovun ev muzeyi açılıb.
1975 — Birotaqlı pavilyon-ekspozisiya zalı əlavə edilib.
2011 – 2012 — Əsaslı təmir olunub.
Status xatirə muzeyi
Material çiy kərpic
Açılış tarixi 1940
Eksponat sayı 421
Direktoru Xəlilova Ulduz Orxan qızı
Ünvan Şəki şəhəri, M.F.Axundzadə küçəsi, 1.
Telefon +994242443708
Sayt muzeyin rəsmi facebook səhifəsi
Mirzə Fətəli Axundovun ev muzeyi (Azərbaycan)
Red pog.png
Mirzə Fətəli Axundovun ev muzeyi (Şəki rayonu)
Red pog.png
Mirzə Fətəli Axundovun ev muzeyi (Şəki)
OOjs UI icon mapPin-progressive.svg
Koordinatlar 41°12′08″N 47°11′57″E / 41.202175°N 47.199150°E / 41.202175; 47.199150 Map marker.svg41°12′08″N 47°11′57″E / 41.202175°N 47.199150°E / 41.202175; 47.199150

Mirzə Fətəli Axundovun ev muzeyi — Azərbaycan Respublikası Mədəniyyət Nazirliyi Şəki Regional Mədəniyyət İdarəsinin tabeçiliyində fəaliyyət göstərən xatirə muzeyi. Şəkinin tarixi hissəsində – “Yuxarı Baş” Milli Tarix-Memarlıq Qoruğunun ərazisində yerləşir.

1940-cı ildə Azərbaycan SSR Xalq Komissarları Sovetinin qərarı ilə təşkil edilmişdir və Azərbaycanda açılmış ilk xatirə muzeyidir[1]. Mirzə Fətəli Axundovun 1811-ci, yaxud 1812-ci ildə doğulduğu, 1814-cü ilədək və 1826 – 1832-ci illərdə yaşadığı təqribən 1800-cü ildə çiy kərpicdən tikilmiş 2 otaqlı, eyvanlı, zirzəmili və üstü kirəmitlə örtülmüş kiçik evdən və 1975-ci ildə həmin evə əlavə edilmiş birotaqlı pavilyon-ekspozisiya zalından ibarətdir. 2011 – 2012-ci illərdə əsaslı təmir olunmuşdur.

2022-ci ilin birinci yarısı üçün muzeyin fond və ekspozisiyasında Mirzə Fətəli Axundovun həyat və fəaliyyətinə, yaşadığı dövrə aid eksponatların sayı 421 ədəd olub. Muzeydə vaxtaşırı olaraq Mirzə Fətəli Axundova həsr edilmiş müxtəlif mədəni, maarifləndirici tədbirlər keçirilir və tematik sərgilər təşkil olunur[2][3].

Muzeyin fəaliyyətə başlamasından sonra muzeyin həyətinə Mirzə Fətəli Axundovun büstü qoyulmuşdur. Həyətdə vaxtilə daş və kərpic divarlar, Şərq üslubunda kərpic tağlı darvaza, Mirzə Fətəli Axundovun əmizadələrinə məxsus çiy kərpicdən tikilmiş ikimərtəbəli, zirzəmili başqa bir ev də olmuşdur[4].

Şəkillər[redaktə | HTML redaktə]

İstinadlar[redaktə | HTML redaktə]

Ədəbiyyat[redaktə | HTML redaktə]

  1. Bayramov A. Ədəbi-xatirə muzeyləri : [arx. 10 Apr 2018 - 17 Feb 2020] // Mədəniyyət qəzeti. — 2010. — 1 sentyabr. — Müraciət tarixi: 21.06.2022.
  2. Axundzadənin ev–muzeyi // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2009. —I  c. — Səh. 227. — ISBN 978-9952-441-02-4.
  3. Tabe təşkilatlar : Mirzə Fətəli Axundzadənin ev muzeyi : [arx. 21.06.2022] // Azərbaycan Respublikası Mədəniyyət Nazirliyi Şəki Regional Mədəniyyət İdarəsi. — Müraciət tarixi: 21.06.2022.
  4. Mirzə Fətəli Axundzadənin ev-muzeyi : [arx. Şəki İrs Reyestri] // Şəki İrs Reyestri. — Müraciət tarixi: 21.06.2022.

Həmçinin, bax:[redaktə | HTML redaktə]