Nadir Əhmədov

Nadir Əhmədov
Əhmədov Nadir Alı oğlu
Nadir Əhmədov.
Rabitə naziri 1997 — 2004
Rabitə nazirinin müavini 1985 — 1997
Bakı telefon şəbəkəsin rəisi 1973 — 1985
Şəxsi məlumatlar
Doğum tarixi	15 iyun 1940(1940-06-15)
Doğum yeri	Aşağı Göynük, Nuxa rayonu, Azərbaycan SSR, SSRİ
Vəfat tarixi	10 may 2020 (79 yaşında)
Milliyyəti	azərbaycanlı
Təhsili	Bakı Rabitə Texnikumunu (–1960) Odessa Rabitə Elektrotexnika İnstitutu, elektrik rabitəsi fakültəsi (–1965)
Mükafatları
nadir-ahmedov.com (arxivləşdirilib)

Nadir Əhmədov (1940–2020) — Azərbaycan Respublikasının sabiq rabitə naziri.

Haqqında məlumatlar

15 iyun 1940-cı il tarixdə Nuxa rayonunun Aşağı Layısqı kəndində anadan olub.

Təhsili

1957-ci ildə M.Qorki adına Nuxa 10 №-li orta məktəbini,

1960-cı ildə Bakı Rabitə Texnikumunu,

1965-ci ildə isə Odessa Rabitə Elektrotexnika İnstitutunun elektrik rabitəsi fakültəsini bitirib.

Hərbi xidmətdə

1968 – 1970-ci illərdə Sovet Ordusunda xidmət edib.

Əmək fəaliyyəti

1960 – 1968-ci illərdə Bakı Telefon şəbəkəsində texnik, mühəndis, sex rəisi, stansiya xidməti rəisi,

1970 – 1975-ci illərdə Bakı şəhər Telefon Şəbəkəsi İdarəsində baş mühəndis,

1985 – 1997-ci illərdə rəis işləyib.

1985 – 1997-ci illərdə rabitə nazirinin müavini,

1997 – 2004-cü illərdə isə rabitə naziri olub.

Digər

50-dən çox səmərələşdirici təklifin, bir ixtiranın, beş texniki kitabın, çoxsaylı məqalələrin müəllifidir.

1979 – 1987-ci illərdə Bakı şəhər Xalq Deputatları Sovetinin deputatı olub.

Vəfatı

10 may 2020-ci il tarixdə – 79 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Əhmədov Nadir // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  502. — Səh.: 201 – 203. — 1.000 nüsx.
2. Mete Ə. Dağın zirvəsinin əsl əzəməti uzaqdan görünür // O torpağın övladları. — Bakı: «Nurlan», 2006. — I  cild. — Səhifələrin sayı:  606. — Səh.: 240 – 242. — 500 nüsx.