Rasim İsayev

Rasim İsayev
İsayev Rasim Qurban oğlu
Rasim İsayev.

Rasim İsayev — “Şəki Elektrik Stansiyasi” MMC-nin elektrik sexinin növbə rəisi, Şəki şəhər İcra Hakimiyyəti başçısının 1 №-li Sahə İnzibati Ərazi Dairəsinin İpəkçilər və Dulusçular məhəllələri üzrə nümayəndəsi, şahmat üzrə idman ustalığına namizəd.

Haqqında əlavə məlumatlar

19 avqust 1979-cü il tarixdə Şəkidə anadan olub.

Təhsili

1996-cı ildə Şəki Fizika-Riyaziyyat və Humanitar profilli liseyi bitirib.

2002 – 2006-cı illərdə Mingəçevir Dövlət Texniki Universitetinin energetika və mexanika fakültəsində təhsil alıb.

Hərbi xidmətdə

1997 – 1999-cu illərdə Azərbaycan Respublikası Müdafiə Nazirliyi Hava Hücumundan Müdafiə Qoşunlarının N saylı hissəsində hərbi xidmət keçib.

Əmək fəaliyyəti

1999 – 2002-ci illərdə Şəki Şahmat Məktəbində məşqçi-müəllim vəzifəsində çalışıb.

Ali məktəbdə oxuduğu müddətdə günorta növbəsində Mingəçevir Şahmat məktəbində məşqçi – müəllim vəzifəsində və axşam növbəsində isə Mingəçevir Azyolmaş Neft avadanlıqlarının təmiri zavodunda elektrik qaynaqçısı vəzifəsində çalışıb.

Ali məktəbi bitirdikdən sonra isə “Şəki Elektrik Stansiyasi” MMC-də elektrik çilingəri vəzifəsində çalışıb; o cümlədən,

2006-cı ildən həmin müəssisədə elektrik sexinin növbə rəisidir.

İctimai-siyasi aktivliyi

2019-cu il bələdiyyə seçkilərində Şəki şəhər bələdiyyəsinin üzvlüyünə namizəd olub, lakin seçilməyib.

Ailəsi

Ailəlidir, bir qızı və bir oğlu var.

Ədəbiyyat

1. “Şəki Bələdiyyəsi” qəzetinin saytı, Şəki bələdiyyəsi üzvlüyünə namizədlər, 2-ci səhifədə.

Həmçinin, bax:

• Şəki şəhər bələdiyyəsi üzvlüyünə namizədlərin topladığı səslər (2019)
• Şəki şəhər bələdiyyəsi üzvlüyünə namizədlərin siyahısı (2019)