Vəli Əliyev

Vəli Əliyev
Əliyev Vəli Hüseyn oğlu
Vəli Əliyev.
Doğum tarixi	20 iyul 1936(1936-07-20)
Doğum yeri	Daşbulaq, Nuxa (indiki Şəki) rayonu, Azərbaycan SSR, SSRİ
Vəfat tarixi	7 yanvar 2020 (83 yaşında)
Vətəndaşlıq	SSRİ→ Azərbaycan
Milliyyəti	azərbaycanlı
Elm sahəsi	tarix, arxeologiya
İş yeri	AMEA Arxeologiya və Etnoqrafiya İnstitutu, tunc və ilk dəmir dövrü arxeologiyası şöbəsi (şöbə müdiri)
Elmi dərəcəsi	tarix elmləri doktoru
Elmi adı	professor
Təhsili	Nuxa Pedaqoji Məktəbi (1953–1955) S.M.Kirov adına Azərbaycan Dövlət Universiteti, tarix fakültəsi (1955–1959) Azərbaycan SSR EA Tarix İnstitutu, aspirantura (1959–1961)
Atası	Hüseyn
Anası	Mehriban

Vəli Əliyev (1936–2020) — tarix elmləri doktoru, professor, Azərbaycan Milli Elmlər Akademiyasının müxbir üzvü, AMEA Arxeologiya və Etnoqrafiya İnstitutunun tunc və ilk dəmir dövrü arxeologiyası şöbəsinin müdiri.

Haqqında məlumatlar

20 iyul 1936-cı il tarixdə Nuxa (indiki Şəki) rayonunun Daşbulaq kəndində anadan olub.

Təhsili

1953 – 1955-ci illərdə Nuxa Pedaqoji Məktəbində,

1955 – 1959-cu illərdə S.M.Kirov adına Azərbaycan Dövlət Universitetinin tarix fakültəsində,

1959 – 1961-ci illərdə Azərbaycan SSR EA Tarix İnstitutunun aspiranturasında təhsil alıb.

Əmək fəaliyyəti

1959-cu ildən Azərbaycan SSR EA Tarix İnstitutunda baş laborant,

1960-cı ildən kiçik elmi işçi,

1971-ci ildə baş elmi işçi vəzifəsində çalışıb.

1990 – 2020-ci illərdə AMEA Arxeologiya və Etnoqrafiya İnstitutunun tunc və ilk dəmir dövrü arxeologiyası şöbəsinin müdiri olub.

1997-ci ildən N.Tusi adına Azərbaycan Dövlət Pedaqoji İnstitutunda ümumi tarix kafedrasının müdiri olub.

Elmi fəaliyyəti

1966-cı ildə namizədlik,

1984-cü ildə doktorluq dissertasiyası müdafiə edib.

1994-cü ildə professor elmi adını alıb.

2003-cü ildən AMEA-nın müxbir üzvü idi.

2 elmlər doktorunun və 15 fəlsəfə doktorunun elmi rəhbəri olub.

Vəfatı

7 yanvar 2020-cı il tarixdə – 83 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Əliyev Vəli // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 131-133. — 1.000 nüsx.
2. Vəfat etmiş müxbir üzvlər : Əliyev Vəli Hüseyn oğlu : [arx. 12.06.2021] // Azərbaycan Milli Elmlər Akademiyası. — Müraciət tarixi: 19.07.2021.