Aydın Məmmədov00.png
Logo1234.png
Şəki Ensiklopediyasına maliyyə dəstəyi göstərmək istəyən hər bir şəxs
4169 7413 0538 5039 (08/22 VISA)
Kapital Bank kart hesabımıza istədiyi məbləğdə ianə köçürə bilər.   Daha ətraflı
Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasına məxsusdur.

Yusif Rəhimov

Şəki Ensiklopediyası səhifəsi
Jump to navigation Jump to search
Yusif Rəhimov
Rəhimov Yusif Rəsul oğlu
Yusif Rəhimov
Yusif Rəhimov, 2019.
Doğum tarixi 12 yanvar 1959 (1959-01-12) (62 yaş)
Doğum yeri Nuxa (indiki Şəki), Flag of the Azerbaijan Soviet Socialist Republic (1956–1991).svg Azərbaycan SSR, Flag of the Soviet Union.svg SSRİ
Uşaqları Ruslan Rəhimov, Nemət Rəhimov, Rəsul Rəhimov
Təhsili M.Əzizbəyov adına Azərbaycan Neft-Kimya İnstitutu (indiki Azərbaycan Dövlət Neft və Sənaye Universiteti), elektromexanika fakültəsi (1977–1984)

Yusif RəhimovAMEA Şəki Regional Elmi Mərkəzinin ekoloji coğrafiya şöbəsinin müdiri, Azərbaycan Respublikası Mədəniyyət Nazirliyi Şəki Regional Mədəniyyət İdarəsinin mətbuat orqanı olan “Mədəniyyət qalası” qəzetinin baş redaktoru.

Haqqında məlumatlar[redaktə | HTML redaktə]

12 yanvar 1959-cu il tarixdə Nuxada (indiki Şəki) anadan olub.

Təhsili[redaktə | HTML redaktə]

1966 – 1976-cı illərdə Nuxa şəhər 11 №-li orta məktəbində,

1977 – 1984-cı illərdə M.Əzizbəyov adına Azərbaycan Neft-Kimya İnstitutunun (indiki Azərbaycan Dövlət Neft və Sənaye Universiteti) elektromexanika fakültəsində təhsil alıb.

Hərbi xidmət[redaktə | HTML redaktə]

1979 – 1981-ci illərdə Kiyev Hava Hücumundan Müdafiə Dairəsinin qırıcı aviasiya polkunda hərbi xidmət edib. Xidmət zamanı 1-ci dərəcəli aviasiya mexaniki ixtisasına yiyələnib. 1984-cü ildə ali təhsili bitirərkən siyasi rəhbərlik ixtisası üzrə leytenant rütbəsində və ehtiyatda olan zabit kimi qeydiyyata götürülüb.

Əmək fəaliyyəti[redaktə | HTML redaktə]

1976 – 1977-ci illərdə V.İ.Lenin adına Şəki İstehsal İpək Birliyinin 2 №-li filialında fəhlə işləyib.

1984 – 1985-ci illərdə “Azərneftkimyazavodtəmiri” trestinin (Bakı) ixtisaslaşdırılmış mexanizasiya idarəsində mexanik,

1985 – 2002-ci illərdə Şəki rayonlararası “Aqrarsənayetikinti” trestində mühəndis, böyük mühəndis, texniki şöbə rəisi, baş mühəndis vəzifələrində çalışıb.

2003 – 2014-cü illərdə AMEA Şəki Regional Elmi Mərkəzində əvvəl kiçik elmi işçi, sonra elmi işçi,

2014-cü ildən isə ekoloji coğrafiya şöbəsinin müdiri olub.

İkinci iş yeri[redaktə | HTML redaktə]

2012 – 2014-cü illərdə Şəki şəhər Heydər Əliyev Mərkəzində baş fond mühafizi vəzifəsini icra edib.

Elmi fəaliyyəti[redaktə | HTML redaktə]

2017-ci ildən AMEA akademik Həsən Əliyev adına Coğrafiya İnstitutunun dissertantıdır.

2020-ci ildən “Kiş Tarix Memarlıq Qoruğu”nun elmi şurasının üzvüdür.

2014 – 2020-ci illərdə bir sıra respublika və beynəlxalq səviyyəli elmi konfranslarda çalışdığı müəssisəni təmsil edib.

Elmi jurnallarda və konfrans materiallarında 9 elmi məqaləsi dərc olunub.

Jurnalistlik fəaliyyəti[redaktə | HTML redaktə]

2015-ci ildən “Mədəniyyət qalası” qəzetinin baş redaktorudur.

2020-ci ildən Azərbaycan Jurnalistlər Birliyinin üzvüdür.

İctimai-siyasi aktivliyi[redaktə | HTML redaktə]

1985 – 1990-cı illərdə Şəki rayonlararası “Aqrarsənayetikinti” trestində işləyərkən, müxtəlif vaxtlarda xalq nəzarəti qrupunun sədri və ilk partiya təşkilatının katibi olmuşdur.

2012-ci ildən Yeni Azərbaycan Partiyasının üzvüdür. AMEA Şəki Regional Elmi Mərkəzi Ərazi İlk Partiya təşkilatının sədr müavinidir.

Ailəsi[redaktə | HTML redaktə]

Ailəlidir, üç oğlu var və hamısı da ali təhsillidir. 2020-ci il Vətən müharibəsində ortancıl oğlu – mayor Neymət Rəhimov peşəkar hərbçi kimi, böyük və kiçik oğulları Ruslan və Rəsul Rəhimovlar isə rəsmi mətbuat nümayəndəsi kimi iştirak ediblər.

Həyat yoldaşı orta ixtisas təhsilli səhiyyə işçisidir.