Nazim Hacıyev
Nazim Hacıyev | |
---|---|
Hacıyev Nazim Məmmədiyə oğlu | |
![]() | |
Nazim Hacıyev. | |
Doğum tarixi | 6 iyun 1924 |
Doğum yeri |
Nuxa, Şəki qəzası, ![]() ![]() ![]() |
Vəfat tarixi | 30 iyul 1962 (38 yaşında) |
Vəfat yeri |
Bakı, ![]() ![]() |
Vətəndaşlığı |
![]() |
Həyat yoldaşı | Bədəlova Ziba Səttar qızı |
Uşaqları | Aydın Hacıyev, Fuad Hacıyev |
Təhsili | S.M.Kirov adına Azərbaycan Dövlət Universiteti (1940–1941; 1944–1948) |
Nazim Hacıyev (1924–1962) — görkəmli dövlət xadimi, Azərbaycan KP MK-nın ideoloji işlər üzrə katibi; 1940-cı illərin ikinci yarısından 1960-cı illərin əvvəllərinədək Azərbaycan SSR-də yüksək komsomol və partiya vəzifələrində çalışmış, həmçinin, ÜLKGİ MK-nın büro üzvü, Sov.İKP MK-da məsul təşkilatçı və sektor müdiri olmuşdur.
Haqında məlumatlar
6 iyun 1924-cü il tarixdə Nuxada (indiki Şəki) anadan olub.
Təhsili
1940-cı ildə Nuxada peşə məktəbini bitirib.
1940 – 1941 və 1944 – 1948-ci illərdə S.M.Kirov adına Azərbaycan Dövlət Universitetinin filologiya fakültəsində təhsil alıb.
Əmək fəaliyyəti
1941 − 1943-cü illərdə, müxtəlif vaxtlarda “Nuxa fəhləsi” qəzetində ədəbi işçi, Huxa şəhər 12 №-li orta məktəbində dil və ədəbiyyat müəllimi, Baş Küngüt kənd orta məktəbində dərs hissə müdiri, Nuxa rayon xalq maarifi şöbəsində metodist vəzifəsində çalışıb.
1943 − 1944-cü illərdə “Nuxa fəhləsi” qəzetinin məsul katibi olub.
1944 − 1947-ci illərdə Azərbaycan SSR Xalq Daxili İşlər Komissarlığında işləyib.
1947 − 1950-ci illərdə Bakı şəhər Komsomol Komitəsinin katibi,
1950 − 1952-ci illərdə, əvvəl Azərbaycan KP Bakı Şəhər Komitəsinin təbliğat şöbəsində təlimatı, sonra isə Azərbaycan Dövlət Tibb İnstitutunda partiya komitəsinin katibi olub.
1951-ci ildə Azərbaycan LKGİ-nın XIX qurultayında LKGİ MK-nın katibi,
1952-ci ildə isə Azərbaycan LKGİ MK-nın birinci katibi seçilib.
1956 − 1958-ci illərdə Azərbaycan KP MK-nın elm və təhsil şöbəsinin müdiri,
1958-ci ildən isə Sov.İKP MK-nın əvvəlcə məsul təşkilatçısı, sonra isə sektor müdiri,
1960-cı ildə Azərbaycan KP MK-nın ideoloji işlər üzrə katibi olub.
Digər fəaliyyəti
1952-ci ildə keçirilmiş ÜİK(b)P-nin XIX qurultayında[1],
1956-cı ildə keçirilmiş Sov.İKP-nin XX qurultayında Azərbaycan SSR-i təmsil edən nümayəndələrdən biri olub.
1956-ci ildə ÜLKGİ MK-nın büro üzvü seçilib.
Vəfatı
30 iyul 1962-ci il tarixdə – 38 yaşında, Bakıda vəfat edib. Bakıda Fəxri xiyabanda dəfn olunub[2].
Xatirəsi
Bakıda (keçmiş 6-cı Alatava küçəsi) və Şəkidə adına küçə var.
Sovet dövründə Şəkinin mərkəzi istirahət klubu, Şəki rayonunun İnçə kəndində sovxoz və Baş Küngüt kəndində orta məktəb onun adını daşıyıb.
2000 və 2009-cu illərdə oğlu Aydın Hacıyevin atası haqqında yazdığı “Hər şeyi başa düşmək, lakin bağışlamamaq” (rus.: «Все понять, но не всепростить») adlı kitabı çap olunub.
2019-cu ildə “Aranfilm” Yaradıcılıq Mərkəzində Nazim Hacıyevin həyatından bəhs edən “Bir qəsdin tarixi” sənədli filmi istehsal edilmişdir.[3]
6 iyun 2024-cü il tarixdə, anadan olmasının 100 illiyi münasibəti ilə AMEA Şəki Regional Elmi Mərkəzinin və Şəki Ensiklopediyasının təşkilatçılığı ilə Şəkidəki Çingiz Mustafayev adına klubda xatirə gecəsi keçirilib. Tədbirin təşəbbüskarı və sponsoru AMEA Şəki Regional Elmi Mərkəzinin ekoloji biofizika şöbəsinin elmi işçisi Xəyal Vəlibəyov idi.
Əsərləri
- Гаджиев Н. М. Из практики работы по интернациональному воспитанию трудящихся. — М.: Знание, 1961. — 36 с. — 2000 экз.
- Гаджиев Н. М. Французские встречи: [Путевые заметки участника Делегации советской молодёжи во Францию в 1955 г.]. — Баку: Детюниздат, 1956. — 130 с. — 6000 экз.
Video
İstinadlar
- ↑ "Делегаты XIX съезда ВКП(б) 5—14.10.1952". Справочник по истории Коммунистической партии и Советского Союза 1898—1991. 2012-09-21 tarixində arxivləşdirilib. İstifadə tarixi: 2012-05-18.
- ↑ "Fəxri Xiyabanda dəfn olunanlar". Azerbaijan.az. 2012-09-21 tarixində arxivləşdirilib. İstifadə tarixi: 2012-05-18.
- ↑ Эльмира Ахундова (06.06.2019). "Смертельная схватка Анастаса Микояна и Назима Гаджиева" (русский). 1news. İstifadə tarixi: 2019-06-06.
Ədəbiyyat
- Məmmədov Ə., Xalıqov F. Гаджиев Назим Мамедия оглы // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 312-314. — 1.000 nüsx.
- Şəkidə dövlət xadiminin 100 illiyi qeyd olunub : [arx. 08.06.2024] // Mədəniyyət qəzeti. — 2024. — 8 iyun. — Müraciət tarixi: 08.06.2024.
- Празднование столетия: в Шеки чтут наследие Назима Гаджиева : [arx. 08.06.2024] : [rus.] // Turan. — 2024. — 8 июня. — Müraciət tarixi: 08.06.2024.
© 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |
- N
- Şəxslər (familiya sırası ilə)
- Şəkidən çıxmış görkəmli şəxslər
- Şəkidən çıxmış dövlət xadimləri
- 1924-cü ildə doğulanlar
- 6 iyunda doğulanlar
- İyunda doğulanlar
- 30 iyulda vəfat edənlər
- İyulda vəfat edənlər
- 1962-ci ildə vəfat edənlər
- Dövlət xadimləri
- Şəxslər (ad sırası ilə)
- “Şəki: Alim və ziyalılar” kitabına istinad olunan məqalələr
- Şəki Ensiklopediyası:Yoxlanılmış məqalələr əlifba sırası ilə