Tacəddin Əfəndiyev

Tacəddin Əfəndiyev
Əfəndiyev Tacəddin Əbdürrəhman oğlu
Tacəddin Əfəndiyev, 1970-ci il.
Anadan olub	23 fevral 1922(1922-02-23)
Anadan olduğu yer	Əli Bayramov kəndi (indiki Aslanbəyli), Qazax qəzası, Azərbaycan SSR, ZSFSR
Vəfat edib	18 sentyabr 1986 (64 yaşında)
Vəfat etdiyi yer	Şəki
Dəfn yeri	Çöl qəbiristanlığı, Şəki
Mükafatları

Tacəddin Əfəndiyev (1922 – +1985) — ipək və toxuculuq sənayesi mühəndisi; 1961 – 1981-ci illərdə V.İ.Lenin adına Şəki İpək İstehsalat Birliyinin baş direktoru vəzifəsində çalışıb.

Haqqında məlumatlar

1922-ci ildə Qazax qəzasının Əli Bayramov (indiki Aslanbəyli) kəndində anadan olub.

Təhsili

1940-cı ildə Nuxa Toxuculuq Texnikumunu bitirib.

1945-ci ildən sonra Moskva Toxuculuq İnstitutunda təhsil alıb.

Hərbi xidmətdə

1941-ci ilin fevralından Novqorodda yerləşmiş DKAMHM-nın (Dviziya Kiçik Aviasiya Mütəxəssisləri hazırlayan Məktəb) kursantı olub. Həmin ilin 22 iyun tarixində Böyük Vətən müharibəsinin başlanmasından sonra məktəb Voronejə köçürülüb və avqust ayında məktəbin növbədənkənar buraxılışında təyinatla 7-ci uzağauçan aviasiya alayının 4-cü avio-eskadrilyasına atıcı-radist göndərilib.

25 mart 1945-ci il tarixli “Bakinski raboçi” qəzetində dərc olunmuş məktubunda Stalinqrad, Leninqrad əməliyyatlarında, Ukraynada, Pribaltikada vuruşduğunu, müharibənin dörd ilində 200-dən artıq uçuşda olduğunu, iki orden, 3 medalla təltif olunduğunu vurğulayıb.

9 may 1945-ci ildə Almaniya üzərində qələbədən sonra isə Yaponiya ilə müharibədə iştirak etmiş və daha iki medalla təltif olunmuşdur.

1945-ci ilin sonunda qvardiya starşinası hərbi rütbəsi ilə Sovet Ordusundan tərxis olunub.

Əmək fəaliyyəti

1940-cı ildə Nuxa ipək laboratoriyasında işləyib.

1961 – 1981-ci illərdə V.İ.Lenin adına Şəki İpək İstehsalat Birliyinin baş direktoru olub.

1981-ci ildən əmək fəaliyyətini Şəki Elektrik Şəbəkəsi idarəsində mülki-müdafiə şöbəsinin rəisi vəzifəsində davam etdirib.

Siyasi fəaliyyəti

Ən geci 1943-cü ildən ÜİK(b)P-nın üzvü olub.

Azərbaycan KP Şəki şəhər partiya komitəsi bürosunun üzvü olub.

Azərbaycan KP XXVIII qurultayının nümayəndəsi seçilib.

İctimai fəaliyyəti

Tacəddin Əfəndiyev işdən sonra V.İ.Lenin adına Şəki İpək İstehsalat Birliyinin “Daşüz” yardımçı təsərrüfat sahəsində cır tənəklərə göz calağı vurarkən, 1975-ci il.

1975-ci ilin avqust ayından Azərbaycan SSR Yüngül Sənaye Nazirliyi kollegiyasının üzvü olub.

“Marxal” ipəkçilərinin istirahət komleksi, “Səadət” pioner düşərgəsi onun təşəbbüsü ilə iməciliklər yolu ilə yaradılmışdır.

Təltif və mükafatları

• I dərəcəli “Vətən Müharibəsi” ordeni (1941 – 1945-ci illər arasında);
• “Qırmızı Ulduz” ordeni (1943);
• “Stalinqradın müdafiəsinə görə” medalı (1941 – 1945-ci illər arasında);
• “Leninqradın müdafiəsinə görə” medalı (1941 – 1945-ci illər arasında);
• “1941-1945-ci illər Böyük Vətən müharibəsində Almaniya üzərində qələbəyə görə” medalı (1945);
• “Yaponiya üzərində qələbəyə görə” medalı (1945);
• Azərbaycan SSR Ali Sovetinin Fəxri fərmanı – 3 dəfə (..., ..., 1972);
• “Oktyabr İnqilabı” ordeni;
• Lenin yubiley medalı (1970);

Vəfatı

18 sentyabr 1986-ci il tarixdə – 64 yaşında, Şəkidə vəfat edib. Şəkidə çöl qəbiristanlığında dəfn olunub.

25 sentyabr

“İpəkçi” qəzetində dərc olunmuş nekroloq (№ 25-26 (1501) 25 sentyabr 1986-cı il).

Tacəddin Əfəndiyevin qəbri üzərindəki baş daşı (Çöl qəbiristanlığı, Şəki.)

Tacəddin Əfəndiyevin və həyat yoldaşı Mariya Petrovna Əfəndiyevanın qəbrləri (Çöl qəbiristanlığı, Şəki.)

Ədəbiyyat

1. Çətin yolun yolçusu: Tacəddin Əfəndiyev (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —15 aprel  c. — № 12 – 13 (1236 – 1237). — Səh. 2 – 3.
2. Mahmudov B. (tərcüməçi). Atıcı – radist (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 1975. —20 iyun  c. — № 20 – 21 (1244 – 1245). — Səh. 3 – 4.