Nərgiz Əsgərzadə

Nərgiz Əsgərzadə
Əsgərzadə Nərgiz Saleh qızı
Nərgiz Əsgərzadə
Nərgiz Əsgərzadə, 2015-ci il
Doğum tarixi	15 avqust 1929(1929-08-15)
Doğum yeri	Bakı, Azərbaycan SSR, ZSFSR, SSRİ
Vəfat tarixi	1 oktyabr 2016 (87 yaşında)
Vəfat yeri	Bakı, Azərbaycan
Dəfn yeri	Şəki, Azərbaycan
Elmi dərəcəsi	memarlıq elmləri namizədi
Təhsili	Azərbaycan Politexnik İnstitutunu (–1951)
Mükafatları

Nərgiz Əsgərzadə (1929–2016) — memarlıq elmləri namizədi, Azərbaycan SSR əməkdar memarı.

Haqqında məlumatlar

15 avqust 1929-cu il tarixdə Bakıda pedaqoq ailəsində anadan olub.

Təhsili

1951-ci ildə Azərbaycan Politexnik İnstitutunu bitirib.

Əmək fəaliyyəti

1971 – 1990-cı illərdə Azərbaycan MEA Nizami adına Ədəbiyyat Tarixi Muzeyində direktor müavini işləyib.

1990 – 2007-ci illərdə AMEA Şəki Regional Elmi Mərkəzində elmi işlər üzrə direktor müavini vəzifəsində çalışıb. Həmçinin mərkəzdəki “El sənətləri” qrupuna da rəhbərlik edib. 2007-ci il avqustun 1-də görmə qabiliyyətinin zəifləməsi səbəbindən öz xahişi ilə işdən çıxıb.

Elmi–yaradıcı fəaliyyəti

1961-ci ildə namizədlik dissertasiyasını müdafiə edərək memarlıq elmləri namizədi elmi dərəcəsi alıb.

4 monoqrafiyanın, 6 kitabın və 42 dərc olunmuş elmi məqalənin müəllifidir.

Təltif və mükafatları

• “Azərbaycan SSR əməkdar memarı” fəxri adı (3 oktyabr 1986).

İctimai aktivliyi

Azərbaycan SSR EA Partiya komitəsi katibinin müavini, daha sonra Azərbaycan SSR EA Qadınlar Şurasının sədri olmuşdur.

2007-ci ildə işdən çıxarkən şəxsi kitabxanasını Elmi Mərkəzə bağışlamışdır.

Ailəsi

• Atası: Saleh Əsgərzadə – Nuxadan Bakıya köçənlərdən idi. Azərbaycan Dövlət Neft və Sənaye Universitetində 36 il riyaziyyat müəllimi işləyib. Mövsüm Salamovun böyük qardaşı olub.
• Anası: Həmidə Əsgərova – Hacı Zeynalabdin Tağıyevin qızlar məktəbinin məzunu idi. Ədəbiyyat müəllimi olub – Bakı kəndlərində qadın savadsızlığının ləğv olunmasında fəal iştirak edib. Bir çox görkəmli ziyalının, o cümlədən, xalq yazıçısı İlyas Əfəndiyevin müəllimi olub.
• Bacı-qardaşları: Ruhəngiz və Firəngiz adlı iki bacısı, Çingiz və Pərviz adlı iki qardaşı olub. Pərviz ailənin sonuncu övladı olsa da çox erkən yaşlarında, hələ aspiranturada təhsil alarkən dünyasını dəyişib.
• Həyat yoldaşı: Məmməd Rəhimov – ixtisasca mühəndis-energetik idi. Atası Şəkidə fabrik sahibi olmuşdu.
• Uşaqları: Nigar – memar; Nicat – ingilis dili mütəxəssisi, müsiqiçi.

Xatirə gecəsi

20 Fevral 2017-cı il tarixdə Azərbaycan Memarlar İttifaqının binasında təşkil olunmuş Nərgiz Əsgərzadənin xatirə gecəsi iştirakçilarından bir qurup.

20 Fevral 2017-cı il tarixdə Azərbaycan Memarlar İttifaqının binasında Nərgiz Əsgərzadənin xatirə gecəsi keçirilmişdir. Gecədə ölkənin tanınmış memarları, Bakıda və Şəkidə Əsgərzadə ilə birlikdə işləmiş həmkarları, eləcə də qohumları və ailə dostları iştirak ediblər. Azərbaycan Memarlar İttifaqının İdarə heyətinin sədri Elbay Qasımzadə qonaqları salamlamış, Əsgərzadənin xatirəsinə ehtiram əlaməti olaraq bu gecədə iştirak etdiklərinə görə onlara təşəkkürünü bildirmişdir. Sonra Nərgiz Əsgərzadənin həyat və yaradıcılığına həsr olunmuş qısametrajlı film nümayiş etdirilib.

İstifadə edilmiş əsas mənbə

• Məmmədov Ə., Xalıqov F. Əsgərova Nərgiz Saleh qızı // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 146 – 147. — 1.000 nüsx.;
• www.uaa.az/Tədbirlər/Nərgiz Əsgərzadənin xatirə gecəsi;
• "Şəki bələdiyyəsi"/Əməkdar memar Nərgiz Əsgərzadə.