Firəngiz Əsgərzadə

Firəngiz Əsgərzadə
Əsgərzadə Firəngiz Saleh qızı
Firəngiz Əsgərzadə, 20 Fevral 2017-ci il.
Anadan olub	24 noyabr 1937 (1937-11-24)
Anadan olduğu yer	Nuxa, Nuxa rayonu, Azərbaycan SSR, SSRİ
Atası	Saleh Əsgərzadə
Anası	Həmidə Əsgərzadə
Vətəndaşlıq	SSRİ→ Azərbaycan
Milliyyəti	azərbaycanlı
Təhsili	Azərbaycan Neft və Kimya İnstitutu, istehsal proseslərinin avtomatlaşdırılması fakültəsi (–1962)

Firəngiz Əsgərzadə — Azərbaycan Respublikası Dövlət Neft Şirkətinin sabiq əməkdaşı, neft sənayesi sahəsində böyük mühəndis və şöbə müdiri vəzifəsində çalışmış az sayda qadın kadrlardan biri, Şəki Regional Elmi Mərkəzin sabiq elmi işçisi, elmi-texniki və ədəbi ədəbiyyatın azərbaycancadan ruscaya, həmçinin ruscadan azərbaycancaya peşəkar tərcüməçisi.

Haqqında məlumatlar

“Qribiyedov və Şərq” kitabının üz qabığı; Tərcümə və tərtib edəni: Firəngiz Saleh qızı Əsgərzadə.

24 noyabr 1937-ci il tarixdə Bakıda – pedaqoq ailəsində, anadan olub.

Təhsili

1962-ci ildə Azərbaycan Neft və Kimya İnstitutunun İstehsal proseslərinin avtomatlaşdırılması fakültəsini bitirib.

Əmək fəaliyyəti

1963-cü ildən Xəzər Dəniz Neft İstehsalat Birliyində mühəndis,

1992-ci ildən Azərbaycan Respublikası Dövlət Neft Şirkətində böyük mühəndis (1992-1993-cü illərdə şöbə müdiri) işləyib.

2004-cü ildə başqa ölkəyə yaşamağa getməsi ilə əlaqədar öz xahişi işdən çıxıb.

2015 – 2016-cı illərdə AMEA Şəki Regional Elmi Mərkəzində işləyib.

Firəngiz Əsgərzadənin tərcüməçi olduğu və 2017-ci ildə çap olunmuş “Geokimya üzrə sorğu kitabı”nın üz qabığı.

Ədəbi və digər fəaliyyəti

Altı il Kanadada – orada yaşamaqda olan oğlunun yanında yaşayarkən, ədəbi yaradıcılıqla – tərcümə işi ilə məşğul olub. İlk öncə ABŞ-da yaşayan keçmiş iş yoldaşı E.B.Karaşın Sovet Azərbaycanının neft sənayesinə aid roman və povestlərini (Dəniz, Prokurorla görüş) ruscadan azərbaycancaya çevirib. Sonra Hüseynqulu Sarabskinin “Köhnə Bakı” povestini azərbaycancadan ruscaya tərcümə edib.

2011-ci ildə Kanadadan Bakıya dönüb, bir il sonra – 2012-ci ildə isə ata-baba yurdu olan Şəkiyə köçüb.

Şəkidə yaşayarkən, Şəki Regional Elmi Mərkəzi ilə elmi əməkdaşlıq edib və Elmi Mərkəzə işə götürülüb; Şəki Regional Elmi Mərkəzində elmi fəaliyyətlə, o cümlədən, elmi-texniki, həmçinin bədii ədəbiyyatın tərcüməsi işi ilə məşğul olub.

Tərcümələrindən və məqalələrindən nümunələr (mətn)

• Bizim nəsil;
• Qriboyedov və Şərq;
• Dəniz;
• Şeytana yoldaş olan;
• Prokurorla görüş.

Ailəsi

• Atası: Saleh Əsgərzadə – Nuxadan Bakıya köçənlərdən idi. Azərbaycan Dövlət Neft və Sənaye Universitetində 36 il riyaziyyat müəllimi işləyib. Mövsüm Salamovun böyük qardaşı olub.
• Anası: Həmidə Əsgərova – Hacı Zeynalabdin Tağıyevin qızlar məktəbinin məzunu idi. Ədəbiyyat müəllimi olub – Bakı kəndlərində qadın savadsızlığının ləğv olunmasında fəal iştirak edib. Bir çox görkəmli ziyalının, o cümlədən, xalq yazıçısı İlyas Əfəndiyevin müəllimi olub.
• Bacı-qardaşları: Ruhəngiz və Nərgiz adlı iki bacısı, Çingiz və Pərviz adlı iki qardaşı olub. Pərviz ailənin sonuncu övladı olsa da çox erkən yaşlarında, hələ aspiranturada təhsil alarkən dünyasını dəyişib.
• Övladları: Mehriban Abdullayeva, 1960-cı il təvəllüdlüdür, memardır. Mais Abdullayev, 1964-cü il təvəllüdlüdür, mühəndis-geofizik. Hal-hazırda hər ikisi Kanadada yaşamaqdadırlar.
• Nəvə-nəticələri: üç nəvəsi, bir nəticəsi var.