Ulduz Mürşüdova

Ulduz Mürşüdova
Mürşüdova Ulduz Bəşir qızı
Ulduz Mürşüdova.
Doğum tarixi	22 mart 1958 (1958-03-22)
Doğum yeri	Nuxa, Azərbaycan SSR, SSRİ
Elmi dərəcəsi	filologiya üzrə fəlsəfə doktoru
Elmi adı	dosent
Təhsili	Azərbaycan Xarici Dillər Universiteti, ingilis dili fakültəsi (1979–1985) AMEA Ədəbiyyat İnstitutunu, (dissertant , 1991–)

Ulduz Mürşüdova — filologiya üzrə fəlsəfə doktoru, dosent, AMEA Şəki Regional Elmi Mərkəzinin aparıcı elmi işçisi, Azərbaycan Dövlət Pedaqoji Universitetinin Şəki filialının dillər kafedrasının müdiri.

Haqqında məlumatlar

22 mart 1958-ci il tarixdə Nuxada (indiki Şəki) anadan olub.

Təhsili

1965 – 1975-ci illərdə Şəki/Nuxa şəhər 7 №-li orta məktəbində,

1979 – 1985-cı illərdə isə Azərbaycan Xarici Dillər Universitetinin ingilis dili fakültəsində təhsil alıb.

1991-ci ildən AMEA Ədəbiyyat İnstitutunun dissertantı olub.

Elmi fəaliyyəti

1998-ci ildə “Rəşidbəy Əfəndizadə və folklor” mövzusunda namizədlik dissertasiyasını müdafiə edib.

Çapdan çıxmış elmi əsərlərinin ümumi sayı 56-dır (3-ü xaricdə çap olunub).

Əmək fəaliyyəti

1985-ci ildən Şəki rayonunun Qaradağlı kənd orta məktəbində və eyni vaxtda Şəki şəhər 21 №-li orta məktəbində ingilis dili fənnindən dərs deyib.

1988-ci ildən Azərbaycan SSR EA Fizika İnstitutunun Şəki Zona Elmi Bazasında laborant,

1989-cu ildən kiçik elmi işçi vəzifəsində çalışıb.

1997-ci ildən AMEA Şəki Regional Elmi Mərkəzinin folklorşünaslıq və el sənətləri laboratoriyasının müdiri olub.

1997-ci ildən Bakı Dövlət Universitetinin Şəki filialında (sonrakı Azərbaycan Müəllimlər İnstitutunun Şəki filialı, indiki Azərbaycan Dövlət Pedaqoji Universitetinin Şəki filialı) Azərbaycan şifahi xalq ədəbiyyatı və ingilis dili fənlərindən dərs deyir.

1999-cu ildən Şəki Pedaqoji Texnikumunun (indiki Şəki Dövlət Regional Kolleci) ingilis dili şöbəsində ingilis dilinin tarixi və şifahi nitq praktikası fənlərini tədris edib.

2002-ci ildən Azərbaycan Müəllimlər İnstitutunun Şəki filialının ingilis dili fakültəsinin dekanı,

2004-cü ilin noyabr ayından isə dillər kafedrasının müdiri olub.

Ədəbiyyat

1. Məmmədov Ə., Xalıqov F. Mürşüdova Ulduz // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 316 – 317. — 600 nüsx. — ISBN 5-8066-1708-4.
2. "Şəki REM-in fəlsəfə doktorları / Mürşüdova Ulduz Bəşir qızı". http://science.gov.az/ (azərb.). Azərbaycan Milli Elmlər Akademiyası. 12 Jun 2021 tarixində arxivləşdirilib.