Elvin Nuri

Elvin Nuri
Nuri Elvin Elşən oğlu
Elvin Nuri.
Doğum tarixi	17 iyul 1999(1999-07-17)
Təhsili	• Bakı Xoreoqrafiya Akademiyası, xalq bölməsi (2012–2017)  • Azərbaycan Dövlət Mədəniyyət və İncəsənət Universiteti, aktyor sənəti fakültəsi (2017–2021)  • Azərbaycan Dövlət Mədəniyyət və İncəsənət Universiteti, rejissor sənəti fakültəsi (2021–)
Əsərlərinin dili	azərbaycanca
facebook səhifəsi

Elvin Nuri — gənc şair və yazıçı, Sabit Rəhman adına Şəki Dövlət Dram Teatrının baletmeyster-xoreoqrafı.

Haqqında məlumatlar

15 iyul 1999-cu il tarixdə Şəkidə anadan olub.

Təhsili

2005 – 2012-ci illərdə Şəki şəhər 11 saylı tam orta məktəbində,

2012–2017-ci illərdə Bakı Xoreoqrafiya Akademiyasının xalq bölməsində,

2017–2021-ci illərdə Azərbaycan Dövlət Mədəniyyət və İncəsənət Universitetinin aktyor sənəti fakültəsində təhsil alıb.

2021-ci ildən Azərbaycan Dövlət Mədəniyyət və İncəsənət Universitetinin rejissor sənəti fakültəsində təhsil alır.

Əmək fəaliyyəti

Sabit Rəhman adına Şəki Dövlət Dram Teatrında baletmeyster-xoreoqraf vəzifəsində işləyir.

Ədəbi-bədii yaradıcılığı

2011-ci ildən ədəbi-bədii yaradıcılığa başlayıb.

2016-cı ilin yanvar ayından Azərbaycan Yazıçılar Birliyi Gənc Ədiblər Məktəbinin üzvüdür.

Bir sıra mətbuat vasitələrində, “Bölgədən səslər-5” toplusunda və Ramiz Orsərin “Şəkidən gələn səslər” toplusunda şeirləri çap olunub.

28 sentyabr 2021-ci il tarixdə Şəki Regional Mədəniyyət İdarəsi M.F.Axundzadə adına Şəhər Mədəniyyət Mərkəzi nəzdində fəaliyyət göstərən Xalq Teatrında Vətən müharibəsinin başlanmasının ildönümünə həsr etdiyi “Yollar qaytarar səni” adlı birpərdəli dramatik pyesi tamaşaya qoyulub.

Təltif və mükafatları

Gənclər və İdman Nazirliyinin fəxri fərmanı.

Ədəbiyyat

1. Orsər R. Elvin Nuri // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 840-844. — 500 nüsx. — ISBN 978-9952-8176-5-2.
2. Dadaşov M. Şəki Şəhər Mədəniyyət Mərkəzində yeni tamaşaya ictimai baxış olub : [arx. 28.09.2021] // AZƏRTAC. — 2021. — 28 sentyabr. — Müraciət tarixi: 28.09.2021.