Cavanşir Quliyev

Cavanşir Quliyev
Quliyev Cavanşir Rəhim oğlu
Cavanşir Quliyev.
Şəxsi məlumatlar
Doğum adı	22 noyabr 1950 (1950-11-22)
Doğum yeri	Nuxa, Nuxa rayonu, Azərbaycan SSR, SSRİ
Vətəndaşlığı	SSRİ→ Azərbaycan
Peşəsi	bəstəkar
Atası	Rəhim Quliyev
Anası	Tavat Quliyeva
Musiqi alətləri	tar, piano
Təhsili	• Nuxa Musiqi Texnikumu  • Üzeyir Hacıbəyov adına Azərbaycan Dövlət Konservatoriyası, xalq çalğı alətləri fakültəsi, xalq çalğı alətləri fakültəsi, tar şöbəsi (1968–1970)  • Üzeyir Hacıbəyov adına Azərbaycan Dövlət Konservatoriyası, bəstəkarlıq fakültəsi (1970–1975)
Mükafatları
IMDb	ID 0474534

Cavanşir Quliyev — Azərbaycan bəstəkarı, Şimali Kipr Türk Respublikasının Yaxın Şərq (Yakın Doğu) Universitetinin səhnə sənətləri fakültəsinin professoru, Azərbaycan Respublikasının əməkdar incəsənət xadimi.

Haqqında məlumatlar

22 noyabr 1950-ci il tarixdə Nuxada (indiki Şəki) anadan olub.

Təhsili

1967-ci ildə orta məktəbi,

1968-ci ildə Nuxa Musiqi Texnikumunu bitirib.

1968 – 1970-ci illərdə Üzeyir Hacıbəyov adına Azərbaycan Dövlət Konservatoriyasının xalq çalğı alətləri fakültəsinin tar şöbəsində,

1970 – 1975-ci illərdə isə bəstəkarlıq fakültəsində, Cövdət Hacıyevin sinifində təhsil alıb.

Əmək fəaliyyəti

1973 – 1990-cı illərdə Azərbaycan SSR Dövlət Televiziya və Radio Verilişləri Komitəsində səs rejissoru,

1990 – 1993 illərdə Azərbaycan Dövlət Konsert Birliyində bədii rəhbər,

1980 – 1998 illərdə Üzeyir Hacıbəyov adına Azərbaycan Dövlət Konservatoriyasında/Bakı Musiqi Akademiyasında müəllim,

1992 – 2005 ilə qədər Akademik Milli Dram Teatrında musiqi hissə müdiri,

1994 – 2003 illərdə Azərbaycan Dövlət Mədəniyyət və İncəsənət Universitetində müəllim,

2003 – 2005-ci illərdə Azərbaycan Milli Konservatoriyasında əvvəl dosent, sonra professor vəzifəsində işləyib.

2005-ci ildən isə Şimali Kipr Türk Respublikasının Yaxın Şərq (Yakın Doğu) Universitetinin səhnə sənətləri fakültəsinin professorudur.

Yaradıcılığı

Konservatoriyada 2-ci kursda oxuyarkən “Birinci Kvartetdə”ni, diplom işi olaraq isə böyük simfonik orkestr üçün “Birinci simfoniya”nı yazıb.

1978-ci ildən Azərbaycan Bəstəkarlar İttifaqının üzvüdür.

İlk dəfə sazı kamera musiqisində kamanla, violonçellə, fleyta ilə bərabər şəkildə tətbiq edib.

İlk dəfə sazı və zurnanı simfonik və simfo-caz orkestrlərin tərkibinə daxil edərək, əsas alətlər şəklində işlətmişdir.

Əsərləri

• “Yeddi məhbusə” – 2 hissəli musiqili komediya (libretto - Ə.Əmirli. 2003);
• “Bayatı” – Hollandiyanın “Atlas” orkestri üçün poema (2004);
• Dördüncü Simfoniya “Dastan” (1994-2006);
• “Melodiya” violino, violonçel və piano üçün (2008);
• “Oğuznamə” baletindən birinci süita simfonik orkestr üçün (2010);
• “Expromte Suite” violino, violonçel və piano üçün 4 hissəli süita (2011);
• “Üç əhval” kamera orkestri üçün 3 hissəli süita (2011).

Filmlərə musiqi

• “Cavid ömrü” (bədii film, ssenari Anar, rej. Ramiz Həsənoğlu. 2007);
• “Buta” (bədii film, ssenari və rej. İlqar Nəcəf. 2009);
• “Əli Kərim” (sənədli film, ssen. və rej. Tariyel Vəliyev. 2010);
• “Sübhün səfiri” (bədii film, ssen. Anar, rej. Ramiz Həsənoğlu. 2012).

Tamaşalara musiqi

• “Müqəddəs Valentin günü” (müəllif - Ə.Əmirli. 2003);
• “Brusseldən məktublar” (müəllif - H.Həsənov. 2003);
• “Rəqabət” (müəllif - B.Vahabzadə.2004);
• “Woyzeck” (müəllif - G.Bühner.2007);
• “Biznesmen” (müəllif - R.Abdullayev. 2007);
• “Körpü” (müəllif - İ.Piriyev. 2008);
• “Yedəkçi” (müəllif - C.Müsahipzadə. 2009);
• “Rumuz Qoncagül” (müəllif O.Arayıcı. 2010);
• “Sofoklesin Antiqonesi” (müəllif - B.Brext. 2011);
• “Küçük adam, ne oldu sana?” (müəllif - H.Fallada. 2011);
• “Müsyo Jordan və dərviş Məstəli şah” (müəllif - M.F.Axundov. 2012);
• “Töre” (müəllif - T.Özakman. 2012).

Mükafatları

• Azərbaycan SSR Lenin komsomolu mükafatı (1982).
• “Azərbaycan Respublikasının əməkdar incəsənət xadimi” fəxri adı (1992).
• “General Məhəmməd Əsədov” mükafatı (1993).
• Şəhriyar adına mükafat (1995).
• Avropa Türk-İslam Birliyinin qızıl medalı, Almaniya (1997).
• "Humay" mükafatı (2000).
• “Qızıl Dərviş” mükafatı (2001).
• “Milli Kinematoqrafiya qarşısında xidmətlərinə görə” Azərbaycan Kinematoqrafçılar İttifaqının mükafatı (2015).
• “Qızıl Pəri” mükafatı (2015), “Ən yaxşı orijinal musiqi” nominasiyasında və “Sübhün səfiri” filminə görə (2015).

Həmçinin, bax:

• Oğuznamə (balet)

Filmoqrafiya

Filmoqrafiya

• Ac həriflər (film, 1993).
• Ağ atlar üçün vals (film, 1987).
• Ağ dünya (film, 1995).
• Anarla üz-üzə (film, 1989).
• Araqarışdıran (film, 1987).
• Arxada qalmış gələcək (film, 2004).
• Astana (film, 1986).
• Aşıq Qərib (film, 1988).
• Azərbaycan milli qəhrəmanları. Albert Aqarunov. Dostuma məkub... (film, 2010).
• Beşmərtəbəli evin altıncı mərtəbəsi (film, 1996).
• Bəxtiyar Vahabzadə (film, 1987).
• Buta (film, 2011).
• Canavar balası (film, 1997).
• Cavid ömrü (film, 2007).
• Çalalar (film, 2000).
• Çətin məsələ (film, 1988).
• Daş yaddaş (film, 1986).
• Dirsə xanın oğlu Buğacın boyu (film, 2000).
• Dünya bir pəncərədir (film, 1990).
• Etiraf (film, 1992).
• Əzablı yollar (film, 1995).
• Fatehlərin divanı (film, 1997).
• Fəryad (film, 1993).
• Girişmə, öldürər! (film, 1990).
• Günahsız Abdulla (film, 1984).
• Günahsız Abdulla (film, 1984).
• Haray (film, 1990).
• Həqiqətin anı (film, 1984).
• Xeyir və Şər (film, 1980).
• İtkin gəlin (film, 1994).
• Kəndlərin harayı (film, 1987).
• Qayıdış (film, 1992).
• Qəm pəncərəsi (film, 1986).
• Qırmızı qar (film, 1998).
• Qocalar, qocalar... (film, 1982).
• Lətifə (film, 1989).
• Mirzə Kazım bəy (film, 1983).
• Muğam (film, 1995).
• Nigarançılıq (film, 1998).
• Salur Qazanın evi talandığı boy (film, 2001).
• Sənsiz (film, 1989).
• Sonuncu məhəbbət (film, 1985).
• Sovet Azərbaycanı (film, 1982).
• Sübhün səfiri (film, 2012).
• Süd dişinin ağrısı (film, 1987).
• Şirbalanın məhəbbəti (film, 1991).
• Taleyin qisməti (film, 1996-1997).
• Topal Teymur (film, 1983).
• Yağışdan sonra (film, 1998).
• Yarımştat (film, 1996).
• Yaşıl eynəkli adam (film, 1987).
• Yaşıl eynəkli adam-2 (film, 1999).
• Yaşıl eynəkli adam-3 (film, 2002).
• Yeniləşmiş diyar (film, 1984).
• Yumurta (film, 2003).

Ədəbiyyat

1. Mete Ə. Cavanşir Quliyev // O torpağın övladları. — Bakı: Nurlan, 2006. — Səhifələrin sayı:  608. — Səh.: 516-517. — 500 nüsx.
2. "Quliyev Cavanşir Rəhim Oğlu ( 22.11.1950)". http://mk.musigi-dunya.az/ (azərb.). Musiqi Dünyası. 17 Oct 2016 – 1 May 2020 tarixində arxivləşdirilib.
3. "Cavanşir Quliyev: "Qəfildən bıçağı qızların yanaqlarına yapışdırdım..."". https://news.milli.az/culture/19613.html (azərb.). milli.az. 31 Avqust 2010 08:46. 26 Oct 2018 - 10 Feb 2020 tarixində arxivləşdirilib.
4. "Quliyev Cavanşir". http://music.mctgov.az/ (azərb.). zərbaycan Respublikası Mədəniyyət Nazirliyi. 26 Feb 2020 - 22 Sep 2020 tarixində arxivləşdirilib.