Fuad İsmayılov

Fuad İsmayılov
İsmayılov Fuad Mustafa oğlu
Fuad İsmayılov
Doğum tarixi	15 iyun 1924(1924-06-15)
Doğum yeri	Nuxa (indiki Şəki), Nuxa qəzası, Azərbaycan SSR, ZSFSR, SSRİ
Vəfat tarixi	? + 2005
Vətəndaşlıq	SSRİ→ Azərbaycan
Elm sahəsi	tibb
Elmi dərəcəsi	tibb elmləri doktoru
Elmi adı	professor
Təhsili	• Stalin adına Nuxa Pedaqoji Texnikumu, cəmi 3 kurs  • Azərbaycan Tibb İnstitutu (1941–1942 və 1945–1950)
Mükafatları

Fuad İsmayılov (1924–?) — tanınmış həkim, pedaqoq və alim, Türkmənistan SSR əməkdar həkimi, Azərbaycan Respublikasının əməkdar elm xadimi, tibb elmləri doktoru, Azərbaycan Tibb Universitetinin professoru. Uzun müddət Nəriman Nərimanov adına Azərbaycan Tibb İnstitutunun ftiziopulmonologiya kafedrasına müdiri vəzifəsində çalışmışdır.

Haqqında məlumatlar

15 iyun 1924-сü il tarixdə Nuxada (indiki Şəki) anadan olub.

Təhsili

Əvvəl Nuxa şəhər 5 №-li orta məktəbində, sonra 3-cü kursadək Stalin adına Nuxa Pedaqoji Texnikumunda, daha sonra Bakı şəhər 15 №-li orta məktəbində,

1941 – 1942 və 1945 – 1950-ci illərdə isə Azərbaycan Tibb İnstitutunun müalicə-profilaktika fakültəsində təhsil alıb.

Hərbçi fəaliyyəti

20 avqust 1942-ci il tarixdə Bakı şəhər Voroşilov rayon Hərbi Komissarlığından hərbi xidmətə qəbul edilib. İkinci Dünya müharibəsi iştirakçısıdır. 1945-ci ildə qvardiya starşinası əsgəri rütbəsi ilə 1-ci tank batalyonunda baş radist-pulyomotçu olaraq xidmət edirdi.

30 aprel 1945-ci il tarixdə Berlində yaralanmış, 2-ci dərəcəli Vətən müharibəsi əlili kimi ordudan tərxis edilmişdir.

Əmək fəaliyyəti

1950 – 1953-cü illərdə Türkmənistan SSR-in Taşauz vilayətindəki dəri-zöhrəvi dispanserində əvvəl həkim, sonra baş həkimin müavini, daha sonra baş həkim,

1953 – 1959-cu illərdə Aşqabad şəhərinin Kalinin qəsəbəsində yerləşən vərəm sanatoriyasında baş həkim,

1959 – 1962-ci illərdə Türkmənistan SSR Səhiyyə Nazirliyinin vərəm dispanserində baş həkim,

1962-ci ildən Türkmənistan SSR Səhiyyə Nazirliyinin Vərəm Elmi-Tədqiqat İnstitutunda elmi işlər üzrə müdir müavini və cərrahiyyə şöbəsinin rəhbəri,

1970-ci Azərbaycan SSR Vərəm Elmi-Tədqiqat İnstitutunun elm üzrə müdir müavini vəzifəsində çalışıb.

Pedaqoji fəaliyyəti

1969-cu ildən Azərbaycan SSR Həkimləri Təkmilləşdirmə İnstitutunun ftiziatriya kafedrasına müdiri,

1976 – 1993-cü illərdə isə Nəriman Nərimanov adına Azərbaycan Tibb İnstitutunun ftiziopulmonologiya kafedrasına müdiri olub.

1993-cü ildən Azərbaycan Tibb İnstitutunun ftiziopulmonologiya kafedrasına professor kimi əmək və pedaqoji fəaliyyətini davam etdirib.

Elmi fəaliyyəti

1963-cü ildə namizədlik dissertasiyasını,

1968-ci ildə isə doktorluq dissertasiyasını müdafiə edib.

1971-ci ildə professor elmi adını alıb.

140 elmi məqalənin, 6 toplunun, 2 dərsliyin, 5 dərs vəsaitinin, 2 monoqrafiyanın müəllifidir. 2 elmlər doktoru, 5 elmlər namizədi yetişdirib.

Təltif və mükafatları

• “Qafqazın müdafiəsinə görə” medalı;
• “Varşavanın azad edilməsinə görə” medalı;
• “Berlinin alınmasına görə” medalı;
• 2-ci dərəcəli “Vətən müharibəsi” ordeni (1985).
• Türkmənistan SSR əməkdar həkimi;
• “Azərbaycan Respublikasının əməkdar elm xadimi” fəxri adı (2000).

Ailəsi

Atası: Mustafa Alıcanbəyov (?–1930), qardaşı (Fuad İsmayılovun əmisi) Bəhram Alıcanbəyovla (?–1930) birlikdə 1930-cu ildə siyasi ittihamlarla həbs edilərək güllələnib.

Babası (atasının atası): İsmayıl bəy Alıcanbəyov (?–1922), Nuxa türməsinin rəisi olub.

Nənəsi (atasının anası): Balaca xanım (?–1917), Şəki xanlarının nəslindən idi və evdar qadın olub.

Bibisi: Qönçə Qazıyeva (1916–1992), Azərbaycan SSR əməkdar həkimi, tibb elmləri namizədi olub və uzun müddət 26 Bakı Komissarları adına Bakı şəhər 1-ci dəmiryol xəstəxanasının baş həkimi vəzifəsində çalışmışdır. İynəbatırma üsulunun Azərbaycanda işlənməsinin ilk təşəbbüskarlarından biri idi.

Ədəbiyyat

1. Исмаилов Фуат Мустафаевич : [arx. 15.05.2022] : [rus.] // Память народа. — Müraciət tarixi: 15.05.2022.
2. Məmmədov Ə., Xalıqov F. İsmayılov Fuad // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 282-284. — 1.000 nüsx.
3. Mete Ə. Alıcanbəyov nəsli // O torpağın övladları. — Bakı: Nurlan, 2006. — Səhifələrin sayı:  608. — Səh.: 352-353. — 500 nüsx.
4. Şükürov R., Orsər R. İsmayılov Fuad Mustafa oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 166. — (Ş 4702060200). — 1.000 nüsx. — ISBN 978995244710.