Cəlil Hüseynov

Cəlil Hüseynov
Hüseynov Cəlil Yusif oğlu
Cəlil Hüseynov
Doğum tarixi	28 dekabr 1896(1896-12-28)
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	21 mart 1979 (82 yaşında)
Vəfat yeri	Bakı, Azərbaycan SSR, SSRİ
Elm sahəsi	tibb
İş yeri	Azərbaycan Dövlət Tibb İnsti­tutunda patoloji anatomiya kafedra­sının müdiri
Elmi dərəcəsi	tibb elmləri namizədi
Elmi adı	akademik
Təhsili	Azər­baycan Dövlət Univer­siteti, tibb fakültəsi
Həyat yoldaşı	Leyla Adıgözəlova
Uşaqları	Fərid Hüseynov, Gülarə Hüseynova, Ədilə Hüseynova
Mükafatları

Cəlil Hüseynov (Hüseynov Cəlil Yusif oğlu; d.  28 dekabr 1896-cı il, Nuxa, Nuxa qəzası, Yelizavetpol quberniyası, Rusiya İmperiyası – ö.  21 mart 1979-cu il, Bakı, Azərbaycan SSR, SSRİ) – azərbaycanlı alım, Azərbaycan Dövlət Tibb İnsti­tutunun patoloji anatomiya kafedra­sının müdiri (1946 – 1979), Azərbaycan SSR EA-nın həqiqi üzvü (1967-ci ildən).

Haqqında məlumatlar

1896-cı ildə Nuxada anadan olub.

1924-cü ildə Azər­baycan Dövlət Univer­sitetinin tibb fakültəsini bitirib.

1924 – 1946-cı illərdə akademik İ.İ.Şirokoqorovun rəhbərlik et­diyi pato­loji anatomiya kafedrasında assistent, dosent, 1936-cı ildə doktorluq disser­ta­siyası müdafiə etdikdən sonra isə professor vəzifə­sində çalışıb.

1925-ci ildə “Muğan malyariya ekspedisi­ya­sı”nın Cənub – Muğan qrupuna rəhbərlik edib.

1946 – 1979-cu illərdə Azərbaycan Dövlət Tibb İnsti­tutunun patoloji anatomiya kafedra­sının müdiri, eyni zamanda Azərbaycan SSR Səhiyyə Nazirliyinin baş patoloq­anatomu olub.

1959-cu ildə Azərbaycan SSR Elmlər Akademiyasının müxbir üzvü, 1967-ci ildə həqiqi üzvü seçilib.

200-ə yaxın elmi əsərin, monoqrafiya, dərslik və dərs vəsaitinin, o cümlədən, azərbay­can dilində “Ümumi patoloji anatomiya” (1963), “Xüsusi pato­loji anatomiya” (1977) dərsliklərinin, həmçinin, apardığı elmi tədqiqat işlərinin nəticə­lərinin yekunu kimi “Periferik sinir sisteminin – reseptor və sinapsların pato­mor­fologiyası barədə” (1957) və “Patologiya şəraitində və sinapslarda struk­tur dəyişik­liklər (makro-, mikro- və elektron mikroskopik dəyişikliklər)” (1965) adlı 2 klassik monoqrafiyanın müəllifidir.

İlk dəfə Azərbaycan Dövlət Tibb İnstitutu nəz­dində his­tologiya, mikrobiologiya, patoloji anatomiya fənlərindən Azər­bay­can dilində mü­hazirə və praktik dərslər aparıb.

SSRİ Elmlər Akademiyasının Azərbaycan filialının təklifi ilə histologiya, patoloji anatomiya və patoloji fiziologiya üzrə azərbaycan dilində 2500 termindən ibarət terminoloji lüğət tərtib etmişdir. Onun məsləhətçiliyi və rəhbərliyi altında 15 doktorluq, 28 namizədlik dissertasiyası müdafiə olunub. Xarici ölkələrdə təşkil edilən bir sıra beynəlxalq qurultay, konfrans və simpoziumlarda iştirak etmiş, elmi məru­zə­lərlə çıxış etmişdir.

1946-cı ildən Azərbaycan Patoloqlar Cəmiyyətinin sədri, 1971-ci ildən Ümumittifaq Patoloji Anatomiya Cəmiyyətinin fəxri üzvü, 1976-cı ildən Azər­baycan Sovet Ensiklopediyası redaksiya şurasının üzvü olub.

21 mart 1979-cu ildə Bakıda vəfat edib.

Mükafatları

1957-ci ildə Azərbaycan SSR Əməkdar elm xadimi fəxri adına layiq görülüb. Sə­mərəli elmi-pedaqoji fəaliyyətinə görə 2 dəfə “Lenin” ordeni, 2 dəfə “Qır­mızı Əmək Bayrağı” ordeni, “Şərəf nişanı” ordeni və bir sıra medallarla təltif edilib.

Xatirəsi

Şəkidə adına küçə var.

Ailəsi

Həyat yoldaşı: Leyla Adıgözəlova, həkim-terapevt;

Oğlu: Fərid Hüseynov, mühəndis-elektronik;

Qızları: Gülarə Hüseynova – tibb elmləri namizədi, dosent, patomorfoloq elektronomikroskopist; Ədilə Hüseynova – fizik, Moskva Dövlət Universitetinin məzunu.

Nəvələri: Elmira Nəcəfova - həkim-psixoterapevt; Murad Hüseynov – pianist musiqiçi, Azərbaycan respublikasının əməkdar artisti; Fuad və Fərhad Hüseynovlar – musiqiçi və damaçı; Zaur Hüseynov – mühəndis; Leyla Məmmədova - kafedra dosenti.

İstifadə edilmiş mənbələr

• Məmmədov Ə., Xalıqov F. Hüseynov Cəlil // Şəki: Alim və ziyalılar. — Bakı. — 2 cilddə. — Səh.: 244-245.
• Azərbaycan Milli Elmlər Akademiyası. "Hüseynov Cəlil Yusif oğlu/ Vəfat etmiş həqiqi üzvlər". http://science.gov.az (azərb.). Azərbaycan Milli Elmlər Akademiyası. 28 Mar 2018 – 18 Jul 2019 tarixində arxivləşdirilib.