Əşrəf Məmmədov

Əşrəf Məmmədov
Məmmədov Əşrəf İsrafil oğlu
Əşrəf Məmmədov, 2015.
Anadan olub	20 noyabr 1949 (1949-11-20)
Anadan olduğu yer	Vərəzət, Nuxa (indiki Şəki) rayonu, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	• Zaqatala Kənd Təsərrüfatı Texnikumunu, kiçik zootexnik ixtisası  • S.Ağamalıoğlu adına Azərbaycan Kənd Təsərrüfatı İnstitutu, alim-zootexnik ixtisası, qiyabi
Mükafatları
Adının digər versiyaları	Aşraf Mammadov, Eşref Memmedov, Aşref Mammadov, Eşraf Mammadov, Eşref Mammadov, Aşref Memmedov, Eşraf Memmedov, Ашраф Мамедов, Эшреф Мамедов, Эшраф Мамедов, Әшрәф Мәммәдов

Əşrəf Məmmədov — kənd təsərrüfatı üzrə tanınmış mütəxəssis və rəhbər kadr, Azərbaycan SSR əməkdar zootexniki. Müxtəlif illərdə Şəki şəhər icra hakimiyyətinin və Sabirabad rayon icra hakimiyyətinin başçısı vəzifəsində və digər məsul vəzifələrdə çalışmışdır.

Haqqında məlumatlar

20 noyabr 1949-cu il tarixdə Nuxa (indiki Şəki) rayonunun Vərəzət kəndində anadan olub.

Təhsili

Vərəzət kənd orta məktəbini, Zaqatala Kənd Təsərrüfatı Texnikumunu və S.Ağamalıoğlu adına Azərbaycan Kənd Təsərrüfatı İnstitutunu bitirib.

Əmək fəaliyyəti

1970-ci ilədək “Şəfəq” kolxozunun briqadirliyindən “Azərdamazlıq” İstehsalat-Elm Birliyinin baş direktoru vəzifəsinədək müxtəlif vəzifələrdə çalışıb.

1970 – 1975-ci illərdə Şəki rayon Aqrar-Sənaye Birliyinə rəhbərlik edib.

1980 – 1986-cı illərdə Şəki rayon Xalq Deputatları Soveti sədrinin birinci müavini vəzifəsində çalışıb.

1986-cı ildən Azərbaycan SSR Dövlət Aqrar-Sənaye Komitəsinin baş heyvandarlıq məhsulları istehsalı və emalı idarəsi rəisinin müavini,

1988-ci ildən Azərbaycan İstehsalat-Elm Damazlıq Heyvandarlıq Birliyinin baş direktoru,

1998 – 2004-cü illərdə Şəki şəhər İcra Hakimiyyətinin başçısı,

2004 – 2005-ci illərdə Sabirabad rayon İcra Hakimiyyətinin başçısı olub.

2016-cı ildən “Şami keçi ferması” MMC-nin rəhbəridir.

Təltif və mükafatları

• “Azərbaycan SSR əməkdar zootexniki” fəxri adı (1979).

İctimai-siyasi fəaliyyəti

1975-ci ildən Sov.İKP üzvü olub.

1990-cı ildə 327 nömrəli Baş Zəyzid seçki dairəsindən XII çağırış Azərbaycan SSR Ali Sovetinin xalq deputatı seçilmişdir.

Ədəbiyyat

1. Əşrəf İsrafil oğlu Məmmədov (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959–1960). — Səh. 2.
2. Məmmədov Ə., Xalıqov F. Məmmədov Əşrəf // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 369-370. — 1.000 nüsx.

Həmçinin, bax:

• Şəkidən Azərbaycan SSR xalq deputatlığına namizədlərin siyahısı (1990)
• Şəki (Nuxa) rayon və şəhər Sovetlərinin sədr, sədr müavini və katiblərinin siyahısı
• Şəki şəhər icra hakimiyyətinin başçıları