Abbasəli Əliyev

Abbasəli Əliyev
Əliyev Abbasəli Abdurəhman oğlu
Abbasəli Əliyev
Doğum tarixi	15 may 1911(1911-05-15)
Doğum yeri	Nuxa, Nuxa qəzası, Yelizavetpol quberniyası, Rusiya İmperiyası
Vəfat tarixi	23 avqust 1985 (74 yaşında)
Vəfat yeri	Şəki, Azərbaycan SSR, SSRİ
Uşaqları	İsmayıl Əliyev, Şərafət Əliyeva-Əzizova, Gülrux İsmayılova
Vətəndaşlıq	SSRİ
Peşəsi	həkim
Milliyyəti	azərbaycanlı
Mükafatları

Abbasəli Əliyev (1911–1985) — həkim-hərbçi, Sovet Ordusu kapitanı, Böyük Vətən müharibəsi iştirakçısı.

Haqqında məlumatlar

15 may 1911-ci il mayın 15-də Nuxada anadan olub.

Təhsili

1936-cı ildə Şəki Tibb Fəhlə Fakültəsini (Med.Rab.Fak.) bitirib.

1936 – 1941-ci illərdə Azərbaycan Dövlət Tibb İnstitutunda təhsil alıb.

Əmək fəaliyyəti

Hərbi xidmətdə

1941-ci ildə Tibb İnstitutunu bitirərkən Böyük Vətən Müharibəsi başlayıb və o, hərbçi-həkim kimi sovet ordusunda xidmətə çağırılıb.

1943-cü ildə İkinci Ukrayna cəbhəsində döyüşən 74-cü atıcı diviziyasının (40-cı ordunun Kiyev 50-ci atıcı korpusunun 134-cü briqadası) bütün hücum döyüşlərində hərbçi-həkim olaraq iştirak edib.

1945-ci ildə – müharibə qurtardıqdan sonra, daha 12 il hərbi qulluqda qalıb və Uzaq Şərqdə, Tiflisdə, Zaqatalada, Lerikdə, Nasosnıda, Bakıda, Gəncədə və digər bir neçə yerdə hərbçi-həkim kimi xidmət edib.

1957-ci ildə kapitan rütbəsi ilə Sovet Ordusundan tərxis olunub.

Mülki xidmətdə

1957 – 1985-ci illərdə əmək fəaliyyətini Nuxa/Şəki Mərkəzi Rayon Xəstəxanasınında davam etdirib.

Vəfatı

23 avqust 1985-ci il tarixdə – 74 yaşında, Şəkidə vəfat edib.

Təltif və mükafatları

• “Döyüş xidmətlərinə görə” medalı (31.08.1943);
• “Qırmızı Ulduz” ordeni – 05.08.1944;
• “1941-1945-ci illər Böyük Vətən müharibəsində Almaniya üzərində qələbəyə görə” medalı (1945);
• “Döyüş xidmətlərinə görə” medalı (26.10.1955);
• “1941-1945-ci illər Böyük Vətən müharibəsində qələbənin 20 illiyi” yubiley medalı (29.03.1966);
• “SSRİ Silahlı Qüvvələrinin 50 illiyi” yubiley medalı (16.05.1969);
• “1973-cü il Sosializm yarışının qalibi” döş nişanı (12.03.1973);
• “1941-1945-ci illər Böyük Vətən müharibəsində qələbənin 30 illiyi” yubiley medalı (22.09.1975);
• Azərbaycan SSR Qırmızı Aypara Cəmiyyəti Mərkəzi komitəsinin fəxri fərmanı – işdə qazandığı nailiyyətlərinə və Azərbaycan SSR Qırmızı Aypara Cəmiyyətinin yaranmasının 50 illiyi münasibəti ilə (31.05.1973);
• Azərbaycan SSR “Bilik” cəmiyyətinin fəxri fərmanı – zəhmətkeşlər arasında bilik təbliğatında fəal iştirakına görə (24.01.1977).

Ailəsi

• Həyat yoldaşı: Xavər Əliyeva həkim-bakterioloq olub. 1979-cu ildə “Əmək veteranı” medalı, 1982-ci ildə uzun müddət qüsursuz işlədiyinə görə və anadan olmasının 60 illiyi münasibətilə Tibb İşçiləri Həmkarlar İttifaqının Şəki rayon şöbəsi tərəfindən fəxri fərmanla təltif edilmişdir.
• Övladları: İsmayıl, Şərafət və Gülrux – hər üçü musiqiçidir.
  • Oğlu: İsmayıl Əliyev, musiqiçi-pedaqoqdur. 1972 – 2017-ci illərdə Şəki Musiqi Texnikumunda əvvəl xalq çalğı alətləri şöbəsinin müdiri, sonra isə müəllim və xalq çalğı alətləri orkestrinin rəhbəri olub.
  • Qızı: Şərafət Əliyeva-Əzizova, müəllim-konsertmeyster; 2003 – 2010-cü illərdə Trakya Universiteti Dövlət Konservatoriyasında (Türkiyə) çalışmış, 2012-ci ildən isə əmək fəaliyyətini Şəki Dövlət Regional Kollecində davam etdirmişdir.
  • Qızı: Gülrux İsmayılova, 1975 – 1996-cı illərdə Şəki şəhər 2 №-li musiqi məktəbində, 2006 – 2020-ci illərdə (təqaüdə çıxana qədər) isə Xırdalan şəhər musiqi məktəbində konsertmeyster olaraq fəaliyyət göstərib.

Şəkillər

• 

  “Qızıl Şərq” hərbi şəhərciyi (Salyan kazarması); birinci sırada sağdan birinci kapitan Abbasəli Əliyev, ikinci sırada sağdan birinci podpolkovnik Məmmədəmin Əsgərzadə...

• 

  Abbasəli Əliyev hərbçilər arasında.

• 

  Abbasəli Əliyev Şəki Mərkəzi Xəstəxanasının həkimləri arasında.

• 

  Abbasəli Əliyev ailəsi ilə birlikdə.