Akif Sultanov

Akif Sultanov
Sultanov Akif Ənvər oğlu
Akif Sultanov
Doğum tarixi	28 sentyabr 1938(1938-09-28)
Doğum yeri	Nuxa (indiki Şəki), Azərbaycan SSR, SSRİ
Vəfat tarixi	29 yanvar 2008 (69 yaşında)
Vəfat yeri	Şəki, Azərbaycan
Vətəndaşlığı	SSRİ→ Azərbaycan
Təhsili	Əzim Əzimzadə adına Azərbaycan Dövlət Rəssamlıq Məktəbi (1962–1967)
Janrı	İpək parçaların tərtibatı, mənzərə və natümort
Atası	Sultanov Ənvər Allahyar oğlu
Anası	Xəlilova Zivər Nəsib qızı
Uşağı	4 uşaq
Həyat yoldaşı	Nəzakət Sultanova

Akif Sultanov (1938–2008) — uzun müddət Şəki ipək kombinatının rəssamlıq emalatxanasında çalışmış rəssam. Şəki ipək kombinatında rəssam işləməklə yanaşı həm də paralel olaraq uzun müddət Nuxa/Şəki Pedaqoji Məktəbində təsviri incəsənət fənnindən dərs demişdir.

Haqqında məlumatlar

28 sentyabr 1938-ci il tarixdə Nuxada (indiki Şəki) anadan olub.

Təhsili

1957-ci ildə Nuxa şəhər M.Qorki adına 10 №-li orta məktəbini bitirib.

1962 – 1967-ci illərdə Əzim Əzimzadə adına Azərbaycan Dövlət Rəssamlıq Məktəbində təhsil alıb.

Hərbi xidmətdə

1957 – 1959-cu illərdə həqiqi hərbi xidmətdə olub.

Əmək və rəssamlıq fəaliyyəti

1959-cu ildə V.İ.Lenin adına Nuxa İpək Kombinatının rəssamlıq emalatxanasında köməkçi rəssam vəzifəsində əmək fəaliyyətinə başlayıb.

1967-ci ildən paralel olaraq həm də Nuxa/Şəki Pedaqoji Məktəbində təsviri incəsənət fənnindən dərs deyib.

SSRİ Yüngül Sənaye Nazirliyinin nəzdindəki Bədii Şura tərəfindən əvvəl 3-cü dərəcəli, sonra isə 1-ci dərəcəli rəssam adına layiq görülüb.

1975-ci ildə keçmiş SSRİ Rəssamlar İttifaqına üzv qəbul olunub. Dəfələrlə əsərləri V.Səmədova adına sərgi salonunda, Dövlət Rəsm Qalereyasında nümayiş etdirilib.

Azərbaycan Respublikası Rəssamlar İttifaqının və Bədii fondunun da üzvü idi.

Təltif və mükafatları

Parça üçün çəkdiyi rəsmlərə görə SSRİ Yüngül Sənaye Nazirliyinin 1-ci dərəcəli diplomuna layiq görülüb, eləcə də SSRİ Xalq Təsərrüfatı nailiyyətləri sərgisinin fəxri fərmanına layiq görülüb.

Vəfatı

29 yanvar 2009-cu il tarixdə – 69 yaşında, Şəkidə vəfat edib.

Ədəbiyyat

1. Bəşirov R., Hacıyev N. SULTANOV AKİF ƏNVƏR OĞLU // Unudulmaz illər. — Bakı: “Qismət” mətbəəsi, 2007. — Səhifələrin sayı:  200. — Səh.: 167.
2. Məmmədov Ə., Xalıqov F. Sultanov Akif // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 362. — 600 nüsx. — ISBN 5-8066-1708-4.
3. SULTANOV AKİF ƏNVƏR OĞLU // Məzunlar / Akif Əli (tərtibçi). — Bakı: Elm və təhsil, 2012. — Səhifələrin sayı:  356. — Səh.: 233. — ISBN 978-9952-8176-4-5.