Töhrab Hüseynov

Töhrab Hüseynov
Hüseynov Töhrab Fərrux oğlu
Töhrab Hüseynov, 2002-ci il.
Şəxsi məlumatlar
Doğum tarixi	10 aprel 1954 (1954-04-10)
Doğum yeri	Nuxa, Nuxa rayonu, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Şəki Musiqi Texnikumu (1969–1973) Üzeyir Hacıbəyov adına Azərbaycan Dövlət Konservatoriyası (1974–1979)

Töhrab Hüseynov — musiqiçi-pedaqoq, Şəki Musiqi Texnikumunun sabiq direktoru.

Haqqında məlumatlar

10 aprel 1954-cü il tarixdə Nuxada anadan olub.

T.Hüseynov Fuad Əbdürəhmanov adına Şəki Şəhər Uşaq İncəsənət Məktəbinin direktoru işlədiyi zaman, 1987-ci il.

Təhsili

1961 – 1971-ci ildə 10 №-li Nuxa/Şəki şəhər orta məktəbində,

1963 – 1968-ci illərdə Nuxa şəhər yeddiillik musiqi məktəbinin tar sinfində,

1969 – 1973-cü illərdə Şəki Musiqi Texnikumunda,

1974 – 1979-cu illərdə Üzeyir Hacıbəyov adına Azərbaycan Dövlət Konservatoriyasında (tar ixtisası üzrə) təhsil alıb.

Əmək fəaliyyəti

1969-cu ildən uşaq bağçalarında, sonralar yeddiillik uşaq musiqi məktəblərində (Şəkidə və Bakıda) müəllim işləyib.

1979 – 1987-ci illərdə Şəki Musiqi Texnikumunda şöbə müdiri,

1987 – 1989-cu illərdə Fuad Əbdürəhmanov adına Şəki Şəhər Uşaq İncəsənət Məktəbinin direktoru olub.

1989 – 2010-cu illərdə əvvəlcə qısa müddət (1989-cu ilin 5 iyul – 1 avqust tarixləri arası) Şəki Musiqi Texnikumunda tədris işləri üzrə direktor müavini, sonra isə (1 avqust 1989-cu il – 7 iyun 2010-cu il tarixləri arası) direktor vəzifəsində çalışıb.

İctimai aktivliyi

1990-cu ildə Şəki Şəhər Sovetinin deputatı seçilib.

1993-cü ildən Yeni Azərbaycan Partiyasının üzvüdür.

Yeni Azərbaycan Partiyasının I – III və Azərbaycan müəllimlərinin XI – XIII qurultaylarının nümayəndəsi olub.

Şəki Musiqi Texnikumunun direktoru olduğu illərdə (1989 – 2010) Şimal – Qərb regionunda keçirilən mədəni-kütləvi tədbirlərdə yaxıbdan iştirak edib.

• 
  2002-ci ildə Heydər Əliyev Şəkidə Olimpiya İdman Kompleksinin açılışında iştirak edərkən Şəki Musiqi Texnikumunun xor, orkestr və rəqs qrupu çıxışı.
• 
  Ü.Hacıbəylinin anadan olmasının 120 illiyi ilə əlaqədar olaraq Musiqi Texnikumunun xor, orkestr, kamera ansanblı Şəki şəhər ictimaiyyəti qarşısında çıxış edərkən, 2005-ci il.
• 
  Şəki Musiqi Texnikumunun folklor qrupu, 2001-ci il.
• 
  T.Hüseynov Megəçevirdə uşaq musiqi məktəblərinin kollektivləri qarşısında çıxış edərkən, 2001-ci il.
• 
  Bəstəkar S.Ələsgərov Şəki Musiqi Texnikumunda keçirilən dövlət imtahanlarında iştirak etdikdən sonra, 1998-ci il.
• 
  O.Quliyev, T.Hüseynov və S.Ələsgərov, 1979-cu il.
• 
  T.Hüseynov direktoryanı müşavirə zamanı, 2004

Mükafatları

• Azərbaycan SSR Xalq Təhsili Nazirliyinin, Mədəniyyət Nazirliyinin, Şəki şəhər İH başçısının, Şəki şəhər Xalq Marifi Şöbəsinin fəxri fərmanları.

Ədəbiyyat

1. Məmmədov Ə., Xalıqov F. Hüseynov Töhrab // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 172-173. — 600 nüsx. — ISBN 5-8066-1708-4.