Rəsul Ələkbərov

Rəsul Ələkbərov
Ələkbərov Rəsul Əli oğlu
Rəsul Ələkbərov.
Doğum tarixi	15 aprel 1928(1928-04-15)
Doğum yeri	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vəfat tarixi	23 avqust 2000 (72 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	kimya
İş yeri	AMEA Qeyri-Üzvi və Fiziki Kimya İnstitutu (laboratoriya müdiri)
Elmi dərəcəsi	kimya elmləri doktoru
Elmi adı	professor
Təhsili	• S.M.Kirov adına Azərbaycan Dövlət Universiteti, kimya fakültəsi; Qorki Dövlət Universiteti, kimya fakültəsi (1947–1952)  • Azərbaycan SSR EA Qeyri-Üzvi və Fiziki Kimya İnstitutu, aspirantura (1955–1958)

Rəsul Ələkbərov (1928–2000) — tanınmış kimyaçı alim, kimya elmləri doktoru, professor, AMEA Qeyri-Üzvi və Fiziki Kimya İnstitutunun laboratoriya müdiri. Bir müddət Qeyri-Üzvi və Fiziki Kimya İnstitutunun elmi işlər üzrə direktor müavini vəzifəsində çalışmışdır. Elmi kadrların hazırlanmasında xidməti var.

Haqqında məlumatlar

15 aprel 1928-ci il tarixdə Nuxada (indiki Şəki) anadan olub.

Təhsili

1947-ci ildə Nuxada orta məktəbi bitirib.

1947 – 1952-ci illərdə əvvəlcə S.M.Kirov adına Azərbaycan Dövlət Universitetinin, sonra isə Qorki Dövlət Universitetinin kimya fakültəsində,

1955 – 1958-ci illərdə Azərbaycan SSR EA Qeyri-Üzvi və Fiziki Kimya İnstitutunun aspiranturasında təhsil alıb.

Əmək fəaliyyəti

1952 – 1955-ci illərdə təyinat əsasında öz ixtisası üzrə Tomsk şəhərində işləyib.

1955-ci ildən Azərbaycan SSR EA Qeyri-Üzvi və Fiziki Kimya İnstitutunda işləyib; o cümlədən,

1961 – 1962-ci illərdə kiçik elmi işçi,

1962 – 1970-ci illərdə böyük elmi işçi,

1970 – 1975-ci illərdə institutun elmi işlər üzrə direktor müavini,

1971-ci ildən ömrünün sonuna kimi laboratoriya müdiri vəzifəsində çalışıb.

Elmi fəaliyyəti

1961-ci ildə namizədlik dissertasiyasını müdafiə edib.

1969-cu ildə kimya elmləri doktoru elmi dərəcəsi,

1972-ci ildə professor elmi adını alıb.

Elmi məqalələri Azərbaycanda və xaricdə çap edilib; ümumiyyətlə, 250-dən çox elmi məqalənin və 60-dan çox müəlliflik şəhadətnaməsinin, 2 patentin müəllifidir.

Vəfatı

23 avqust 2000-ci il tarixdə – 72 yaşında, Bakıda vəfat edib.

Ədəbiyyat

1. Məmmədov Ə., Xalıqov F. Ələkbərov Rəsul // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 122-123. — 1.000 nüsx.
2. Ələkbərov Rəsul Əli oğlu // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII  c. — Səh. 317. — ISBN 978-9952-441-13-0.