Ləman Cəlilova
| Ləman Cəlilova | |
|---|---|
| Cəlilova Ləman Natiq qızı | |
 | |
| Ləman Cəlilova. | |
| Anadan olub | 5 noyabr 2021 |
| Anadan olduğu yer |
Bakı,  Azərbaycan |
| Atası | Natiq Qurban oğlu Cəlilov |
| Təhsili |
• Fransız-Azərbaycan Universiteti (UFAZ), kimya mühəndisliyi ixtisası (2018–) • Massaçusets Texnologiya İnstitutu (2022–) |
Ləman Cəlilova — Massaçusets Texnologiya İnstitutunun tələbəsi.
Haqqında məlumatlar
5 noyabr 2001-ci il tarixdə Bakıda anadan olub.
Təhsili
2007 – 2018-ci illərdə Bakı şəhər 6 saylı məktəb-liseyində təhsil alıb; məktəb-liseyi qızıl medalla bitirib.
2018-ci ildə Fransız-Azərbaycan Universitetində (UFAZ) kimya mühəndisliyi ixtisası üzrə təhsil almağa başlayıb.
2022-ci ildə Massaçusets Texnologiya İnstitutuna tam təqaüdlə qəbul olunub.
Digər
Orta təhsil alarkən “Xəmsə” Milli İntellektual Oyununda və “Nə? Harada? Nə zaman?” İntellektual Oyununda iştirak edib və həmin yarışmalarda onun təmsil olunduğu komanda birinci olub. O cümlədən, 9-cu sinifdə oxuyarkən “Sabahın Alimləri” müsabiqəsində ikinci yeri tutub. Avropa Gənclər Parlamenti Azərbaycan ictimai birliyinin idarə heyəti üzvüdür. Formula1, UNESCO, Beynəlxalq Gimnastika Federasiyası və s. kimi təşkilatlar tərəfindən keçirilən tədbirlərdə könüllü kimi iştirak edib. 2021-ci ildən etibarən UFAZ tələbə birliyinin Prezidenti kimi fəaliyyət göstərib. “Act In Space” və “Gender Bərabərliyi” hakatonlarında birinci yeri tutub. “BP Skills Refinery” layihəsinin qalibi seçilərək 2019-cu ildə gənclər üçün təşkil olunan ən irimiqyaslı sammitdə – “One Young World Summit London” tədbirində iştirak etmək hüququ qazanıb. Azərbaycan, rus, türk, ingilis, fransız və alman dillərini bilir, boş vaxtlarında pianoda ifa etməyə, rəsm çəkməyə və proqramlaşdırma ilə məşğul olmağa üstünlük verir.
Ailəsi
Atası Natiq Cəlilov Şəkidən çıxmış görkəmli alimlərdən biri − akademik Qurban Cəlilovun oğludur, 2004-cü ildə avtomobil qəzasında həlak olmuşdur.
Ləman Cəlilovanın kiçik baısı Arzu Cəlilova isə bədii gimnastika üzrə gənclər arasında I Dünya Çempionatının (Moskva, Rusiya Federasiyası, 2019-cu il) gümüş və bürünc, Avropa Çempionatının (Quadalaxara, İspaniya, 2018-ci il) bürünc medalçısıdır.
Ədəbiyyat
- UFAZ-ın tələbəsi Massaçusets Texnologiya İnstitutuna tam təqaüdlə qəbul olub : [arx. 07.04.2022] // AZƏRTAC. — 2022. — 29 mart. — Müraciət tarixi: 07.04.2022.
- Ləman Cəlilova // Azerbaijan Science Association (ASA). — Müraciət tarixi: 07.04.2022.
Videolar
 | © 2019 – 2024 Şəki Ensiklopediyası Bu məqalə Şəki Ensiklopediyasının yoxlanılmış məqalələrindən biridir və müəlliflik hüququ Şəki Ensiklopediyasının redaksiyasına məxsusdur. |