Vahid Qəniyev

Vahid Qəniyev
Qəniyev Vahid Hüseyn oğlu
Vahid Qəniyev, 2019-cu il.
Anadan olub	26 aprel 1929 (1929-04-26)
Anadan olduğu yer	Nuxa (indiki Şəki), Şəki qəzası, Azərbaycan SSR, ZSFSR, SSRİ
Vətəndaşlıq	SSRİ→ Azərbaycan
Təhsili	Azərbaycan Kənd Təsərrüfatı İnstitutu, hidromeliorasiya fakültəsi (1948–1953)
Mükafatları

Vahid Qəniyev — Şəki şəhərinin və Şəki rayonunun sabiq meri; 1971–1975-ci illərdə Şəki Şəhər Xalq Deputatları Soveti İcraiyyə Komitəsinin sədri, 1975–1991-ci illərdə Şəki Rayon Xalq Deputatları Soveti İcraiyyə Komitəsinin sədri, 1985–1990-cı illərdə Azərbaycan SSR Ali Sovetinin deputatı olmuşdur.

Haqqında məlumatlar

26 aprel 1929-cu il tarixdə Nuxada (indiki Şəki) anadan olub.

Təhsili

1947-ci ildə Nuxa şəhər M.Qorki adına 10 №-li orta məktəbini bitirib.

1948 – 1953-cü illərdə Azərbaycan Kənd Təsərrüfatı İnstitutunun hidromeliorasiya fakültəsində təhsil alıb.

Əmək fəaliyyəti

1953-cü ildə Nuxa Suvarma Sistemləri İdarəsində mühəndis vəzifəsində əmək fəaliyyətinə başlayıb, sonrakı illərdə həmin idarənin baş mühəndisi olub.

1965-ci ilin əvvəllərində bir müddət Qax Suvarma Sistemləri İdarəsinin rəisi,

1965-ci ilin ilin iyul ayından 1971-ci ilin mart ayınadək isə Nuxa/Şəki Suvarma Sistemləri İdarəsinin rəisi vəzifəsində işləyib.

1971-ci ilin mart ayından Şəki Şəhər Xalq Deputatları Soveti İcraiyyə Komitəsinin sədri,

1975-ci ilin aprel ayından isə Şəki Rayon Xalq Deputatları Soveti İcraiyyə Komitəsinin sədri olub və 1991-ci ilədək həmin vəzifədə çalışıb.

1992-ci ildə Şəki-İsmayıllı zonası İstismar İstehsalat birliyinin rəisi vəzifəsinə təyin edilib.

2005-ci ilin dekabr ayında Əyriçay SAİİ-nin rəisi vəsifəsində əmək fəaliyyətini tamamlayıb.

İctimai-iyasi fəaliyyəti

1958-ci ildən Sov.İKP üzvü,

1971, 1976, 1981, 1986-cı illərdə Azərbaycan KP-nın XXVIII, XXIX, XXX, XXXI qurultaylarının nümayəndəsi,

1985 – 1990-cı illərdə XI çağırış Azərbaycan SSR Ali Sovetinin deputatı olub.

1990-cı ildə 330 nömrəli Şəki rayon Cəfərabad seçki dairəsindən Azərbaycan SSR xalq deputatlığına namizədliyi irəli sürülüb, lakin seçilməyib.

Azərbaycan Ağsaqqallar Şurasının Şəki rayon təşkilatının sədridir.

Təltif və mükafatları

• “Qırmızı Əmək Bayrağı” ordeni.
• “Şərəf Nişanı” ordeni.
• “Şərəf Nişanı” ordeni (1981).
• Vladimir İliç Leninin anadan olmasının 100 illiyi ilə əlaqədar yubiley medalı (1970).
• Azərbaycan SSR Ali Sovetinin fəxri fərmanları.
• Şəki Şəhər İcra Hakimiyyətinin Fəxri Fərmanı – anadan olmasının 90 illiyi münasibəti ilə (26 aprel 2019).

Ədəbiyyat

1. Vahid Hüseyn oğlu QƏNİYEV (azərb.) // İpəkçi : çoxtirajlı qəzet / Salis Məmmədov. — Şəki: Şəki mətbəəsi, 22 sentyabr 1990. — № 25 – 26 (1959 – 1960). — Səh. 2.

Həmçinin, bax:

• Nuxa rayon və şəhər sovetlərinin deputatları (1965)
• Şəkidən Azərbaycan SSR xalq deputatlığına namizədlərin siyahısı (1990)