Abuzər Rəsulov

Abuzər Rəsulov
Rəsulov Abuzər Məmməd oğlu
Abuzər Rəsulov
Abuzər Rəsulov.
Doğum tarixi	16 dekabr 1907(1907-12-16)
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	2001(2001-Şablondakı doğum və ya ölüm tarixində texniki yanlışlıq var!-00) (94 yaşında)
Vəfat yeri	Bakı, Azərbaycan SSR, SSRİ
Vətəndaşlıq	SSRİ→ Azərbaycan
Elmi dərəcəsi	fizika-riyaziyyat elmləri doktoru
Elmi adı	professor
Təhsili	• Nuxa Müəllimlər Seminariyası (1921–1925)  • V.İ.Lenin adına Azərbaycan Pedaqoji İnstitutu, fizika-riyaziyyat şöbəsi (1929–1932)
Mükafatları

Abuzər Rəsulov (1907–2001) — fizika-riyaziyyat elmləri doktoru, professor.

Haqqında məlumatlar

16 dekabr 1907-ci il tarixdə Nuxada (indiki Şəki), dəmirçi ailəsində anadan olub.

Təhsili

1915 – 1918-ci illərdə üçillik ibtidai məktəbdə oxuyub.

1920 – 1921-ci illərdə Nuxa nümunə-zəhmət məktəbində,

1921 – 1925-ci illərdə Nuxa Müəllimlər Seminariyasında,

1929 – 1932-ci illərdə V.İ.Lenin adına Azərbaycan Pedaqoji İnstitutunu fizika-riyaziyyat şöbəsində təhsil alıb.

Əmək fəaliyyəti

1918 – 1920-ci illərdə atasının dəmirçi emalatxanasında işləyib.

1925-ci ildən Nuxa şəhər 10 №-li orta məktəbində ibtidai sinif müəllimi işləyib.

1926 – 1927-ci illərdə Nuxa şəhər birləşmiş məktəbin (7 nömrəli oğlan məktəbi ilə 8 nömrəli qız məktəbinin birləşməsi) müdiri olub.

1932 – 1934-cü illərdə Azsənaye Şurasının Nuxa Sənaye Texnikumunda fizika-riyaziyyat müəllimi vəzifəsində işləyib; 1934-cü ildə texnikum Bakıya köçürülüb.

1934 – 1937-ci illərdə Azneftin Neftayırma Texnikumunda fizika müəllimi vəzifəsində işləyib; eyni zamanda S.M.Kirov adına Azərbaycan Dövlət Universitetinin ümumi fizika kafedrasında laborant vəzifəsində çalışıb.

1937 – 1941-ci illərdə S.M.Kirov adına Azərbaycan Dövlət Universitetində assistent və baş müəllim,

1945 – 1952-ci illərdə eksperimental fizika kafedrasında baş müəllim,

1952 – 1978-ci illərdə molekulyar fizika kafedrasında dosent,

1978-ci ildən fizika fakültəsinin optika və molekulyar fizika kafedrasının professoru olub.

Elmi fəaliyyəti

1951-ci ildə “Özlü mayelərdə tərpənmiş dalğalarının yayılması” mövzusunda namizədlik,

1973-cü ildə isə “Rezinin deformasiya və quruluşu” mövzusunda doktorluq dissertasiyasını müdafiə edib.

Bir sıra jurnallarda 80-dən çox elmi, elmi-metodik məqalələri dərc olunub. Müxtəlif konfranslarda, seminarlarda 100-dən çox elmi məruzə ilə çıxış edib.

Böyük Vətən müharibəsində

1941-ci ilin noyabrında Bakı şəhər Caparidze Rayon Hərbi Komissarlığından orduya çağırılıb. Böyük Vətən müharibəsində (1941–1945) iştirak edib.

19 fevral 1945-ci il tarixdə baş leytenant hərbi rütbəsi ilə ordudan tərxis olunub.

Təltif və mükafatları

• “1941-1945-ci illər Böyük Vətən müharibəsində Almaniya üzərində qələbəyə görə” medalı;
• II dərəcəli “Vətən Müharibəsi” ordeni (1985);
• “Qırmızı Əmək Bayrağı” ordeni.

Vəfatı

2001-ci ildə – 94 yaşında, Bakıda vəfat edib.

Ədəbiyyat

1. Расулов Абузар Мамед-оглы : [arx. 19.07.2021] : [rus.] // Память народа. — Müraciət tarixi: 18.07.2021.
2. Расулов (Рассулов) Абузар Мамед-оглы (Мамедович) : [arx. 19.07.2021] : [rus.] // Память народа. — Müraciət tarixi: 18.07.2021.
3. Məmmədov Ə., Xalıqov F. Rəsulov Abuzər // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 468-470. — 1.000 nüsx.
4. Mete Ə. Görkəmli fizik // O torpağın övladları. — Bakı: Nurlan, 2006. — Səhifələrin sayı:  608. — Səh.: 230-232. — 500 nüsx.
5. Şükürov R., Orsər R. Rəsulov Abuzər Məmməd oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 189. — (Ş 4702060200). — 1.000 nüsx. — ISBN 978995244710.