Qüdrət Əbdülsəlimzadə

Qüdrət Əbdülsəlimzadə
	Əbdülsəlimzadə Qüdrət Yaqub oğlu
Doğum tarixi	27 avqust 1933
Doğum yeri	Nuxa, Nuxa rayonu, ZSFSR, Azərbaycan SSR, SSRİ
Vəfat tarixi	13 oktyabr 2016 (83 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elmi dərəcəsi	iqtisad elmləri doktoru
Elmi adı	professor
Təhsili	S.M.Kirov adına Azərbaycan Dövlət Universiteti (1952 – 1957) Azərbaycan SSR EA İqtisadiyyat İnstitutu, aspirantura (1957 – 1960)

Qüdrət Əbdülsəlimzadə — iqtisadçı alimi, iqtisad elmləri doktoru, professor. 1992 – 1995-ci illərdə Azərbaycan Respublikası Dövlət əmlak Komitəsinin, 1990-cı ilin 20 yanvar hadisələrində isə İctimai Dəfn Komissiyasının sədri olub.

Haqqında məlumatlar

27 avqust 1933-cü il tarixdə Nuxada anadan olub.

Təhsili

1941 – 1952-ci illərdə Nuxada orta məktəbdə oxuyub.

1952 – 1957-ci illərdə S.M.Kirov adına Azərbaycan Dövlət Universitetində təhsil alıb; universiteti fərqlənmə diplomu ilə bitirib.

1957 – 1960-cı illərdə Azərbaycan SSR EA İqtisadiyyat İnstitutunun aspirantı olub.

Elmi fəaliyyəti

1961-ci ildə namizədlik,

1969-cu ildə isə doktorluq dissertasiyası müdafiə edib.

Daha sonra professor elmi adını alıb.

Tədqiqatları iqtisadi nəzəriyyə, beynəlxalq iqtisadi münasibətlər və keçid dövrü iqtisadiyyatına həsr olunmuşdur. 150-dәn çox elmi əsərin müəllifidir. Elmi kadrların hazırlanmasında xidməti olub.

Əmək fəaliyyəti

1961-ci ildə Azərbaycan SSR EA İqtisadiyyat İnstitunda işə götürülüb və 1992-ci ilə qədər bu elmi-tədqiqat institutunda əvvəl kiçik elmi işçi, sonra baş elmi işçi, daha sonra isə şöbə müdiri vəzifələrində işləyib.

1992 – 1995-ci illərdə Azərbaycan Respublikası Dövlət əmlak Komitəsinin sədri olub.

1997 ildən Bakı Biznes Universitetinin və Qərb Universitetinin professoru,

2000 ildən kafedra müdiri və tədris işləri üzrə prorektor olub.

İctimai aktivliyi

20 yanvar 1990-cı il hadisələrində İctimai Dəfn Komissiyasının sədri olub.

Vəfatı

13 oktyabr 2016-cı il tarixdə Bakı Biznes Universitetində dərs zamanı auditoriyada vəfat edib.

İstifadə edilmiş əsas mənbələr

Məmmədov Ə., Xalıqov F. Əbdülsəlimzadə Qüdrət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 106 – 108. — 1.000 nüsx.
ƏBDÜLSƏLİMZADƏ Qüdrәt Yaqub // Azərbaycan Milli Ensiklopediyası : ensiklopediya : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2015. —VI c. — Səh. ?. — ISBN 978-9952-441-11-6.