Mirqasım Ocaqov

Mirqasım Ocaqov
Ocaqov Mirqasım Ağababa oğlu
Mirqasım Ocaqov.
Anadan olub	15 sentyabr 1898(1898-09-15)
Anadan olduğu yer	Lənkəran, Lənkəran qəzası, Bakı quberniyası, Rusiya İmperiyası
Vəfat edib	7 dekabr 1964 (66 yaşında)
Vəfat etdiyi yer	Nuxa (indiki Şəki), Azərbaycan SSR, SSRİ
Vəfat səbəbi	qısa sürən xəstəlik
Dəfn yeri	Məhəmməd əfəndi qəbiristanlığı, Nuxa (indiki Şəki)
Həyat yoldaşı	Samiyə Ocaqova
Uşağı	Rasim Ocaqov
Vətəndaşlıq	SSRİ
Təhsili	Azərbaycan Dövlət Universiteti, tibb fakültəsi (–1926)
Mükafatları

Mirqasım Ocaqov (1898–1964) — Azərbaycan SSR əməkdar həkimi, Nuxa vərəm sanatoriyasının baş həkimi. Görkəmli kinorejissor Rasim Ocaqovun atasıdır.

Haqqında məlumatlar

15 sentyabr 1898-ci il tarixdə Lənkəranda anadan olub.

Təhsili

1920-ci ildə Lənkəran gimnaziyasını,

1926-cı ildə Azərbaycan Dövlət Universitetinin tibb fakültəsini bitirib.

Əmək fəaliyyəti

Hərbi sənədlərindəki gənclik şəkli.

1920-ci ildə gimnaziyanı bitirdikdən sonra bir müddət Masallıda ibtidai məktəbdə dərs deyib.

1926-cı ildə bir müddət Azərbaycan Dövlət Universitetinin tibb fakültəsində işləyib. Sonra Azərbaycan SSR Xalq Səhiyyə Komissarlığı əvvəlcə onu ağ ciyər xəstəlikləri sahəsində ixtisaşması üçün Yaltadakı vərəm institutuna altıaylıq ezamiyyətə,

1927-ci ildə sə Nuxaya işləməyə göndərib.

1929-cu ildə yeni istifadəyə verilən Nuxa vərəm dispanserinə baş həkim təyin olunub. Eyni zamanda bir müddət həm də Nuxa şəhər səhiyyə şöbəsinin müdiri vəzifəsində də çalışıb.

Təltif və mükafatları

• “Qafqazın müdafiəsinə görə” medalı;
• “Şərəf Nişanı” ordeni (2 dəfə);
• “Səhiyyə əlaçısı” döş nişanı;
• “Azərbaycan SSR əməkdar həkimi” fəxri adı.

İctimai-siyasi aktivliyi

1943-cü ildən Kommunist partiyasının üzvü idi.

1948, 1951, 1957, 1959 və 1961-ci illərdə Nuxa şəhər Sovetinin deputatı seçilib.

Vəfatı

7 dekabr 1964-cü il tarixdə – 66 yaşında, qısa sürən xəstəlikdən sonra Nuxada (indiki Şəki) vəfat edib. Nuxada Məhəmməd əfəndi qəbiristanlığında dəfn olunub.

8 dekabr 1964-cü il tarixdə Nuxada çıxan “Lenin bayrağı” qəzetində vəfatı münasibəti ilə yoldaşlarından bir qrupu adından nekroloq, həmçinin Nuxa şəhər partiya komitəsi və Nuxa şəhər Sovetinin icraiyyə komitəsi adından başsağlığı dərc edilib.

Ədəbiyyat

1. Оджагов Миркасум Агабаба : [arx. 09.12.2022] : [rus.] // Память Народа. — Müraciət tarixi: 10.12.2022.
2. M.A.OCAQOV = М.А.ОҸАГОВ // Məhyəddin Abbasov (redaktor) Lenin bayrağı : qəzet. — Nuxa: Nuxa mətbəəsi, 1964. — В. 8 dekabr. — № 144 (441). — Səh. 4.
3. Mete Ə. Kino ustası // O torpağın övladları. — Bakı: Nurlan, 2006. — Səhifələrin sayı:  608. — Səh.: 498. — 500 nüsx.
4. Abbasov İ. Mirzə Abcabbarın sərgüzəştləri : [arx. 09.12.2022] // [Ədalət https://www.adalet.az/]. — Müraciət tarixi: 09.12.2022.
5. Əsədov Q. Şəki səhiyyəsi sovet hakimiyyəti dövründə // Şəki və onun təbabət tarixi. — Bakı: Qanun, 2016. — 500 nüsx. — ISBN 978-9952-36-282-4. Arxivləşdirilib; arxivləşdirmə tarixi: 9 dekabr 2022.