İmran Hacıyev

İmran Hacıyev
	Hacıyev İmran Mustafa oğlu
	İmran Hacıyev
	İmran Hacıyev.
Doğum tarixi	15 dekabr 1929
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	3 dekabr 2017 (87 yaşında)
Vəfat yeri	Bakı, Azərbaycan
Təhsili	• M.Əzizbəyov adına Azərbaycan Sənaye İnstitutu, dəmiryol fakültəsi (1947–1950) • Azərbaycan Politexnik İnstitutu, dəmiryol fakültəsi (1950–1952)
Həyat yoldaşı	Afərdə Hacıyeva
Evladları	İlahə İbrahimova və Mustafa Hacıyev
Atası	Hacıyev Mustafa Hacıhəmid oğlu
Anası	Hacıyeva Minayə Məmmədsadıq qızı
Mükafatları	;
Adının digər versiyaları	Imran Haciyev, Имран Гаджиев, Имран Һаҹыјев

İmran Hacıyev (1929–2017) — dəniz neft-qaz mədən qurğularının hesablanması və layihələndirilməsi üzrə tanınmış mütəxəssis, texnika elmləri namizədi, Azərbaycan SSR Dövlət mükafatı laureatı. Texnika elmləri doktoru, professor Fərman Hacıyevin (1929–2002) əkiz qardaşıdır.

Haqqında məlumatlar

15 dekabr 1929-cu il tarixdə^{[qeyd 1]} Nuxada (indiki Şəki) anadan olub.

Təhsili

1937 – 1947-ci illərdə Nuxa şəhər 10 №-li orta məktəbində,

1947 – 1950-ci illərdə M.Əzizbəyov adına Azərbaycan Sənaye İnstitutunun dəmiryol fakültəsində,

1950 – 1952-cü illərdə isə Azərbaycan Sənaye İnstitutunun bazasında yeni yaradılmış Azərbaycan Politexnik İnstitutunun dəmiryol fakültəsində təhsil alıb.

Elmi fəaliyyəti

1971-cı ildə texnika elmləri namizədi elmi dərəcəsini alıb.

Neft-qaz mədən qurğularının hesablanması və layihələndirilməsi üzrə 120-dən çox elmi əsərin və 6 müəllif şəhadətnaməsinin müəllifidir.

Əmək fəaliyyəti

1952-ci ildən “Voroşilovqradstroy” trestində (Voroşilovqrad (indiki Luqansk, Ukrayna)) əvvəl iş icraçısı, sonra sahə rəisi,

1956-cı ildən “Qipromorneft” (“Dənizneftqazlayihə”) Elmi-Tədqiqat Layihə İnstitutunda (Bakı) mühəndis-konstruktor, sonra böyük mühəndis,

1964 – 1999-cu illərdə layihənin baş mühəndisi vəzifəsində çalışıb.

Pedaqoji fəaliyyəti

Azərbaycan İnşaat Mühəndisləri İnstitutunda dərs deyib.

Təltif və mükafatları

Azərbaycan SSR Dövlət Mükafatı – “Xəzər dənizinin böyük dərinliklərində iri neft və qaz yataqlarının aşkar edilməsinin və mənimsənilməsinin sürətləndirilməsini təmin edən elmi-texniki kompleksin yaradılması və tətbiq olunması üçün” mövzusunda tədqiqatlarına görə (26 may 1991-ci il);
“Tərəqqi” medalı (20 sentyabr 2001-ci il);
Azərbaycan Respublikası Prezidentinin fərdi təqaüdü (18 sentyabr 2008-ci il).

Vəfatı

3 dekabr 2017-ci il tarixdə – 87 yaşında, Bakıda vəfat edib.

Qeyd

↑ ^1,0 ^1,1 Əkiz qardaşı Fərman Hacıyevin (1929–2002) sənədlərində isə təvəllüd tarixi 1 ay fərqlidir: 15 noyabr 1929-cu il. Görünür sənıdləşmə zamanı əkizlərdən hansınınsa doğum tarixində texniki səhvə yol verilmişdir.

Ədəbiyyat

İmran və Fərman Hacıyevlərin şəxsi işləri. — Müraciət tarixi: 10.12.2023.
Məmmədov Ə., Xalıqov F. Hacıyev İmran // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 218-219. — 1.000 nüsx.

[Q1-1] 1,0 ^1,1 Əkiz qardaşı Fərman Hacıyevin (1929–2002) sənədlərində isə təvəllüd tarixi 1 ay fərqlidir: 15 noyabr 1929-cu il. Görünür sənıdləşmə zamanı əkizlərdən hansınınsa doğum tarixində texniki səhvə yol verilmişdir.

[qeyd 1]