Sədaqət Qasımlı

Sədaqət Qasımlı
	Qasımlı Sədaqət Əbdürəhman qızı
	Sədaqət Qasımlı, 2010-cu il.
Doğum tarixi	28 mart 1944
Doğum yeri	Nuxa, Nuxa rayonu, Azərbaycan SSR, SSRİ
Vəfat tarixi	30 sentyabr 2019 (75 yaşında)
Vəfat yeri	Bakı, Azərbaycan SSR
Dəfn yeri	Şəki, Azərbaycan
Vətəndaşlıq	SSRİ→ Azərbaycan
Elm sahəsi	filologiya
Elmi dərəcəsi	filologiya elmləri doktoru
Təhsili	S.M.Kirov adına Azərbaycan Dövlət Universiteti, şərqşünaslıq fakültəsi, türk filologiyası şöbəsi (1960–1965) Azərbaycan SSR EA Yaxın və Orta Şərq Xalqları İnstitutu, aspirantura (1967–1969)
Həyat yoldaşları	Azər Qasımlı, texnika elmləri doktoru, professor
Evladı	Araz Qasımov
Atası	Əbdürəhman Abdullayev

Sədaqət Qasımlı (1942–2019) — filologiya elmləri doktoru, AMEA akademik Ziya Bünyadov adına Şərqşünaslıq İnstitutunun aparıcı elmi işçisi. Türkiyə – Azərbaycan ədəbi və elmi əlaqələrinin tədqiqatçısı kimi tanınıb.

Haqqında məlumatlar

28 mart 1944-cü il tarixdə Nuxada anadan olub.

Təhsili

1960-cı ildə Nuxa şəhər 12 saylı orta məktəbini bitirib.

1960 – 1965-ci illərdə S.M.Kirov adına Azərbaycan Dövlət Universitetinin şərqşünaslıq fakültəsinin türk filologiyası şöbəsində,

1967 – 1969-cu illərdə isə Azərbaycan SSR EA Yaxın və Orta Şərq Xalqları İnstitutunun aspiranturasına təhsil alıb.

İş yerləri

1964 – 1967-ci illərdə Azərbaycan SSR EA Əlyazmalar fondunda baş laborant,

1969-ci ildən Azərbaycan SSR EA Yaxın və Orta Şərq Xalqları İnstitutun türk filologiyası şöbəsində işləməyə başlayıb, əvvəl kiçik elmi işçi, sonra isə böyük elmi işçi, aparıcı elmi işçi vəzifələrini tutub.

Elmi fəaliyyəti

1983-cü ildə akademik H.Araslının rəhbərliyi ilə “Haldun Tanerin bədii nəsri” adlı elmi mövzuda namizədlik dissertasiyasını,

1988-ci ildə “Türkiyə ədəbiyyatında yeni hekayəçilik, XIX əsrin ikinci yarısı və XX əsr” adlı elmi mövzuda doktorluq dissertasiyasını müdafiə edib.

1994-cü ildə “Haldun Tanerin bədii nəsri” adlı monoqrafiyası çap olunub.

“Bəkir Yıldızın hekayələrində realizm” adlı mövzuda 10-dan çox elmi əsəri çap olunub.

2004-cü ildə B.Osmanova ilə birlikdə hazırladığı “XX əsrin 20-ci illərində Azərbaycan mətbuatında Türkiyə ədəbiyyatının tədqiqinə dair” adlı kitabı çap olunub.

Türkiyə ədəbiyyatının “Tənzimat”, “Sərvəti-Funun”, “Ədəbiyyati-Cədidə” dövrlərinə aid antologiyanın hazırlanmasında fəal iştirak edib. Türkiyə ədəbiyyatının müxtəlif dövrlərinə və görkəmli simalarına aid araşdırmalar aparıb. Bakıda və Türkiyədə keçirilən beynəlxalq simpoziumlarda elmi məruzələrlə çıxış edib, 60-a qədər elmi məqaləsindən 5-i isə Türkiyədə çap olunub.

2019-cu ildə doktorluq dissertasiyasının elmi mövzusu olan “Türkiyə ədəbiyyatında yeni hekayəçilik, XIX əsrin ikinci yarısı və XX əsr” adlı kitabı AMEA Z.Bünyadov adına Şərşünaslıq İnstitutunun elmi şurasının qərarı ilə çap edilib.

Türk dilindən tərcümələri

2005-ci ildə İsmət Bozdağın “Lətifə xanım Atatürkün həyat yoldaşı”, 2007-ci ildə Haldun Tanerin “Hekayələr”və və 2007 – 2008-ci illərdə qədim türk dastanı “Saltuknamə”nin I-II-III cildləri (B.Osmanova və E.Xəlilova ilə) çap olunub.

Tərcümə etdiyi “Türk Amacı dərgisinin materialları” adlı kitab da akademik Z.Bünyadov adına Şərqşünaslıq institutunun elmi şurası tərəfindən çapa təqdim edilib.

Vəfatı

30 sentyabr 2019-cu il tarixdə – 75 yaşında, Bakıda vəfat edib.

Anadan olduğu Şəki şəhərində dəfn olunub.

Ailəsi

Atası: Əbdürəhman Abdullayev, filologiya elmləri namizədi, Azərbaycan SSR əməkdar mədəniyyət işçisi.
Həyat yoldaşı: Azər Qasımlı, texnika elmləri doktoru, professor.
Oğlu: Araz Qasımov, 1999 – 2002-ci illərdə Şəki şəhər İcra Hakimiyyəti başçısının müavini olub.

Ədəbiyyat

Məmmədov Ə., Xalıqov F. Qasımova Sədaqət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 321-322. — 1.000 nüsx.