Nurəddin Bədəlov

Nurəddin Bədəlov
	Bədəlov Nurəddin İbrahim oğlu
	Nurəddin Bədəlov.
Şəxsi məlumatlar
Doğum tarixi	14 may 1914
Doğum yeri	Nuxa (indiki Şəki), Nuxa qəzası, Yelizavetpol quberniyası, Rusiya İmperiyası
Vəfat tarixi	19 fevral 1985 (70 yaşında)
Vəfat yeri	Şəki, Azərbaycan SSR, SSRİ
Vətəndaşlığı	Rusiya İmperiyası→ SSRİ
Uşaqları	İntizar Bədəlova, Hicran İsmaylova
Təhsili	Azərbaycan Dövlət Konservatoriyası, şərq şöbəsi, kamança ixtisası (1930)
Mükafatları

Nurəddin Bədəlov (1914–1985) — tanınmış kamança ifaçısı və musiqişünas-pedaqoq.

Haqqında məlumatlar

14 may 1914-cü il tarixdə Nuxada (indiki Şəki) anadan olub.

Təhsili

15-16 yaşı olanda Nuxada yaşayan muğam ustadlarından, ilk növbədə tarzənlərdən – Əhməd bəy Tahirovdan və Samovar oğlu Çələbidən, kamançaçılardan Məşədi Yusifdən dərs alıb.

1930-cu ildə Azərbaycan Dövlət Konservatoriyasının şərq şöbəsində kamança ixtisası üzrə təhsil almağa başlayıb.

Əmək fəaliyyəti

1937 – 1947-ci illər arasında Ağdaş rayonunda musiqi müəllimi işləyib.

1947-ci ildən sonra əmək fəaliyyətini Nuxa xalq teatrında, Nuxa/Şəki şəhər mədəniyyət şöbəsinin müəssisələrində, Nuxa/Şəki pionerlər evində davam etdirib.

1951-ci ildə üçüncü çağırış Nuxa rayon zəhmətkeş deputatları Sovetinin üçüncü sessiyasında rayon icraiyyət komitəsi yanında kinolaşdırma şöbəsinin müdiri təyin edilib.

Maraqlı

Ağdaş rayonunda musiqi müəllimi işləyərkən (1937–1947) gələcəyin tanınmış kaman ustası olacaq kiçik Habil Əliyevə kamança çalmağı öyrədib.

Təltif və mükafatları

“Əmək igidliyinə görə” medalı (1947).

Vəfatı

19 fevral 1985-ci il tarixdə – 70 yaşında, Şəkidə vəfat edib.

Xatirəsi

M.F.Axundzadə adına Şəki Mədəniyyət Mərkəzinin tabeliyində fəaliyyət göstərən folklor evi Nurəddin Bədəlovun adını daşıyır.

Ədəbiyyat

Məmmədov Ə., Xalıqov F. Bədəlov Nurəddin // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 58-59. — 600 nüsx. — ISBN 5-8066-1708-4.
Təhmirazqızı S. Nurəddin Bədəlov // Şəkidə ifaçılıq sənəti. — Bakı: Nərgiz, 2016. — Səhifələrin sayı: 224. — Səh.: 60. — 300 nüsx.