Nizami Adışirinov

Nizami Adışirinov
Adışirinov Nizami Şamil oğlu
Nizami Adışirinov.
Doğum tarixi	21 aprel 1983 (1983-04-21)
Doğum yeri	Oxud, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	filologiya
İş yeri	AMEA Folklor İnstitutu, Dədə Qorqud şöbəsi
Elmi dərəcəsi	filologiya üzrə fəlsəfə doktoru
Təhsili	• Bakı Dövlət Universitetinin filologiya fakültəsi, bakalavriat (2000–2004)  • Bakı Dövlət Universitetinin filologiya fakültəsi, magistratura (2004–2006)
Elmi rəhbəri	akad. Tofiq Hacıyev
facebook səhifəsi

Nizami Adışirinov — filologiya üzrə fəlsəfə doktoru, şair, AMEA Folklor İnstitutunun Dədə Qorqud şöbəsinin böyük elmi işçisi.

Haqqında məlumatlar

21 aprel 1983-cü il tarixdə Şəki rayonunun Oxud kəndində anadan olub.

Təhsili

2000-ci ildə Şəki şəhər 19 saylı tam orta məktəbini bitirib.

2000 – 2004-cü illərdə Bakı Dövlət Universitetinin filologiya fakültəsində bakalavr pilləsi üzrə,

2004 – 2006-cı illərdə isə magistr pilləsi üzrə təhsil alıb.

Elmi fəaliyyəti

2006-cı ildə AMEA Folklor İnstitutunun doktoranturasına qəbul olunub.

“Dədə Qorqud kitabında epik formullar” mövzusunda yazdığı dissertasiya müdafiə edib və filologiya üzrə fəlsəfə doktoru elmi dərəcəsi alıb.

Bir sıra Respublika və Beynəlxalq elmi konfransların iştirakçısı olub. Məqalə və tezisləri nüfuzlu beynəlxalq elmi jurnallarda çap olunub. “Dədə Qorqud kitabında epik formullar” və “Kitabi-Dədə Qorqud”da boy, soy, ailə şəcərəsi” adlı elmi monoqrafiyaların müəllifidir.

Ədəbi-bədii fəaliyyəti

Erkən yaşlarından ədəbi-bədii yaradıcılığa meyl edib. Dövri-mətbuatda şeirləri çap olunub. “Ruh bədəndən uzaq düşüb” (2004), “Ürəyimin harayı”(2006), “Əzizlə məni”, (2006), “Yazdım ki izim qala” (2007), “Ömür qatarı” (2010) şeir kitablarının müəllifidir. 2016-cı ildən Azərbaycan Yazıçılar Birliyinin üzvüdür.

Əmək fəaliyyəti

AMEA Folklor İnstitutunun Dədə Qorqud şöbəsinin böyük elmi işçi vəzifəsində çalışır.

Ailəsi

Ailəlidir, üç övladı var.

Ədəbiyyat

1. Orsər R. Nizami Adışirinov // Şəkidən gələn səslər. — Bakı: Elm və təhsil, 2018. — I  cild. — Səhifələrin sayı:  856. — Səh.: 813. — 500 nüsx. — ISBN 978-9952-8176-5-2.