İzzət Nəbiyev
İzzət Nəbiyev (1923 – 1993) — texnika elmləri doktoru, professor, Azərbaycan SSR əməkdar elm və texnika xadimi (1981), SSRİ Dövlət mükafatı laureatı (1969).
İzzət Nəbiyev | |
---|---|
Nəbiyev İzzət Əhməd oğlu | |
İzzət Nəbiyev. | |
Doğum tarixi | 26 yanvar 1923 |
Doğum yeri | Nuxa, Nuxa qəzası, Azərbaycan SSR, ZSFSR, SSRİ |
Vəfat tarixi | yanvar 1993 |
Vəfat yeri | Bakı, Azərbaycan |
Vətəndaşlıq | SSRİ→ Azərbaycan |
İş yeri | M.Əzizbəyov adına Azərbaycan Neft və Kimya İnstitutu, kafedra müdiri (1970 – 1991) |
Elmi dərəcəsi | texnika elmləri doktoru |
Elmi adı | professor |
Atası | Əhməd Nəbiyev |
Anası | Maral Rəşid qızı Əfəndiyeva (1883 − 1967) |
Mükafatları |
|
Haqında məlumatlar
26 yanvar 1923-cü ildə Nuxada anadan olub.
Təhsili
1930-cu ildə Bakı şəhər 132 №-li orta məktəbdə təhsil almağa başlayıb.
1935 – 1940-cı illərdə Asəf Zeynallı adına Musiqi məktəbinin tar sinfində oxuyub.
1940 – 1941 və 1945 – 1949-cu illərdə M.Əzizbəyov adına Azərbaycan Sənaye İnstitutunda təhsil alıb.
1941 – 1942-ci illərdə Hərbi Aviamühəndislər Məktəbinin kursantı olub.
1951 – 1954-cü illərdə Molotov adına Energetika İnstitutunun aspiranturasında təhsil alıb.
Əmək fəaliyyəti
1942 – 1945-ci illərdə Xolzunov adına Kirovabad zavodunda pilot-aviasilahlar üzrə serjant əsgəri rütbəsində hərbçi-mexanik vəzifəsində işləyib.
1954 – 1956-cı illərdə M.Əzizbəyov adına Azərbaycan Sənaye İnstitutunun elektrik ölçmələri və qurğularının avomatlaşdırılması kafedrasında assistent,
1956 – 1960-cı illərdə isə dosent olub.
1960 – 1963-cü illərdə M.Əzizbəyov adına Azərbaycan Sənaye İnstitutunun istehsal proseslərinin avtomatlaşdırılması fakültəsinin dekanı,
1970-ci ildən isə avtomatika, telemexanika və elektronika kafedrasının müdiri vəzifəsində çalışıb.
İkinci işyerləri
1957 – 1991-ci illərdə Sumqayıt “Neftkimya-avtomat” Elmi-Tədqiqat və Layihə İnstitutunda əvəzçiliklə işləyib.
Elmi fəaliyyəti
1954-cü ildə namizədlik dissertasiyasını müdafiə edib.
1956-cı ildə dosent elmi adını alıb.
1972-ci ildə doktorluq dissertasiyasını müdafiə edib.
1977-ci ildə professor elmi adını alıb.
Telemexanikaya dair azərbaycan və rus dillərində dərsliklərin, 9 monoqrafiyanın, 200-ə yaxın məqalənin, 45 ixtiranın, 6 cihazın müəllifidir.
5 elmlər doktorunun, 70-dən çox elmlər namizədinin elmi rəhbəri olub.
Elmi-təşkilatı fəaliyyəti
- SSRİ Xalq Təhsili üzrə Dövlət Komitəsi Elmi-Metodik Şurasının avtomatika və texniki sistemlərin idarəedilməsi bölməsinin sədr müavini və həmin şuranın Azərbaycan SSR üzrə komitəsinin sədri olub.
- Azərbaycan Respublikası Prezidenti yanında Ali Attestasiya Komissiyasının üzvü.
- Azərbaycan Respublikası Təhsil Nazirliyinin Elmi-Metodik Şurasının avtomatika və istehsal proseslərinin avtomatlaşdırılması bölməsinin sədri.
Mükafatları
- “1941-1945-ci illər Böyük Vətən müharibəsində Almaniya üzərində qələbəyə görə” medalı (1946);
- SSRİ XTNS-nin gümüş medalı (1961 və 1987);
- SSRİ XTNS-nin bürünc medalı (1963, 1969, 1982);
- “1941-1945-ci illər Böyük Vətən müharibəsində qələbənin 20 illiyi” yubiley medalı (1966);
İzzət Nəbiyev aşağıdakı medal və fəxri adlarla təltif olunmuşdur:[1]
- SSRİ Dövlət Mükafatı — 1969 ("Avtomatlaşdırma sistemlərinin və texniki vasitələr kompleksinin işlənməsi və Azərbaycan neft sənayesində tətbiqinə görə)
- "1941-1945-ci illər Böyük Vətən müharibəsində qələbənin 30 illiyi" yubiley medalı — 1976
- "Azərbaycan SSR əməkdar elm və texnika xadimi" fəxri adı — 1981
- "Əmək veteranı" medalı — 1984
- "1941-1945-ci illər Böyük Vətən müharibəsində qələbənin 40 illiyi" yubiley medalı — 1986
- "SSRİ-nin fəxri ixtiraçısı" fəxri adı — 1984
- Azərbaycan Dövlət Neft və Sənaye Universitetində vaxtilə onun rəhbərlik etdiyi Avtomatika, telemexanika kafedrasında və yaşadığı binanın divarında heykəltəraş Ömər Eldarovun müəllifi olduğu xatirə lövhələri vurulmuşdur.
- Bakıda küçələrdən birinə İzzət Nəbiyevin adı verilmişdir.
Pedaqoji fəaliyyəti
1949-cu ildə təhsilini əla qiymətlərlə bitirdikdən sonra Moskva Energetika İnstitutunun aspiranturasında ilk elmi fəaliyyətə başlayır. Dissertasiya işini uğurla bitirdikdən sonra texnika elmləri namizədi kimi Bakıya qayıdır və yüksək ixtisaslı elmi və mühəndis kadrların hazırlanması, respublikanın neft sənayesinin avtomatlaşdırılması ilə məşğul olur. 1960-cı ildə neft profilli ali məktəblərdə ilk fakültənin-istehsal proseslərinin aftomatlaşdırılması fakültəsinin əsasını qoyur və onun ilk dekanı olur. 1970-ci ildə Avtomatika, telemexanika və elektronika kafedrasına müdir seçilir və 1991-ci ilə qədər həmin kafedraya rəhbərlik edir. Onun elmi rəhbərliyi və məsləhətçiliyi ilə 75 elmlər doktoru və namizədləri yetişmişdir.
Elmi əsərləri
- Çapdan çıxmış elmi əsərlərin ümumi sayı:300-dən artıq
- Müəlliflik şəhadətnamələrinin və patentlərin sayı: 50 (monoqrafiya və dərsliklərin sayı — 11).
Əsas elmi əsərləri
- “Neft quyularının məhsuldarlığının teleölçüsü üçün avtomatik sistemlər”
- “Ölçmə məlumatının yığılması və çevrilməsinin diskret texniki vasitələri”
- “Neftçıxarma sənayesi üçün telemexanika kompleksləri” kimi monoqrafiyaları və neçə-neçə elmi məqalələri Moskvada dərc olunmuşdur.
- Respublikada birinci olaraq Azərbaycan dilində “Telemexanika” dərsliyinin müəllifidir.
İstinadlar
- ↑ Нәбијев Иззәт Әһмәд оғлу (Библиографија). Бакы: "Азәрбајҹан Енсиклопедијасы" НПБ. 1999. 88 сәһ. ISBN 5-89600-261-x.
Ədəbiyyat
- Nəbiyev İzzət əhməd oğlu // Azərbaycan Sovet Ensiklopediyası : [10 cilddə] = Азәрбајҹан Совет Енсиклопедијасы / baş red. C.B.Quliyev. — Bakı: Qızıl Şərq, 1983. — VII cild. — Səhifələrin sayı: 623. — Səh.: 216. — 80.000 nüsx.
- Abdullayev İ.M., Yusifov S.Y. Nəbiyev İzzət əhməd oğlu / Azərbaycan respublikası Təhsil Nazirliyi, Azərbaycan Dövlət Neft Akademiyası. — Bakı: “Azərbaycan Ensiklopediyası” Nəşriyyat-Poliqrafiya Birliyi, 1999. — Səh.: 36. — 300 nüsx. — ISBN 8-89600-261-x. Arxivləşdirilib; arxivləşdirmə tarixi: 8 oktyabr 2024.
- Məmmədov Ə., Xalıqov F. Nəbiyev İzzət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 443 – 445. — 1.000 nüsx.
- Mete Ə. Avtomatika sahəsində görkəmli alim // O torpağın övladları. — Bakı: Nurlan, 2006. — Səhifələrin sayı: 608. — Səh.: 274 – 275. — 500 nüsx.
- Əliyev T. Ot kökü üstə bitər (azərb.) // Respublika : qəzet. — Bakı: Azərbaycan, 2008. — В. 27 noyabr. — Səh. 7. Arxivləşdirilib; arxivləşdirmə tarixi: 24 yanvar 2021.