Almaz Xəlilova

Almaz Xəlilova — fizika-riyaziyyat elmləri namizədi, AMEA Fizika İnstitutunun aparıcı elmi işçisi. 1972–1982-ci illərdə Azərbaycan SSR EA Rəyasət Heyətinin elmi katibi vəzifəsində çalışmışdır.

Almaz Xəlilova
Xəlilova (Əbdürrəhmanova) Almaz Əhmədiyyə qızı
Doğum tarixi	7 mart 1940 (1940-03-07)
Doğum yeri	Nuxa (indiki Şəki), Azərbaycan SSR, SSRİ
Elm sahəsi	fizika
İş yeri	AMEA Fizika İnstitutu (aparıcı elmi işçi)
Elmi dərəcəsi	fizika-riyaziyyat elmləri namizədi
Elmi adı	dosent
Təhsili	• S.M.Kirov adına Azərbaycan Dövlət Universiteti, fizika fakültəsi (1957–1962)  • Azərbaycan SSR Elmlər Akademiyası Fizika İnstitutu, aspirantura
Elmi rəhbəri	professor D.N.Nasledov və akademik M.İ.Əliyev

Haqqında məlumatlar

7 mart 1940-cı il tarixdə Nuxada (indiki Şəki) anadan olub.

Təhsili

1947 – 1950-ci illərdə Nuxa şəhər 8 №-li rus orta məktəbində,

1950 – 1957-ci illərdə Bakı şəhər 134 saylı orta məktəbində,

1957 – 1962-ci illərdə S.M.Kirov adına Azərbaycan Dövlət Universitetinin fizika fakültəsini bitirib.

Azərbaycan SSR Elmlər Akademiyası Fizika İnstitutunun aspiranturasına qəbul olunub, sonra isə A.İ.İoffe adına Leninqrad Fizika-Texniki İnstitutuna ezam edilib.

Elmi fəaliyyəti

1967-ci ildə A.İ.Gertsen adına Leninqrad Pedaqoji İnstitutunun Elmi Şurasında professor D.N.Nasledov və akad. M.İ.Əliyevin rəhbərliyi altında "Ga-Sb-Te üçqat sistemində bərk məhlulların alınması, elektron və fononların səpilmə mexanizmlərinin tədqiqi" mövzusunda namizədlik dissertasiyası müdafiə edib.

41-i xaricdə, o cümlədən, 21-i beynəlxalq bazalarda referatlaşdırılan və indeksləşdirilən jurnallarda olmaqla çap edilmiş 105 elmi əsərin müəllifidir.

Əmək fəaliyyəti

1967-ci ildən Azərbaycan SSR EA Fizika İnstitutunda böyük elmi işçi vəzifəsində çalışmağa başlayıb; o cümlədən,

1975-ci ildə ona baş elmi işçi olub.

Digər

1972 – 1982-ci illərdə Azərbaycan SSR EA Rəyasət Heyətinin elmi katibi olub.

AMEA “Xəbərlər, fizika-texnika və riyaziyyat elmləri seriyası, fizika və astronomiya “ jurnalın məsul katibidir.

Ədəbiyyat

1. Məmmədov Ə., Xalıqov F. Xəlilova (Əbdürrəhmanova) Almaz Əhmədiyyə qızı // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 262. — 1.000 nüsx.
2. Fizika İnstitutunun fəlsəfə doktorları : Xəlilova Almaz Əhmədiyyə qızı : [arx. 01.10.2021] // zərbaycan Milli Elmlər Akademiyası. — Müraciət tarixi: 01.10.2021.